12
Kompüter texnologiyalarının həyatda və cəmiyyətdə hərtərəfli və səmərəli
tətbiqi üçün müasir proqram məhsullarının nəzəri əsaslarının, müqayisəli
xarakteristikalarının və tətbiqi məsələlərin həllində istifadə üsullarının öyrənilməsi
və tətbiqi vacibdir. İndi hər bir savadlı şəxsdən informatikanın əsas müddəalarını
bilmək, onun fəaliyyət sahəsinə aid olan məsələləri kompüterdə həll etmək bacarığı
tələb olunur.
İstənilən məsələnin, prosesin, situasiyanın, sistemin və ya obyektin kompüter
vasitəsilə həll olunması və öyrənilməsi üçün formallaşdırma və modelləşdirmə
vasitələrinin tətbiqi zəruridir. İlkin sistemin və ya obyektin kompüter modeli
nəticə etibarı ilə tədqiqat obyektinə çevrilir. Obyektin kompüter modelinin
yaradılması və onun üzərində real proseslərin imitasiyasının aparılması
modelləşdirmə prosesinin tərkib hissəsini təşkil edir.
Kompüterlərdən istifadə etməklə obyektin modelinin qurulması bir neçə
zəruri mərhələləri əhatə edir. Formallaşdırma mərhələsində tədqiqat obyekti
haqqında olan nəzəri fikirlər, müvafiq anlayışlar, əsas təsiredici amillər, inkişaf
göstəriciləri, asılılıqlar, qanunauyğunluqlar və s. əsasında onun konseptual modeli
qurulur. Konseptual modelin izahı riyazi simvolların dilinə çevrilir: yəni riyazi
üsullar sahəsində bilik və bacarıq hesabına obyektin riyazi modeli yaradılır. Riyazi
modelin reallaşdırılması üçün məlum riyazi biliklər və üsullar əsasında həll
alqoritmi işlənilir və həmin alqoritm proqramlaşdırma dillərinin köməyi ilə
kompüter proqramına çevrilir. Alınmış kompüter modelinə tədqiqat obyektinə aid
real informasiyalar daxil edilir və nəticədə obyektin informasiya modeli alınır.
Məhz bu model imkan verir ki, müəyyən dəqiqliklə obyektin vəziyyəti haqqında
real situasiya öyrənilsin, onun nəticələri proqnoz edilsin və müəyyən
eksperimentlər aparılsın.
Proqramlaşdırma dillərinin köməyilə intellektual xüsusiyyətlərə malik olan
bütün kompüter proqramlarının yaradılması da riyazi üsul və vasitələrdən istifadə
etməklə həyata keçirilir. Məhz bu cür proqramların meydana gəlməsi ilə də süni
intellekt anlayışı formalaşır. Bu istiqamətdə yaranan intellektual sistemlər də
insanın yaradıcı fəaliyyətinin, təxəyyülünün nəticəsi olan biliklərin emalına
əsaslanır.
Qeyri-səlis məntiq və çoxluq əsasında qurulan həmin modellər, demək olar ki,
bütün sahələrdə tətbiq olunur. Qeyri-səlis modelin giriş informasiyaları qeyri-dəqiq
qiymətlər çoxluğudur. Ona görə də həmin modellər mürəkkəb və qeyri-müəyyən
şəraitdə özünü yaxşı apara bilir və bir çox sahələrdə tətbiq olunur.
Qeyd edilənlər onu deməyə əsas verir ki, ətraf aləmdəki müxtəlif tipli, formalı
proseslərin baş verməsi, formallaşdırıla bilməsi və onun əsasında obyektin
kompüter modelinin qurulması, müəyyən proseslərin başvermə ardıcıllığının
öyrənilməsi, obyektlərin işləmə prosedurasının, məsələlərin həlli ardıcıllığının
müəyyənləşdirilməsi, məntiqi düşüncənin inkişaf etdirilməsi şagirdlər üçün çox
vacibdir və onsuz kompüter vasitəsi ilə yeni məsələlərin həlli mümkün deyildir.
