63
2.Təhlükəsiz vərdişlərinin, öyrənmə bacarığının, digər qrupların baxışların, yaxud nöqteyi –nəzərinin
başa düşülməsi.
3.Davranış tənzimləyiciləri kimi dəyərlərin formalaşdırılması.
Qiymətləndirilmə meyarları bütün sinifdə müzakirə edilə bilər.
Qiymətləndirmənin üsul və formaları.
1.Müəyyən konkret cavabı olanlar (Testlər).
2.Açıq suallar.
Şagirdin özünüqiymətləndirməsi çox vacibdir.
Bu onlara öz davranışına daha məsuliyyətlə yanaşmağa sövq edir, onlarda obyektivliyin tərbiyə
edilməsinə yardımçı olur. münasibətlərin düzlük və qarşılıqlı anlaşma prinsipləri əsasında qurmağı öyrədir.
Dərsin geniş planı,
Dərsin planı
Təcrübəçi tələbələr təkcə icmalla deyil, həm də geniş planlı dərslər keçməlidirlər. Bəs geniş plan necə
tərtib edilməlidir?
Burada da hazırlıq üçün icmala verilən tələblər əsas götürülür. Lakin müəyyən fərqlər vardır. İcmaldan
fərqli olaraq geniş planda müəllimin şərhinin mətni; həmçinin şagirdlərin suallara verdikləri cavablar yazılmır.
Sonuncu kursda isə dərslərin çoxu icmalla və geniş planla yox, sadəcə planla tədris olunur. Müəllim kimi
fəaliyyətə başlayanda dərslərin hamısını planla deyəcəksiniz. Dərs planı geniş plandan fərqli olaraq daha qısa və
sadə tərtib edilir və burada şagirdlərə verilən suallar da yazılmır. Yalnız mövzu məqsəd, təchizat, istifadə
ediləcək üsullar, ev tapşırıqlarının yoxlanılması, keçmiş dərsin soruşulması, yeni materialların şərhi, yeni dərsin
möhkəmləndirilməsi və ev tapşırıqlarının verilməsi qısaca qeyd edilir.
DƏRSİN DİNLƏNİLMƏSİ (MUŞAHİDƏSİ) VƏ TƏHLİLİ
Məktəbdə həyata keçirilən bütün təlim-tərbiyə işlərinin mərkəzində dərs dayanır. Müəllimin pedaqoji
fəaliyyətinin əsasını dərs təşkil edir. şagirdlərin biliklərinin dərinliyi və möhkəmliyi, malik olduqları ideya və
mənəvi keyfiyyətlər bilavasitə onlara keçilən dərslərin səmərəliliyi, məzmunluğu, dərinliyi ilə və s. əlaqədardır.
Buna görə də hər bir təcrübəçi tələbənin dərsin dinlənilməsi və təhlili üzrə də müəyyən biliklərə yiyələnməi
olduqca mühüm əhəmiyyət kəsb edir. bəs dərsin dinlənilməsində hansı cəhətlərə xüsusilə ciddi fikir
verilməlidir?
1.MÜƏLLİM DƏRSƏ NECƏ HAZIRLAŞMIŞDIR?
Onun dərs planı, tematik işləri, didaktik materialları və s. varmı? Materialı nə dərəcədə bilir? Bu vəziyyət
dərsin gedişində, onun dolğunluğunda, səmərəliliyində, şagirdlərin fəallığında aşkara çıxarılır.
64
II.DƏRSİN MÖVZUSU
Onun mövzu üzrə dərslər sistemində yeri. Mövzunun xüsusiyyətləri.
III.DƏRSİN MƏQSƏDİ VƏ ONUN TƏLİM-TƏRBİYƏVİ VƏZİFƏSİNİN QOYULUŞU
Dərsin qarşısında hansı məqsəd qoyulmuşdur. Müəllim onu nə dərəcədə yerinə yetirir? Dərsin (təlimin)
öyrədici, inkişafetdirici və tərbiyəvi funksiyaları.
IV.DƏRSİN TƏŞKİLİ
Sinif otaqlarının dərsə hazırlanması. Onun təmizliyi, sanitar gigiyenik tələblərə müvafiq olması. Dərsin
strukturu, vaxt bölgüsü. Dərsdə intizam. Şagirdlərin məşğələyə hazırlıq səviyyəsi və s.
V.DƏRSİN MƏZMUNU
Dərsdə materialın elmi şərhi, onun tərbiyəvi istiqaməti. Materialın həcmi və s.
VI.KEÇİLMİŞ MATERİALIN TƏKRARI
Təkrardan dərsin hansı hissəsində istifadə olunmuşdur və müəllim buna nə dərəcədə nail olmuşdur?
VII.NƏZƏRİYYƏ İLƏ TƏCRÜBƏNİN ƏLAQƏSİ
Öyrənilən biliklərin müəllim və şagirdlər tərəfindən müasir istehsalatın, ətraf mühitin və məişət
hadisələrinin izahına tətbiq olunması, şagirdlərin biliklərini öz şəxsi təlim təcrübəsinə tətbiq etməsi, təcrübə
aparmaq və s.
65
VIII.DƏRSİN METODİK CƏHƏTİ
Şagirdlərin bilik, bacarıq və vərdişlərinin yoxlanılmasının məzmunu və metodikası. Yeni materialın şərhi
üçün müəllimin tətbiq etdiyi metodlar və priyomlar. Bunlardan istifadənin keyfiyyəti.
