5
Biomüxtəliflik nədir?
Bioloji müxtəliflik bütün yaşayış mühitlərində, o cümlədən quruda, dənizdə və digər
su ekosistemləri və ekoloji komplekslər də
daxil olmaqla, bütün canlı orqanizmlərin növ
müxtəlifliyi deməkdir.2000-ci il dekabrın 20-də BMT-nin Baş Assambleyası 55/201
nömrəli qətnaməsi ilə 22 may tarixini Bioloji müxtəliflik üzrə Konvensiyanın qəbul
olunması, həmçinin ―Beynəlxalq bioloji müxtəliflik günü‖ elan etmişdir. Əvvəllər 19
dekabr 1994-cü il tarixli, 44/119 nömrəli qətnamə ilə həmin gün dekabrın 29-da qeyd
olunurdu. Azərbaycan isə biomüxtəliflik üzrə Konvensiyaya 2000-ci ildə qoşulmuşdur.
Bizim taleyimiz ekosistemin məhsuldarlığından və saglamlığından asılı olduğundan
dünyada Biomüxtəlifliyin qorunması irqindən, dinindən, rəngindən asılı olmayaraq hər
birimizin borcudur. Bu baxımdan təbiətdə canlıların qorunması təbliğinə istiqamətlənmiş
22 may Beynəlxalq biomüxtəliflik gününü Avropanın bir çox ölkələri qeyd edirlər.1992-ci
ildə BMT-nin təşəbbüsü ilə Rio-de-Janeyro şəhərində keçirilmiş konfransda qeyd
olunduğu kimi: ―Dünyanın gələcəyi, inkişafı ekoloji problemlərin necə həll olunmasından
asılı olacaqdır‖.
Azərbaycanda biomüxtəliflik:
Azərbaycan Respublikası Qafqaz regionunda ən zəngin təbii sərvətlərə malik
ölkədir. Bioloji müxtəlifliyinə görə Azərbaycan dünyada özünəməxsus yerlərdən birini
tutur. Burada zəngin bitki və heyvan növləri cəmlənmişdir. Müasir Azərbaycan faunası
18000 canlıdan ibarət olub məməlilərin 97 növünü əhatə edir, bunlar 7 dəstəyə, 22 ailəyə
və 39 cinsə daxildir. Təkcə onurğalılar faunamızda 700 növlə təmsil olunmuşdur.
Respublikanın quş faunası 357 növ və yarımnövü əhatə edən 17 dəstəni təmsil edir.
Azərbaycanın su hövzələrində balıqların 10 dəstəyə, 16 ailəyə aid olan 100-ə yaxın növ və
yarımnövü yaşayır. Azərbaycanın həşəratlar aləmi də son dərəcə zəngin olub 25 minə
yaxın növü əhatə edir.
Azərbaycan florasının biomüxtəlifliyinə isə dərman, efiryağlı, dekorativ, meyvə,
texniki və digər faydalı bitkilər daxildir. Təəssüflə qeyd etmək lazımdır ki, insanın
uzunmüddətli düşünülməz təsərrüfat fəaliyyəti nəticəsində respublikamızın bitki
örtüyünün bioloji müxtəlifliyi deqradasiyaya məruz qalmış, dəyişilmiş, kasatlaşmış,
azalmış, bəzən məhv edilmişdir. Bitki örtüyünün bioloji müxtəlifliyinin pozulması və ya
məhv edilməsi ilə əlaqədar respublikamızın bəzi regionlarında müasir bitki örtüyünün
bioloji müxtəlifliyi müasir iqlimə uyğun gəlmir. Bunu aşağıdakı misallarla izah etməyə
çalışaq.
Keçiriləcək tədbirlər
:
HƏR KƏS ÜÇÜN KİFAYƏT QƏDƏR, TƏMİZ SU.
Təbiətdə
biomüxtəlifliyin
tarazlığının
qorunub
saxlanmasında
müəyyən
təbliğat
işlərinin xüsusi rolu var. Bir kitabxana sistemi
olaraq gənclərlə işlədiyindən kitabxanalarda ilk
öncə ekoloji tərbiyənin düzgün qurulması əsas
götürülür.