Ümumi nəticələr
Şagird:
13
məsələnin qoyuluşunda formallaşdırmanın rolunu və onun əsas
prinsiplərini şərh edir;
obyektin və ya hadisənin xarakterik xüsusiyyətlərinini müəyyənləşdirir,
obyektlərin klassifikasiyası haqqında malik olduğu təsəvvürləri sadalayır
və şərh edir;
modelləşdirmənin əsas mərhələləri haqqında biliklərini nümayiş etdirir;
informasiya modellərinin təsviri formalarını sadalayır, müxtəlif
informasiya modelini qurur və onları təhlil edir;
alqoritmin mahiyyətini aydınlaşdırır, onun növlərini sadalayır və icrası
zamanı onun xassələrini şərh edir;
əsas alqoritmik strukturları (dövr, budaqlanma, prosedura) müxtəlif
məsələlərin həllində tətbiq edir;
proqramlaşdırma dillərindən istifadə etməklə məsələlərin həlli
alqoritminin proqramını tərtib edir.
Kompüter, informasiya-kommunikasiya texnologiyaları və sistemləri
BMT-nin bütün üzv dövlətlərinin qəbul etdiyi Üçüncü minilliyin İnkişaf
Məqsədləri kimi qlobal tərəfdaşlığın inkişaf etdirilməsi istiqamətində göstərilir ki,
informasiya-kommunikasiya texnologiyalarından (İKT) bəhrələnmək imkanı
yaradılmalıdır. İnkişaf etməkdə olan bütün ölkələr üçün çox böyük əhəmiyyətə
malik olan İKT cəmiyyətin və iqtisadiyyatın inkişafına ciddi təsir göstərdiyinə görə
dinamik templə sosial və iqtisadi həyatın bütün sahələrinə tətbiq olunur. Hal-
hazırda İKT-nin əhatə dairəsi hökumət təşkilatlarını, qeyri-hökumət və özəl
qurumları, iqtisadi-sosial, elm-mədəniyyət, ictimai-siyasi, təhsil və s. sahələri əhatə
edir. Cəmiyyətin lazımı informasiyalarla təchiz edilməsinin zəruriliyi artıq hamı
tərəfindən qəbul olunur. İKT sektoru cəmiyyətin və iqtisadiyyatın müasir
infrastrukturunun əsası olmaqla ölkə iqtisadiyyatının, mədəniyyətinin, elmin,
təhsilin, səhiyyənin, təhlükəsizliyin, idarəetmənin inkişaf etdirilməsinin əsas
mənbələrindən birinə çevrilir.
Müasir kompüterlər bir-birini tamamlayan iki texniki təminat hissəsindən
(qurğulardan) və proqram-informasiya təminatından ibarətdir. Kompüter hər hansı
işi özünün texniki qurğuları vasitəsi ilə proqram əsasında yerinə yetirir. Onun
proqram təminatı kompüterin yaddaş qurğularında saxlanılan və kütləvi istifadə
olunan proqramlar toplusundan ibarətdir.
Məktəb informatika kursunda informasiya kommunikasiya texnologiyası
mühüm yer tutur. Bu kursa mətn və qrafiki redaktorlar, elektron cədvəllər,
verilənlər bazası, telekommunikasiya vasitələri, multimedia texnologiyalarının və
s. öyrənilməsinin daxil edilməsi praktik istifadə baxımından böyük əhəmiyyət kəsb
edir.
Kompüter texnologiyası ilə işlərin aparılması, kompüterdən normal istifadə
edilməsi üçün onun texniki təyinatına, strukturuna, tərkib hissələrinə və funksional
imkanlarına, eləcə də onun proqram təminatının xarakterik xüsusuyyətlərinə,
informasiyanın müxtəlif aspeklərdə, formalarda emalı və mübadiləsi üçün mövcud
Dostları ilə paylaş: |