59
Təcrübə 2. Maddələrin diffuziyası.
Ləvazimat və reaktivlər: Su ilə dolu kimyəvi stəkan, süzgəc kağızı, kalium-
permanqanat kristalları.
Stəkandakı suyun səthinə dairəvi formada kəsilmiş süzgəc kağızı qoyub,
üzərinə bir qədər kalium-permanqanat kristalları səpin. Bir neçə dəqiqədən sonra baş
verən hadisəni müşahidə edin və səbəbini aydınlaşdırın. Diffuziyanı izah edin.
Maddələrin təmizlənməsi
Tapşırıq:
1. Saf maddələri və qarışıqları fərqləndirin. Qarışıqların növləri və onların
ayrılması üsullarını yada salın.
2. Süzmək üçün süzgəc kağız hazırlayın və qıfa
yerləşdirin.
3. Verilmiş qarışıqları müvafiq üsullarla tərkib
hissələrinə ayırın.
4. Kimyəvi birləşmə ilə qarışığı fərqləndirən
əlamətləri yada salın.
Ləvazimat və reaktivlər: Süzgəc kağızı, qıf, metal
ştativ, şüşə çubuq, çini kasa, spirt lampası, kibrit,
yandırmaq üçün çöp, stəkan, Vürs kolbası, şüşə silindr,
torpaq, mürəkkəbli su, xörək duzu,
Təcrübə 1. Süzməklə mayelərin (suyun) təmizlənməsi.
İçərisində su ilə isladılmış qırışlı süzgəc kağızı olan qıfı ştativin halqasına
yerləşdirib, altına stəkan qoyun (qıfın ucu stəkanın iç divarına toxunmaq şərti ilə).
Digər bir stəkanda torpaqla sudan ibarət müxtəlif cinsli qarışıq hazırlayıb, şüşə
çubuqla yaxşıca qarışdırın.
Hazırlanmıış bulanıq suyu şüşə çubuq vasitəsilə yavaş-yavaş qıfa boşaldın
(şəkil 2); maye süzgəcin kənarlarından 3-5mm aşağı olmalıdır. Alınmış filtiratı
götürülmüş bulanıq su ilə müqayisə edin. Nə müşahidə olunur?
Şəkil 2. Süzmə.
60
Təcrübə 2. Bərk maddələrin yenidən kristallaşdırılmaqla təmizlənməsi.
Ştativin halqasına içərisində isladılmış qırışlı
süzgəc kagızı olan şüşə qif yerləşdirib altına kiçik çini
kasa qoyun. Bir qədər çirklənmiş xörək duzunu
kimyəvi stəkana töküb, üzərinə su əlavə edərək ucuna
rezin taxılmış şüşə çubuqla qarışdırdıqdan sonra
ştativin halqasına yerləşdirilmiş qıfda süzün. Çini
kasadakı süzüntünü (filtiratı) bulanıq məhlulla
müqayisə etdikdən sonra ştativin halqası üzərində spirt
lampası alovunda kristallar əmələ gələnə qədər
qızdırın (şəkil 3). Təmizlənmiş duz kristallarını müşahidə
edin.
Təcrübə 3. Sadə distillə yolu ilə suyun onda həll
olmuş qarışıqlardan təmizlənməsi.
a) Vürs kolbasının yarısına qədər mürəkkəbli su töküb
qəbuledici (kolba) olan soyuducu ilə birləşdirdikdən sonra
kolbanı qəbuledicidə 1-2 ml rəngsiz su yığılana qədər
qızdırın. Alınan məhlulun rəngini əvvəlki ilə müqayisə edin
və nəticə çıxarın.
b)
Sınaq şüşəsinə birinci təcrübədən alınmış
süzüntüdən (filtiratdan) töküb ağzını qazaparan borusu olan
tıxacla bağlayaraq ştativin pəncəsinə bərkidin.
Qazaparan borunun ucunu içərisində buzlu su olan stəkana yerləşdirilmiş digər
sınaq şüşəsinin dibinə qədər saldıqdan sonra süzüntü olan sınaq şüşəsini spirt lampası
alovunda su tamam buxarlanana qədər qızdırın (şəkil4). Distillə ilə təmizlənmiş sudan
Şəkil 3. Buxarlandırma.
Şəkil 4. Distillə.
61
və süzülmüş sudan bir neçə damcı saat şüşəsinə töküb ayrı-ayrılıqda buxarlandırın və
nəticəni müqayisə edin.
2-ci iş. Kimyəvi reaksiyalar. Kimyəvi reaksiyaların əlamətləri və tipləri.
Kimyəvi reaksiyaların əlamətləri.
