78
6.
Hissələri qurutduqdan sonra, birləşdirici hissələrə kağız parçaları qoymaqla
aparatı yığın.
1.
Kipp aparatında sinkin duru sulfat turşusu ilə qarşılıqlı təsirindən hidrogeni
alın.
2.
Hidrogenlə işləməyə başlamazdan əvvəl onun təmizliyini yoxlamaq
lazımdır!
Bunun üçün sınaq şüşəsini hidrogenlə doldurub, spirt lampasına yaxınlaşdırın.
Spirt lampası Kipp aparatından aralıda olmalıdır. Sınaq şüşəsini ağzı aşağı olmaqla
şaquli vəziyyətdə tutmaq lazımdır. Gurultulu səs hidrogenin hava ilə qarışıq olduğunu
göstərir. Bu halda hidrogeni birbaşa Kipp aparatına birləşdirilmiş qazaparan borunun
ucunda yandırmaq olmaz, çünki güclü partlayış baş verə bilər. Qazın təmizliyi yüngül
“pax” səsi eşidilənədək yoxlanılmalıdır. Bu şəraitdə hidrogenlə iş tamamilə
təhlükəsizdir.
3.
Hidrogeni lazımi təmizlikdə aldıqdan sonra onun xassələrinə aid təcrübələrə
başlamaq olar.
Təcrübə 2. Hidrogenin xassələri.
a)
Hidrogenin havadan yüngül
olmasının yoxlanılması. Nazik məftillə
iki eyni çəkili stəkanları texniki-kimyəvi
tərəzinin qollarına bərkitməli və birinə
Kipp aparatından hidrogen qazı buraxmalı
(şəkil 16). Bir qədər keçdikdən sonra
tərəzinin hidrogenlə doldurulmuş stəkan
olan gözünün yuxarı qalxdığını müşahidə edin
və nəticə çıxarın.
b)
Hidrogenin bir qabdan başqa qaba keçirilməsi. Silindiri hidrogenlə
doldurub ağzına ondan kiçik həcmli hava ilə dolu ikinci silindri söykəyin və
hidrogenlə dolu silindiri ağzı yuxarı qaldırın. Hidrogenin ikinci silindrə keçməsini
Şəkil 16. Hidrogenin havadan
yüngül olmasının yoxlanılması.
79
yoxlamaq üçün onu alova yaxınlaşdırın. Birinci silindri də alova yaxınlaşdırın və hər
ikisində nə baş verdiyini müşahidə edin.
c)
Sabun köpüklərinin hidrogenlə doldurulması.
1.
Sabunlu məhlul hazırlayın. Bunun üçün sabun bıçaqla narın doğranılır və
distillə suyunda həll edilir. Əmələ gələn sabun köpüyünə bir neçə damcı qliserin əlavə
edilir.
2.
Kipp aparatının qazaparan borusuna enli şüşə boru parçası birləşdirin.
Borunu içində sabunlu məhlul olan kasaya salın.
3.
Kasada sabun köpüklərinin əmələ gəlməsi üçün hidrogen axını buraxın.
Yanar çöpü hidrogenlə doldurulmuş köpüklərə yaxınlaşdırın. Nəticələri müşahidə
edin və səbəbini aydınlaşdırın.
d)
Hidrogenin oksigendə yanması.
1.
17-cü şəkildəki cihazı quraşdırın. Kipp aparatının qazaparan borusuna ucu
əridilərək dartılıb uzadılmış şüşə boru birləşdirin və ştativin pəncəsində bərkidin.
2.
Kimyəvi stəkana (100 ml) oksigen doldurun və qazaparan borunun ucunda
yandırılmış hidrogeni (təmizliyi yoxlanıldıqdan sonra) stəkana daxil edin. Bu zaman
eşidilən uğultu səsi yanmaya sərf olunan oksigenin əvəzinə bankaya havanın
sorulması ilə izah edilir. Stəkanın divarlarında su
damcılarının yığılmasını müşahidə edin.
e) Hidrogenin havada yanması.
1.
Bundan əvvəlki təcrübədə istifadə edilən cihazı
quraşdırın.
2.
Kipp aparatından zəif axınla hidrogen cərəyanı
buraxaraq (təmizliyi yoxlanıldıqdan sonra), borunun
uzadılmış ucunda onu yandırın.
3.
Ucunda hidrogen yanan borunu 250 ml-lik maili
vəziyyətdə tutduğunuz stəkana salın. Hidrogenin yanması zamanı əmələ gələn su
buxarlarının stəkanın daxili səthində mayeləşdiyini müşahidə edin.
Şəkil 17. Hidrogenin
yanması.
80
f) Guruldayıcı qarışığın partladılması.
I variant. Guruldayıcı qarışığın silindirdə partladılması.
Guruldayıcı qarışıq hidrogeni oksigenlə 2:1 nisbətində qarışdırmaqla hazırlanır.
Əvvəlcədən işarə edilmiş silindri suyun sıxışdırılması üsulu ilə 1/3 hissə
oksigen və 2/3 hissə hidrogenlə doldurun.
Suyun altında silindrin ağzını şüşə lövhə ilə qapayın, stolun üstünə qoyun və
dəsmala bükün.
30-40 sm-lik çöpü spirt lampasından yandırın. Lövhəni silindrin ağzından
götürün, yanar çöpü silindrin ağzına yaxınlaşdırın.
Silindrdə aparılan təcrübə tamamilə təhlükəsiz olsa da, ehtiyat üçün dəsmalla
bükmək vacibdir. Çünki silindrdə nəzərdən qaçmış çat, cızıq ola bilər ki, bu da
bədbəxt hadisə törədər.
II variant. Guruldayıcı qarışığın tənəkə qutuda partladılması
Bu məqsədlə mümkün qədər nazik və uzun tənəkə qutusu seçilməlidir. Nazik
mıxla qutunun dibindən kiçik bir deşik açıb, onu yaş kağız yaxud kibrit çöpü ilə
bağlayaraq, ağzı aşağı olmaqla stolun üzərinə qoymalı və Kipp aparatından rezin boru
vasitəsilə onu hidrogenlə doldurmalı. 2-3 dəqiqədən sonra rezin borunu çıxarmalı,
Kipp aparatını bağlayaraq stoldan kənarlaşdırmalı və qutunun deşiyini açaraq çıxan
hidrogeni yandırmalı. Bu zaman əvvəlcə hidrogen sakit yanır, bir neçə dəqiqədən
sonra qutuya hava dolması hesabına partlayış baş verir və qutu tavana qədər qalxır.
Qutu hidrogenlə tam dolmadıqda partlayış dərhal baş verəcək.
Diqqət: Hər hansı səbəbdən partlayış dərhal baş verməsə qutunu ələ götürmək
yaxud ona yaxınlaşmaq olmaz. Qutudan çıxan hidrogeni uzun çöplə yandırmaq
lazımdır.
g) Mis (II) oksidin hidrogenlə reduksiyası. 18-ci şəkildəki cihazı quraşdırın.
Təmizliyi yoxlanılmış hidrogeni közərmiş mis(II) oksid üzərindən keçirməli. Sınaq
şüşəsi, ağzı bir qədər aşağı meyilli olmaqla ştativə bərkidilir ki, reaksiya nəticəsində
Dostları ilə paylaş: |