Azərbaycan respublikasi səHİYYƏ naziRLİYİ azərbaycan tibb universiteti
Yüklə 5,01 Kb. Pdf görüntüsü
|
48 birinin köməyi ilə asan yerinə yetirilir, tamamilə təhlükəsizdir, ənənəvi üsullardan fərqli olaraq uzun müddət (1-2 həftə) tələb etmir, əzabverici deyildir, prosesin böyük hissəsi ev şəraitində (poliklinika və ya xəstəxana şəraitində yalnız 1 hidroyuyulma seansı) həyata keçirilir. Hipertoniya xəstəliyi, ÜXİX müəyyən edilmiş yaşlı xəstələrdə və şəkərli diabet xəstələrində əməliyyatönü hazırlıq dövrü müvafiq ixtisaslı həkimlərin (kardioloq, en- dokrinoloq və ya diabetoloq) təyinatı ilə ev şəraitində aparılmış, xəstələrin laborator- instrumental monitorinqi (dinamik EKQ, zəruri hallarda ExoKQ, qanda və sidikdə qlükozanın dinamik təyini) həyata keçirilmiş, yalnız tam medikamentoz və dietoloji korreksiya (kompensasiya) əldə edildikdən sonra cərrahi əməliyyat yerinə yetirilmiş- dir. Videolaparoskopik hernioplastika əməliyyatı zamanı karboksiperitoneum yara- dılması (12-15 atm təzyiq altında) zərurəti meydana çıxır. Karboksiperitoneum şərai- tində qarındaxili təzyiq kəskin artır, diafraqma döş boşluğuna doğru sıxılır. Bu vəziy- yət, əməliyyat vaxtı və sonra bu və ya digər səviyyəli kəskin tənəffüs çatmazlığı, ağ- ciyər ödemi kimi təhlükəli ağırlaşmalarla tamamlana bilər. Bu ağırlaşmaların profi- laktikası məqsədi ilə əməliyyatönü hazırlıq dövründə tənəffüs sisteminin vəziyyəti öyrənilməli (döş boşluğunun icmal R-skopiyası, ağciyərlərin həyat tutumu, qan qaz- larının kəmiyyət göstəriciləri və s.), terapevtin təyinatı ilə farmakoloji korreksiya (anabolik hormonlar, β-adrenoblokatorlar, bronxgenişləndirici və bəlğəmgətirici pre- paratlar və s.) aparılmalıdır. Sidik cinsiyyət sisteminin dəyişiklikləri müəyyən olunduğu hadisələrdə əməliy- yatönü dövrün gedişi uroloqun nəzarəti və təyinatı əsasında davam etdirilmişdir. İmmunoloji statusun dəyişiklikləri zamanı immunmodulyatorlar (perftoran, po- lioksidonium, immunal), ümumi müqavimətartırıcı müalicə (vitaminlər, jenşen və ya biyan kökü preparatları, exineseya preparatı, anabolik hormon), nevroloji-psixoloji statusun dəyişiklikləri zamanı müvafiq ixtisaslı mütəxəssislər tərəfindən sedativ pre- paratlar (sonopaks, valerian ekstraktı, passiflora, stresam və b.), trankvlizatorlar və antipsixotik preparatlar (amitriptilin, neuleptil) təyin edilmişdir. 49 2.4. Anesteziya üsulunun seçilməsi Hernioloji cərrahiyyədə yırtığın lokalizasiyasindan, icra ediləcək əməliyyat üsu- lu və onun həcmindən asılı olaraq adekvat anesteziya üsulunun seçimi böyük əhəmiy- yət kəsb edir. Anesteziya üsulu əməliyyatın nəzərdə tutulmuş müddətlərdə və həcm- də, əlverişli miorelaksasiya şəraitində yerinə yetirilməsinə şərait yaratmalıdır. Əmə- liyyatın gedişi boyunca anesteziya üsulunun dəyişdirilməsini məqbul hesab etmirik. Ona görə də seçim prosesi 3 iştirakçı – xəstə, anestezioloq və cərrah tərəfindən həya- ta keçirilməli, ən nəhayət, konkret xəstə üçün optimal əlverişli anesteziya üsulunun