TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
41
təəssüf ki, islahatların aparıldığı 10 il ərzində universitetlərin potensialından lazımı səviyyədə
istifadə edilmir (təcrübəsi, resursları, səriştəsi və kadr potensialı universitetlərə nisbətən
dəfələrlə zəif olan QHT və firmalara bu işdə daha əlverişli şərait “yaradılır”). Təhsil Nazirliyi
hesab edir ki, universitetlərin informatlaşması daxili imkanlar hesabına reallaşmalıdır.
Universitetin informatlaşması təkcə texniki təminat deyil, həm də proqram, metodik, kadr v.s.
təminatı məsələlərin həllini tələb edir. Bu çox böyük maliyyə vəsaiti tələb edir.
Universitetlərimizin bu günki büdcəsi buna imkan vermir. Hesab edirik ki, universitetlərin
informatlaşması istiqamətində dövlətin vahid siyasəti olmalı, bu siyasət koordinasiya edilərək,
normal maliyyələşərək həyata keçirilməlidir. Bu istiqamətdə universitetlərin beynəlxalq
əməkdaşlığının inkişafımıza köməyi ola bilər.
Türkdilli Universitetlərin Virtual işbirliyi. Bu yaxınlarda Türkiyə Respublikası
Elaziq vilayəti “Firat Universiteti”ndə «Qafqaz ölkələri, Türk cumhuriyyətləri və Türkiyə
universitetlərinin İnformasiya Sistemləri işbirliyi problemləri ( BSİ-2009) » adlı I Beynəlxalq
konfrans keçirilmişdir. Konfransda türkdilli universitetlərdə distant təhsil, universitet
informasiya sistemləri və elektron kitabxana sistemlərinin yaradılması və inkişafı,
perspektivdə vahid platforma əsasında bu sistemlərin inteqrasiyası və türkdilli universitetlərin
vahid informasiya təhsil məkanının yaradılması məsələləri müzakirə edilmişdir. Konfransın
işində bizim respublikanın da nümayəndə heyəti iştirak etmişdir (bu sətirlərin müəllifi də
iştirakçılar sırasında idi). “BSİ-2009” adlı Beynəlxalq konfransın keçirilməsi nə məqsəd
güdürdü ? Konfransın adındakı BSİ abbviaturası- Bilgi Sistemləri İşbirliyi mənasını verir,
bundan da konfransın əsas qayəsi məlum olur. Geniş anlamda BSİ -2009 Beynəlxalq
konfransının məqsədi sürətlə formalaşan informasiya cəmiyyəti şəraitində müasir
texnologiyalardan istifadə etməklə türkdilli xalqların siyasi, iqtisadi və mədəni inteqrasiyasına
nail olmaq, bu istiqamətdə təhsilin potensial imkanlarından, universitetlərin resurslarından
səmərəli istifadə yollarını araşdırmaq, perspektivdə səmərəli işbirliyi qurmaqdır. Məlum
olduğu kimi, bu il YUNESKO-nun təşkilatçılığı ilə Parisdə “Ali təhsilin inkişafına dair
ümumdünya konfransı (WCHE-2009)” keçirilmişdir. Konfrans ali təhsilin inkişafında,
təhsilin qloballaşmasımda yeni texnologiyaların, İKT əsaslı innovasiyaların, distant təhsilin
sistemli tətbiqini zərurətini xüsusi qeyd etmiş, bu texnologiyaların milli universitetlərdə
tətbiqini səmərəli hesab etmiş, milli təhsil sistemlərinin inkişafında bu amilləri daim nəzərə
almağı tövsiyə etmişdir. YUNESKO-nun bu konfransının tövsiyələrinin türkdilli ölkələrin
universitetlərində tətbiqi perspektivləri baxımından BSİ -2009 Beynəlxalq konfransı çox
əhəmiyyətlidir. Konfransda üç istiqamətdə-universitetlərdə distant təhsilin inkişafı, universitet
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
42
informasiya sistemlərinin (“Elektron Universitet” sisteminin) inkişafı, türkdilli elektron
kitabxana sisteminin yaradılması və universitetlərdə istifadəsi məsələləri müzakirə edildi.