IX.ŞAGİRDLƏRİN MÜSTƏQİL İŞLƏRİ
Şagirdlərin idrak fəaliyyətinin inkişaf etdirilməsi. Şagirdlərin fəallığı. Əks-əlaqənin mövcudluğu. Texniki
vasitələrdən istifadənin keyfiyyəti.
X.ŞAGİRDLƏRİN BİLİK, BACARIQ VƏ VƏRDİŞLƏRİNİN KEYFİYYƏTİ
Şagirdlərin cavablarının, sual-cavabın nəticələ-rinin, təcrübə və yoxlama işlərin dərinliyi. Şagirdlərin
kitablarla, cihazlarla işləmək, konspekt, mətnlər yazmaq, məruzə və məlumatlarla çıxış etmək bacarığı. Onların
biliyinin qiymətləndirilməsinin obyektivliyi.
Öyrənilmiş materialların möhkəmləndirilməsinin məzmunu və metodikası.
XI.DƏRSİN PSİXOLOJİ CƏHƏTİ
Şagirdlərin diqqəti, təfəkkürü və qabiliyyətlərinin inkişafı. şagirdlərin nitqi üzrə iş. Dərsdə psixoloji mikro
mühit. Dərsdə emosionallığın təmin edilməsi.
XII. MÜƏLLİMİN XARAKTERİSTİKASI VƏ PEDAQOJİ KEYFİYYƏTLƏRİ
Sinfi ələ almaq bacarığı, emosionallığı, pedaqoji aktı, şəxsi mədəniyyəti, obyektivliyi, xeyirxahlığı,
tələbkarlığı, fərdi yanaşma qabiliyyəti, nitqi, geyimi və s.
TƏRBİYƏVİ SÖHBƏT İCMALININ TƏRTİBİ METODİKASI
Pedaqoji təcrübənin ilk mərhələsində (birinci ilində) Siz əsasən aşağı siniflərdə – uşaq və yeniyetmələrlə
işləməli olacaqsınız. Bu dövrdə uşaqların tərbiyəvi söhbətlərə-tərbiyəçi sözünə xüsusi ehtiyacları vardır. Sözün
gücü isə onun necə deyilişindən, hansı tərzdə söylənilməsindən çox asılıdır. Faktlara əsaslanmaqla, yüksək
emosional şəkildə aparılan söhbətlər şagirdləri sanki ovsunlayır, onların mənəviyyatına güclü təsir göstərir.
Buna görə tərbiyəvi mövzuda söhbətlərin aparılması təcrübəçidən ona ciddi surətdə hazırlaşmağı tələb edir.
Yadda saxlayın ki, təcrübə müddətində apardığımız belə tərbiyəvi söhbətlərdən birinə icmal tərtib etməlisiniz.
Aşağıda tanış olacağınız material söhbəti hazırlamaq və onun icmalının tərtibində sizə yaxından istiqamət
verəcəkdir.
Tərbiyəvi söhbətlərin təşkili və onun aparılması söhbətə hazırlıqdan başlayır. Hazırlıq iki mərhələni əhatə
edir: a)müəllmin (təcrübəçinin) özünühazırlıtı və hazırlığı; b)şagirdlərin söhbətə hazırlanması. Hazırlıq işləri
tamamlandıqdan sonra söhbətin aparılması həyata keçirilir.
Tələbələrin özünühazırlığına aşağıdakılar daxildir: söhbətin məqsədinin aydınlaşdırılması; Sinifdənkənar
oxu üçün ədəbiyyatların seçilməsi; söhbətə müvafiq plakat və digər əyani vəsaitlərin hazırlanması; söhbətin
planının tərtibi; giriş üçün ediləcək söhbətin, veriləcək sualların və nəticənin sisteminin müəyyənləşdirilməsi,
valideynlərin və digər qonaqların gəlişi və nəhayət, ümumi nəticənin hazırlanması.
Bundan sonra hazırlığın ikinci mərhələsi, yəni tələbənin hazırlığı başlayır. Onun məzmununa aşağıdakılar
daxildir:
a)mövzu üzrə tələbənin söhbəti;
b)nağıl, hekayə, şer, püblisistik yazılardan parçaların oxunuşu;
v)aparılacaq söhbətin mövzusu üzrə inşa yazı yazdırılması;
q)aparılacaq söhbətin mövzusu ilə əlaqədar olaraq şagirdlərin özünün müstəqil olaraq şerlər, hekayələr,
atalar sözləri, zərb tapması və s.
Bütün bu hazırlıq işləri görülüb qurtardıqdan sonra söhbətin vaxtı dəqiqləşdirilir və söhbət həmin vaxtda
aparılır.
Tərbiyəvi söhbətin aparılması üç hissədən ibarətdir:
1.Təcrübəçi tələbənin giriş sözü.
2.Şagirdlərlə müsahibənin aparılması.
3.Tələbənin gəldiyi nəticə.
Giriş sözündə aparılacaq söhbətlə bağlı bədii əsərlərdən parçaların oxunması söhbətin daha emosional və
cəlbedici olmasına real zəmin yaradır, müvafiq parçaların tələbə tərəfindən oxunuşundan sonra mövzunun
mahiyyəti ilə bağlı bir neçə məsələlərə toxunulur, onların əhəmiyyəti qeyd edilir. Sonra şagirdlərin yazdıqları
inşalar təhlil edilir, onlara ümumi nəticə verilir. Nəhayət bu mərhələdə inşalardan seçilmiş 2-3 ən yaxşı nümunə
oxunulur, onların əhəmiyyəti qeyd edilir.
İkinci hissədə tələbənin verdiyi suallara şagirdlər cavablar verir, tələbə həmin cavabları tamamlayır.