Ləvazimat və reaktivlər: sınaq şüşələri, şüşə boru, termometr, şini kasa,
şpatel, spirt lampası, kibrit, şüşə çubuq, kiçik kolba, metal ştativ, içərisində buz olan
stəkan, tutqaç, yumrudib kolba, buruncuğu olmayan stəkan, 5%-li natrium- hidroksid
məhlulu, mis(II)sulfat, natrium-asetat, xlorid turşusu, fenolftalein məhlulları, əhəng
suyu (1:1), qatı sulfat turşusu məhlulu, kalium-permanqanat kristalları, su, susuz
mis(II)sulfat, qazlı mineral su, yod kristalları.
Təcrübə 1. Sınaq şüşəsinə 1 ml mis(II)sulfat məhlulu töküb, şəffaf olmasına
diqqət yetirdikdən sonra üzərinə bir neçə damcı natrium-hidroksid məhlulu əlavə
edin. Kimyəvi reaksiyanın hansı əlaməti müşahidə olunur?
Təcrübə 2. Sınaq şüşəsinə bir qədər natrium-asetat məhlulu töküb, üzərinə
həmin miqdarda xlorid turşusu əlavə edin. Ehtiyatla sınaq şüşəsində alınan maddənin
iyini təyin edin. Kimyəvi reaksiyanın hansı əlaməti baş verir?
Təcrübə 3. Sınaq şüşəsinə 1ml natrium-hidroksid məhlulu töküb rəngini geyd
edin və sonra bir damcı fenolftalein məhlululu əlavə edin. Nə müşahidə olunur?
Nəticə çıxarın.
Təcrübə 4. Stəkana bir qədər əhəng suyu töküb, şüşə boru ilə onun içərisinə
nəfəs verin. Nə müşahidə olunur?
Təcrübə 5. Sınaq şüşəsinə 1 ml natrium-hidroksid və 1ml xlorid turşusu töküb
qarışdırın. Nə müşahidə edilir? Həmin təcrübəni digər sınaq şüşəsində eyni qayda ilə
aparın. Lakin, sınaq şüşəsinə dərhal termometr daxil edin. Nə müşahidə olunur?
Nəticə çıxarın.
Təcrübə 6.“Spirt lampasının kibritdən istifadə etməməklə yandırılması”.
62
Kiçik çini kasada az miqdarda kalium-permanqanat kristalları ilə bir neçə
damcı sulfat turşusunu qarışdırın, şüşə çubuğun ucunda həmin qarışıqdan bir qədər
götürüb spirt lampasının filtrinə sürtün və onun dərhal yandığını müşahidə edin.
Hadisənin səbəbini izah edin.
Təcrübə 7. Məhluldan çöküntünün ayrılması. Kolbada qızdırmaqla 5-6 q
mis(II) sulfat həll edin və alınan məhlulu ehtiyatla soyudun.
Çöküntünü məhluldan ayirin və rəngini götürülmüş maddənin rəngi
ilə müqayisə edin. Bu halda kimyəvi reaksiya baş verirmi?
Cavabınızı əsaslandırın və nəticə çıxarın.
Təcrübə 3. Yodun sublimasiyası. Quru stəkanda bir neçə
yod kristalı götürüb, stəkanın ağzını içərisində su olan yumrudib
kolba ilə örtün (şəkil 5). Kolbanı ştativdə bərkitdikdən sonra
stəkanı çox zəif alovda ehtiyatla qızdırın və yodun buxarlanması
baş verdikdə, ilkin maddə ilə kolbanın divarlarına çökmüş
maddənin rəngini müqayisə edin. Kimyəvi reaksiya baş verdimi?
Verilmiş halda rəngin dəyişməsi kimyəvi reaksiyanın
əlamətidirmi? Cavabı izah edin.Nəticə çıxarın.
Təcrübə 8. Məhluldan qazın ayrılması.Sınaq şüşəsinə 1-2 ml qazlı mineral su
töküb zəif qızdırın. Nə müşahidə edilir? Bu halda qazın ayrılması kimyəvi reaksiyanın
əlaməti hesab edilə bilərmi? Cavabınızı əsaslandırın və nəticə çıxarın.
Kimyəvi reaksiyaların tipləri.
Ləvazimat və reaktivlər: sınaq şüşələri, qazaparan boru, spirt lampası, şpatel,
pəncəsi və halqası olan metal ştativ, kibrit, şüşə çubuq, çini kasa, azbestli kardon,
kərpic parçası, kimyəvi stəkan, maqnit, dəmir mıx, əsasi mis(II) karbonat, ammonium-
bixromat kristalları, dəmir tozu, mis (II) xlorid, natrium-sulfat, barium-xlorid
məhlulları, kükürd tozu.
Şəkil 5. Yodun sub-
limasiyası.
Dostları ilə paylaş: |