16
internetin əsas xidmətlərindən istifadə edir.
1.3. Məzmun xətləri üzrə təlim nəticələri
İbtidai təhsil səviyyəsində məzmun xətləri üzrə təlim nəticələri
1. İnformasiya və informasiya prosesləri
Şagird:
ətraf aləmdəki informasiya proseslərinə aid misallar göstərir, onları
əlamətlərinə görə qruplaşdırır və müqayisə edir;
əşyalar arasında münasibətləri (oxşar, fərqli, az, çox, ağır, yüngül, böyük,
kiçik) müəyyənləşdirir;
informasiya, onun növləri, yaranma mənbələri haqqında bildiklərini nümayiş
etdirir;
informasiya proseslərinə aid nümunə göstərir;
informasiyanın sadə təsviri üsullarını nümayiş etdirir;
həyatda, insanların fəaliyyətində informasiyaların alınması, saxlanılması və
ötürülməsini sadə misallar əsasında izah edir.
2. Formallaşdırma, modelləşdirmə, alqoritmləşdirmə və proqramlaşdırma
Şagird:
obyektin və ya hadisənin sadə xarakterik əlamətlərini müəyyənləşdirir, onları
izah edir;
ətraf aləmin obyektləri haqqında malik olduğu təsəvvürləri şərh edir;
sadə obyektin informasiya modelini qurur;
verilmiş sadə məsələnin həlli alqoritmini yazır;
hərəkətlər ardıcıllığını təsvir edir, buraxılmış addımı müəyyən edir.
3. Kompüter, informasiya- kommunikasiya texnologiyaları və sistemləri
Şagird:
kompüterlə davranmağı və sadə əməliyyatları necə icra etdiyini nümayiş
etdirir;
informasiya daşıyıcıları ilə necə işləməyi nümayiş etdirir.
mətn redaktorunda sadə mətnlər hazırlayır;
qrafik redaktorda sadə təsvirlər yaradır.
4. Cəmiyyətin informasiyalaşdırılması
Şagird:
informasiya resurslarını əlamət və təyinatına görə izah edir;
internetin əhəmiyyətini və onun tətbiq sahələrini şərh edir.
Ümumi orta təhsil səviyyəsində məzmun xətləri üzrə təlim nəticələri
1. İnformasiya və informasiya prosesləri
Şagird:
İnformasiyanın xassələri haqqında bildiklərini nümayiş etdirir.
17
İnformasiyanın kodlaşdırılmasını izah edir.
İnformasiyanın qəbul edilməsi və ötürülməsini nümunələr əsasında izah
edir.
İnformasiyanın təsvir üsullarını sadalayır.
İnformasiyaların həcmini müəyyənləşdirir, ölçür və onları əlamətlərinə görə
sistemləşdirir.
2. Formallaşdırma, modelləşdirmə, alqoritmləşdirmə və proqramlaşdırma
Şagird:
Modelləşdirmənin əsas mərhələləri haqqında biliklərini nümayiş etdirir.
İnformasiya modellərinin təsviri formalarını sadalayır, müxtəlif informasiya
modelini qurur və onları təhlil edir.
Alqoritmin mahiyyətini aydınlaşdırır, növlərini sadalayır və müxtəlif
məsələlərin həlli alqoritmini qurur.
Proqramlaşdırma dillərindən istifadə etməklə məsələlərin həlli alqoritminin
proqramını tərtib edir.
Sadə veb-səhifələr yaradır.
3. Kompüter, informasiya-kommunikasiya texnologiyaları və sistemləri
Şagird:
Kompüterdə istifadə olunan əməliyyat sistemlərini tənzimləyir.
Mətn və qrafiki redaktorda müvafiq nümunələr hazırlayır.
Multimedia təqdimatları hazırlayır.
Elektron cədvəldə iş nümayiş etdirir.
Müxtəlif şəbəkə növlərindən, şəbəkənin işini təmin edən proqram
təminatından, İnternetin xidməti proqramlarından istifadə edir.
4. Cəmiyyətin informasiyalaşdırılması
Şagird:
İnformasiya resurslarını toplayır, sistemləşdirir və təhlil edir.
İnformasiya cəmiyyətinin formalaşdırılmasına dair layihələr hazırlayır.
Tam orta təhsil səviyyəsində məzmun xətləri üzrə təlim nəticələri
1. İnformasiya və informasiya prosesləri
Şagird:
İnformasiya proseslərinin mahiyyətini şərh edir.
İnformasiya sistemləri haqqında bilik və bacarıqlarını nümayiş etdirir.
Müxtəlif növ informasiyalarla işləyir və onlardan istifadə edir.
2. Formallaşdırma, modelləşdirmə, alqoritmləşdirmə və proqramlaşdırma
Şagird:
Kompüter-informasiya modelinin yaradılmasının əsas mərhələlərini şərh
edir.
18
Verilmiş informasiya prosesinin modelini qurur, onu kompüterdə tədqiq
edir.
Veb-proqramlaşdırmanın mahiyyətini izah edir, veb-saytlar hazırlayır.
3. Kompüter, informasiya-kommunikasiya texnologiyaları və sistemləri
Şagird:
Situasiyalara uyğun olaraq kompüterdə əməliyyatları nümayiş etdirir.
Müəyyən sahəyə aid verilənlər bazasını layihələndirir.
Müxtəlif İnternet xidmətlərinə aid təqdimatlar edir.
4. Cəmiyyətin informasiyalaşdırılması
Şagird:
İnformasiya cəmiyyətini xarakterizə edən əsas fəaliyyət sahələrindən
(informasiya
inqilabları,
informasiya
təhlükəsizliyi,
informasiya
mədəniyyəti, E-hökumət, E-təhsil, E-seçki, E-kitabxana, E-ticarət) istifadə
bacarıqları nümayiş etdirir.
İnformasiya cəmiyyətinin əsas əlamətlərinə aid nümunələr gətirir və
onlardan fəaliyyətində istifadə edir.
1.4. Fəaliyyət xətləri
İnformatika fənni üzrə məzmun standartlarının reallaşdırılması aşağıdakı
fəaliyyət xətləri üzrə həyata keçirilir:
Problemin həlli
Mühakimə yürütmə və əsaslandırma
İnformasiya mübadiləsi və məsləhətləşmə
Tədqiqetmə və tətbiqetmə
Təqdimetmə
1.5. Məzmun standartları
I sinif
I sinfin sonunda şagird:
sadə informasiyalar, informasiyaların təsvir formaları, informasiya
mənbələri haqqında təsəvvürə malik olduğunu nümayiş etdirir;
oxşar obyektlər sırasından əşyaları əlamətlərinə görə tanıdığını
nümayiş etdirir;
sadə hadisələr, hərəkətlər ardıcıllığını anladığını nümayiş etdirir;
sadə məntiqi mühakimələri anladığını nümayiş etdirir.
Dostları ilə paylaş: |