Yuxarıda qeyd etdiyimiz kimi, bioloji müxtəliflik
dedikdə bütün yaşayış mühitlərində, o cümlədən
quruda, dənizdə və digər su ekosistemləri və
ekoloji komplekslər də daxil olmaqla, bütün canlı
6
orqanizmlərin növ müxtəlifliyi nəzərdə tutulur. Bu da o deməkdir ki, təbiətdə
biomüxtəlifliyin
qorunması insanlar üçün daha vacibdir. Bunun üçün təbiətlə düzgün
davranmalı, onu sevməliyik. Əyani təbliğat formalarından olan mövzuyla bağlı
bukletlərin, kitab əlfəcinlərin hazırlanması oxucular üçün təbiəti sevmək, onu necə
qorumaq lazım olduğunu öyrənməyə kömək olan vasitələrdən olar. Mütəmadi bukletdə
mövzuyla bağlı ədəbiyyat siyahısının verilməsi oxucuların bu mövzuda mütaliəyə
marağının artması, onların kitabxanaya cəlbinə də yaxından köməklik göstərir.
Məktəbəqədər yaşlı oxucular uşaqların ekoloji tərbiyəsində ilk növbədə uşaqların
gözəllik, estetik zövqünün daha üstün olduğunu nəzərə alaraq, təbiətin gözəlliklərindən
danışmaqla təbiəti onlara sevdirmək lazımdır. Ekoloji tərbiyənin düzgün qurulmasında yaş
həddi nəzərə alınaraq kitabxanaya gələn oxucularla təbii sərvətlərin və heyvan növlərinin
insanların düzgün olmayan fəaliyyəti nəticəsində məhv edilməsinin nəticəsi haqqında
müxtəlif söhbətlər, filmlər, nağıllar. CD formasında nümayiş etdirilir.
Bioloji müxtəlifliyin qorunması üçün görülən işlərdən biri kimi oxuculara təbiət
haqqında yazılan şeir və hekayələrlə tanış etməyin də xüsusi əhəmiyyəti var. M.Ə Sabirin
―Ağacların bəhsi‖; N. Gəncəvinin ―İlin fəsilləri‖ şeiri fəsil dəyişiklikləri haqqında uşaqlara
müəyyən məlumatlar verir, onlarda təbiətə sonsuz sevgi oyadır.Bu işin daha bir
formalarından biridə təbətsevər şairlərin, yazıçıların dəvəti ilə kitabxanada keçirilən
görüşlərdir.
Kitabxanada keçirilən viktorinalar da biomüxtəlifliyin qorunmasında uşaqlara
təbiəti sevdirməyə xüsusi kömək edir. Kiçikyaşlı uşaqlar üçün zalda
təşkil edilən sərgidə
qoyulan şəkillər:1.Quşlar qəfəsdə
2.Quşlar heyvanxanada
3.Quşlar təbiətdə
Kitabxanaçı: Uşaqlar sizcə bu şəkillərdən hansı düzgündür?
Uşaqlar kitabxanaçı ilə öz fikirlərini bölüşür
Kitabxanaçı: Uşaqlar gəlin bir hekayəyə qulaq asaq və düzgün nəticə çixardaq:
Bir gün bir oğlan suyun kənarındakı gölməçədə balaca bir qurbağa gördü.
Ona yazığı gəldi.Onu götürüb evə gətirdi. Evdə onu pambığa büküb
qutuya qoydu.
Oğlan: Hə, qurbağa indi mənim evimdə isti bir yerdə yatacaqsan.
Kitabxanaçı: Qurbağa bundan heç sevinmədi. Balaca oğlan qutunu açanda gördü ki,
qurbağa az qalır ölsün. O, güclə nəfəs alır. Oğlan tez qurbağanı gölməçəyə
atdı, qurbağa dirildi.
Uşaqlar sizcə qurbağa balası nə üçün ölümcül halda idi?
Çünki hər bir canlının yeri onun doğulduğu evidir. Qurbağalarıda sudan ayırmaq olmaz.
Güllü-çiçəkli bağça. Çiçəklər baş-başa verib oxuyurlar:
Aparıcı: Mayın çiçəkləriyik,
Gözəl-göyçəkləriyik.
Necə xoş ətrimiz var!
Hər yanda xətrimiz var!
Kim tanımır kim bizi? –
Mixəkgülü, incigülü,
Qızılgülü, nərgizi.