Konfransın işində türkdilli dövlətlərdən və Türkiyədən 300- ə yaxın nümayəndə iştirak
etmişdir. Konfransda Türkiyə Cümhuriyyətinin Baş Naziri, cənab Rəcəb Təyyub Ərdoğan
təbrik məktubu oxundu. Sonra Firat universiteti rektoru prof. Feyzi Bingöl çıxış edərək dedi
ki, informasiyanın qıtlığı əvvəllər bizim fəaliyyətimizə problemlər yaradırdısa, bu gün sürətli
inkişaf nəticəsində informasiyanın bolluğu bizlərə problemlər yaradır, bu tendensiya
günbəgün sürətlənir. Belə vəziyyətdə informasiyadan daha səmərəli istifadə etmək, lazımi
məlumatı az vaxt ərzində tapmaq, emal etmək və lazımi ünvana vaxtında çatdırmaq asan
məsələ deyil. Təhsildə informasiya prosesləri bu gün daha mühüm rol oynayır, uğurun əsasını
təşkil edir. Sonra “Manas Qırğız-Türk Universiteti” rektoru prof. Süleyman Kayibov, Elaziq
Valisi M. Erol çıxış edərək konfransa təbriklərini bildirmiş, onun işinə uğurlar arzu etmişlər.
Konfransın işində Türkiyə Cümhuriyyəti Dövlət Bakanı-elm, təhsil və texnika
məsələləri üzrə Baş Nazirin müavini, professor Mehmet Aydın, Türkiyə Respublikasının elm
siyasətini müəyyən edən və həyata keçirən dövlət qurumu - TÜBİTAK-ın başqanı professor
Nüket Yetiş, Türkiyə Respublikasının bir sıra aparıcı universitetlərinin rəhbərliyi iştirak
edirdilər. Dövlət Bakanı professor Mehmet Aydın geniş və çox maraqlı məruzə ilə çıxış etdi.
O, müasir dünyada elmin, təhsilin, texnologiyaların, innovasiyaların iqtisadiyyatın inkişafında
oynadığı mühüm rolu qeyd edərək bildirdi ki, biliyə əsaslanan iqtisadiyyat şəraitində bizim
bütün istiqamətlərdəki fəaliyyətimiz ciddi elmi əsaslara söykənməlidir. Bir çox inkişaf etmiş
ölkələr kimi Türkiyənin də strateji məqsədi yaxın gələcəkdə biliklərə əsaslanan iqtisadiyyat
və bunun əsasında biliklərə əsaslanan cəmiyyət formalaşdırmaqdır. Bu səbəbdən yüksək elmli
insanlara olan ehtiyacımız günbəgün artır. Bu istiqamətdə müasir türk universitetlərinin
qarşısında mühüm vəzifələr durur. Türkiyə hökuməti universitetlərə bu məsələlərin həllində
hər cür dəstək verməyə hazırdır, ildə bir neçə dəfə ölkə rəhbərliyi aidiyyatı qurumlarla birgə
bu məsələlərin müzakirəsini təşkil edir. Universitetlər daim bizim diqqətimizdədir. Natiq qeyd
etdi ki, Doğu Anadolu bölgəsi coğrafi baxımdan Türkiyənin şərqində olsa da, Qafqaz ölkələri
və Türk cumhuriyyətlərinin qərbində yerləşir. Bu coğrafi nisbət həm geosiyasi, həm də
işbirliyi baxımından maraqlıdır. Bu mənada şərqdə yerləşən türkdilli cümhuriyyətlərin
universitetlərinin Avropa təhsil məkanına inteqrasiyası edilməsində, onların qərbində yerləşən
Türkiyə universitetləri ilə işbirliyi faydalıdır.
Daha sonra konfransda TÜBİTAK başqanı professor Nüket Yetiş məruzə etdi. O, öz
məruzəsində bu ölkədə son illər əldə edilmiş elmi nailiyyətlər və universitetlərin bu prosesdə
Dostları ilə paylaş: |