8
praktiklər» olmaq arzusunu təlqin etməkdir. Con Devinin dediyi ki, «biz birbaşa təcrübənin özündən daha çox
təcrübə üzərində düşünmək nəticəsində öyrənirik» (Devi, 1933). Yaradıcı düşünməyə meyl etməyən müəllimlər
şablon davranışa əsaslanır və düşüncədən daha çox impuls, ənənə və inzibatçılıq əsasında hərəkət edirlər. Daimi
öyrəncilər və yaradıcı düşünən müəlolimlər isə, əksinə, məktəblərin məqsədlər, metodlar, problemlər və onların
həllindən irəli gələn vəzifələri tənqidi şəkildə tədqiq edirlər ki, özlərinin təlim üslubuna və xüsusi dərs
otaqlarının tələblərinə daha çox uyğun gələn düşünülmüş yollarla hərəkət edə bilsinlər.
İxtisas üzrə təcrübələrin ardıcıllığı. Müəllimlərin hazırlanması üzrə uğurlu proqramlarda tələbələrin
nəzəri kurslara cəlb edilməsi ilə yanaşı, inkişaf ardıcıllığına uyğun olaraq, ixtisas üzrə təcrübələr də
müəyyənləşdirilir. Məsələn, birinci il tələbə həftənin bir gününü əsas tədris proqramı ilə sıx əlaqələr saxlayan
təcrübə yerində keçirir. Nəticədə nəzəriyyə və təcrübə arasında yaxın əlaqə təmin edilmiş olur. Pedaqoji təhsil
illəri ərzində tələbələr müxtəlif yaşlı və qabiliyyətli uşaqlarla geniş öyrənmə təcrübələrini əhatə edən ixtisas üzrə
tapşırıqları yerinə yetirdikcə, onların peşə məsuliyyətləri də tədricən artır.
İxtisas üzrə təcrübələrdə iştirak edən şəxslərə yardım. İxtisas üzrə təcrübələrin və ya praktikumun
uğur qazanmasında başlıca amil təcrübədə iştirak edən şəxslərdir: müəllimlərin hazırlanması üzrə proqrama
nəzarət edən yoxlayıcı (supervayzer), dekan və ya pedaqoji fakültənin müdiri, əməkdaşlıq edən müəllim,
məktəbin direktoru və tələbə. Burada tələbənin, əməkdaşlıq edən müəllimin və universitet yoxlayıcısının
bərabər səviyyəli əməkdaşlığı xüsusilə mühüm əhəmiyyət kəsb edir.
Müəllimlərin hazırlanması üzrə bəzi proqramlarda bərabər əməkdaşlığı inkişaf etdirmək və qoruyub
saxlamaq üçün spesifik metodlar nəzərdə tutulmuşdur. Məsələn, müəllimlərin hazırlanması üzrə proqramlar ilə
təcrübənin keçirildiyi məktəblər arasında əməkdaşlığa təkan vermək məqsədi ilə bu cür hərəkət edilir:
əməkdaşlıq edən pedaqoqa müəllimlərin hazırlanması üzrə proqram çərçivəsində pedaqoji fakültənin bir
müəllimi rolu verilir (məsələn, bu müəllim seminarlar keçirə, müəllimlərin hazırlanması proqramlarının
yaradılmasında iştirak edə bilər). Eyni zamanda, müəllimlərin hazırlanması üzrə proqramın yoxlayıcı-larını
tədqiqat layihələri üçün məlumat toplamaq, habelə tədris proqramlarının işlənib hazırlanması üzrə kollektiv işdə
və ya məktəb idarəçiliyi şuralarında iştirak etmək məqsədilə öz vaxtlarının bir hissəsini məktəblərdə keçirməyə
həvəsləndirmək olar. ABŞ-dakı bəzi universitetlərdə belə bir təcrübə həyata keçirilir: əməkdaşlıq etmələri
müqabilində kiçik yaşlı uşaq müəllimləri pulsuz olaraq ixtisasartırma kurslarına cəlb olunurlar. Tələbə-
əməkdaşlıq edən müəllim-yoxlayıcı üçbucağında tələbənin rolunu lazımi səviyyədə saxlamaq üçün hər cür
cəhdlər göstərilir. Tələbələrin maraqlarının mühümlülüyünün nəzərə alınması, onların məktəb qaydaları və
müəllimlərin hazırlanması üzrə proqramların məqsədləri çərçivəsində bərabər tərəfdaşlar kimi prosesdə iştirak
etmələri üçün lazım olan hər şey edilir.
Təcrübəyə rəhbərliyin mühümlüyü. Praktik təcrübənin keyfiyyəti həmin təcrübəyə rəhbərliyin necə
həyata keçirilməsindən əhəmiyyətli dərəcədə asılıdır (Qlettom və Kobl, 1995). Kiçik yaşlı uşaq müəllimlərinin
hazırlanması üzrə proqramın rəhbəri və ya fakültə dekanı həmin proqramın ümumi konsepsiyasının işlənib
hazırlanmasında, zəruri dəyişikliklərin müəyyənləşdirilməsində, proqramdaxili və proqramdankənar işlərin
aydın şəkildə əlaqələndirilməsində, lazımi resursların əldə edilmə-sində, resursların və işçi heyətinin davamlı
şəkildə cəlb olunmasında, daxili təkmilləşmə meylinin qorunub saxlanmasında və müəllimlərin hazırlanması
sahəsinin işçiləri arasında aydın məsuliyyət bölgüsünün aparıl-masında əsas qüvvə ola bilər. Rolların dəqiq
müəyyən-ləşdirilməsi, tələbələr üçün düşünülmüş proqramların hazırlanması, təcrübə mübadiləsi, tələbələrin
praktika üzərində fikirləşməsi, təlim və tədrisin cari məsələlə-rinin müzakirəsi imkanlarının yaradılması kimi
məqsədlərin əldə edilməsində tələbə-əməkdaşlıq edən müəllim-yoxlayıcı üçlüyü daxilində iş birliyinin olması
zəruridir.
1
Müəllimlərin hazırlanması, problemlərin həlli və uğur gətirən metodların tətbini kimi məsələlərdə
praktikumun və digər ixtisas təcrübələrinin mühüm rolunu əks etdirən bu əsas informasiyanın ardınca kitabda
uğurlu proqramın yaradılması və tətbiqi ilə bağlı məsələlər əhatə olunur.
İxtisas üzrə təcrübə proqramının yaradılması
Müəllimlərin hazırlanması proqramı tələbələr üçün ixtisas üzrə təcrübə proqramının tərtib olunması
baxımından əsas rolunu oynamalıdır. Bununla belə əməkdaşlıq edən məktəblər də təcrübələrin keçirildiyi yer
kimi vacib tərəfdaş rolunda çıxış edirlər.
İxtisas üzrə təcrübə proqramlarının yaradılması üçün aşağıdakı işləri görmək lazımdır:
1.Proqramın perspektivini, məqsəd və vəztfələrini işləyib hazırlamaq.
2.Proqramın reallaşmasını təmin edəcək siyasət və prosedurları müəyyən etmək.
3.İşçiləri seçmək və onlarla treninq keçirmək.
4.Təcrübə yerlərini seçmək və onlarla tanış olmaq.
5.İşçilərdən hansı nəticələrin gözləndiyini, onların rol və məsuliyyətlərini müzakirə etmək.
____________