tətbiqi qərara alınmalıdır. Yəni seçim prosesində anestezioloqun rəyi, xəstənin istəyi (marağı) və əməliyyatın həcmi (cərrahın rəyi) əsas götürülmüşdür. Əksər xəstələrdə müştərək (spinal və ümumi venadaxili) anesteziyaya üstünlük verilmişdir. Ümumi intravenoz çoxkomponentli anesteziyaya spinal anesteziyanın mütləq əlavə edilməsi qarının aşağı mərtəbəsinin (qasıq və bud yırtıqlarında) ön diva- rı əzələlərinin maksimal relaksasiyasını təmin etdiyinə görə rekonstruktiv-bərpaedici cərrahi əməliyyatın gedişini və idarə olunmasını xeyli asanlaşdırmışdır. Laparoskopik hernioplastika əməliyyatları yalnız endotraxeal intubasiya şəraitində çoxkomponentli ümumi anesteziya altında yerinə yetirilmişdir. Çünki keyfiyyətli transabdominal her- nioplastikanın həyata keçirilməsi üçün qarın divarının keyfiyyətli görünüşü və qarın daxili manipulyasiyaların asan icra edilməsi olduqca vacibdir. Bu ancaq qənaətbəxş karboksiperitoneum şəraitində mümkündür. Karboksiperitoneum şəraitində tənəffü- sün və ürək damar sisteminin daimi idarə olunması, bu sistemlərə nəzarət üçün əmə- liyyatın icra edilməsinin yeganə rasional yolu endotraxeal intubasiya şəraitində ağci- yərlərin süni ventilyasiyasıdır. Bu xəstələrdə mərkəzi venalardan biri və bir dirsək venası kateterizasiya olunmalıdır. Bu ümumi anesteziya zamanı zəruri preparatların yeridilməsini və anesteziya prosesinin idarə olunmasını asanlaşdırır. Ümumi anesteziya üsulu açıq və videoendoskopik hernioplastika əməliyyatı za- manı 41 xəstədə müvəffəqiyyətlə tətbiq edilmişdir. Digər xəstələrdə müştərək (venadaxili və epidural), həmçinin yerli infiltrasiyaedici (nəzarət qrupunun bəzi xəstələri) anesteziya üsulları istifadə olunmuşdur. 50 FƏSİL III QARIN DİVARININ YIRTIQLARININ AÇIQ CƏRRAHİ MÜALİCƏSİNİN NƏTİCƏLƏRİ Qarının ön divarının birincili, residiv və əməliyyatdan sonrakı yırtıqları olan 35 xəstənin (I qrup) açıq atenzion cərrahi müalicəsinin nəticələri təhlil edilmişdir. Bütün xəstələrdə yırtıq qapısının açıq üsullarla gərilməsiz plastikası aparılmışdır. Protez- ləşdirici vasitə kimi polipropilen tor istifadə edilmişdir. Yırtıqların anatomik xarakteristikası 3.1 saylı cədvəldə təqdim edilmişdir. Cədvəl 3.1 Yırtıqların anatomik xüsusiyyətlərinə görə xəstələrin bölgüsü Yırtıqlar Açıq gərginliksiz hernioplastika (n=35) Sağtərəfli qasıq 8 Soltərəfli qasıq 2 Bud 3 Bilateral bud 1 Birincili göbək 3 Residiv göbək 2 Birincili ağ xətt 1 Residiv ağ xətt 3 İlk dəfə əmələ gəlmiş residivlər (qasıq yırtığı) 2 İkincili əmələ gəlmiş residivlər (qasıq yırtığı) 2 3 dəfə əmələ gəlmiş residivlər (qasıq yırtığı) 1 Əməliyyatdan sonrakı yırtıqlar: 7 Xəstələr ənənəvi əməliyyatönü hazırlıqdan (əməliyyatdan sonra bağırsağın if- licinin profilaktikası (bağırsağın boşaldılması), traxeobronxial ağacın sanasiyası, irin- li-infeksion ağırlaşmaların profilaktikası, qarındaxili təzyiqin nizamlanması tədbirləri və s.) sonra planlı qaydada cərrahi əməliyyat olunmuşdur. Yüklə 5,01 Kb. Dostları ilə paylaş:
|