TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
47
şəbəkəsinin yaradılması. Bu təhsil portallarının istiqamətləri üzrə kontentlərin, resursların
hazırlanması üzrə işbirliyinin qurulması, beynəlxalq tərkibli işçi qrupların yaradılması.
3. Tələbə və müəllimlərin Virtual Universitet vasitəsi ilə “virtual mobilliyi”nin təmin
edilməsi.
4. Türkiyədə yaradılmış elektron kitabxanaların bütün türkdilli universitetlər və
türkdilli “virtual oxucular” üçün açıq olması.
5. TÜBİTAK xətti ilə universitetlərdə aparılan layihələrin “yol xəritəsi”nin, bütün
digər maraqlı sənədlərinin (gedişatın və nəticələrin) İnternetdə əlyetərliyinin təmin edilməsi.
6. Telekonfrans (telekörpü) rejimində birgə elmi konfransların, elmi layihələrin təşkili,
şəbəkə vasitəsi ilə açıq nümunəvi dərslərin, master klassların (ustad dərslərin) təşkili, müxtəlif
müştərək təqdimatların hazırlanması və keçirilməsi.
7. Virtual formada türkdilli universitetlərin professor-müəllim heyətinin Türkiyə
universitetlərində ixtisasartırma və təkmilləşdirmə kurslarına cəlb edilməsi, bu məqsədlə
ikitərəfli və çoxtərəfli şəbəkə əlaqələrinin qurulması.
8. Konfransda müzakirə edilən məsələlərin bir meqalayihə kimi formalaşması və icrası
üçün aşağıdakı 4 istiqamət üzrə beynəlxalq tərkibli işçi qrupların yaradılması.
a) Qafqaz ölkələri, Türk cumhuriyyətləri və Türkiyə universitetlərinin İKT əsasında
təhsilin inkişafı və inteqrasiyası strategiyasını hazırlamaq məqsədi ilə strateji planlaşdırma,
metodoloji və əlaqələndirmə üzrə işçi qrup.
b) türkdilli universitetlər arasında distant təhsillin inkişafı və şəbəkə əlaqələrinin
yaradılması üzrə işçi qrup.
c) türkdilli universitetlərdə elektron kitabxananın inkişafı üzrə işçi qrup.
d) türkdilli universitetlərdə informasiya sisteminin yaradılması üzrə işçi qrup.
Türkdilli universitetlər arasında BSİ meqalayihəsinin həyata keçməsində bütün tərəflər
maraqlıdır. Türkiyə universitetləri son 10-15 ildə xeyli inkişaf etdiyi halda, MDB məkanında
olan Türkdilli universitetlər son 20 ildə məlum hadisələrlə əlaqədar müəyyən tənəzzül
yaşamışlar ( mövcud sistemin çökməsi, keçid dövrünün problemləri, hərbi münaqişələr,
maliyyə qıtlığı, elm və təhsilin kifayət qədər maliyyələşməməsi, elmi əlaqələrin itməsi, insan
kapitalının zəifləməsi v.s.). Əvvəlki dövrdən fərqli olaraq artıq MDB məkanında olan
Türkdilli universitetlərə Moskvadan mərkəzləşdirilmiş şəkildə hazır təhsil layihələri verilmir.
Təhsilin bütün səviyyələri və mühüm istiqamətləri üzrə müstəqil şəkildə belə layihələri
hazırlayıb həyata keçirmək müstəqilliyini yeni qazanmış bu ölkələrin təhsil qurumları üçün
asan deyildi (strateji yanaşmaların və zəruri təcrübənin olmaması, lazımi kadr və maliyyə
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
48
resuslarının qıtlığı v.s. səbəblərdən). Müstəqilliyini yeni qazanmış türkdilli ölkələrin
universitetləri bu gün qlobal inkişafdan geridədir. Bu mənada belə meqalayihənin
hazırlanması və həyata keçirilməsi, müştərək formada bu problemləri həll etmək cəhdi ümumi
inkişafa kömək edə bilər. Ən azından Türkiyə universitetlərinin bugünkü təcrübəsini öyrənib
öz universitetlərimizdə tətbiq edərək, müəyyən birgə layihələr həyata keçirərək inkişaf edə
bilərik. Qlobal olaraq belə meqalayihəni tam həyata keçirmək üçün bizə 5-6 il, bəlkə də daha
çox vaxt lazım ola bilər, amma başqa alternativimiz yoxdur, onsuz da xeyli vaxt itirmişik.
Əgər bu meqalayihə universitetlər səviyyəsində və bu ölkələrin hökumətləri səviyyəsində
dəstəklənərsə, onun reallaşması mümkündür. Bu meqalayihə ilə əlaqədar növbəti konfransın
gələn il, Qırğızıstanın paytaxtı Bişkek şəhərində, “Manas Qırğız-Türk Universiteti”ndə
keçirilməsi qərara alınmışdır.
Bu perspektivlər göstərir ki, ali təhsilin informatlaşmasında beynəlxalq əməkdaşlığın
imkanlarından faydalana bilsək, bu sahəyə qoyulan investisiyaların natamamlığı sindromunun
təsirini qismən də olsa azalda bilərik, müəyyən inkişafa nail ola bilərik.
TƏHSİLİN İNFORMATLAŞMASININ PEDAQOJİ VƏ PSİXOLOJİ ƏSASLARI
Təhsildə İKT
49
TƏHSİLİN İDARƏ EDİLMƏSİNDƏ MONİTORİNQ VƏ
QİYMƏTLƏNDİRMƏNİN ROLU
R.İ. Əmiraslanova
AMEA-nın İnformasiya Texnologiyaları İnstitutunun dissertantı,
AMİ-nin Mingəçevir filialının baş müəllimi
Müasir dünyada hər bir ölkənin uğurlu gələcəyi həmin ölkədə təhsilin səviyyəsi ilə
müəyyən olunur. Bütün dövrlərdə cəmiyyətin tərəqqisi bilavasitə təhsilin inkişafından və
onun əhəmiyyətinin düzgün qiymətləndirilməsindən asılı olmuşdur. Cəmiyyətin tələbatı
təhsilin inkişafını sürətləndirmiş, elmi və texnoloji nailiyyətlər isə təhsil sistemi qarşısında
həlli vacib olan daha mürəkkəb vəzifələr qoymuşdur. Bu vəzifələrdən – təhsil sisteminin
modernləşdirilməsinin əsas strateji istiqamətlərindən biri olan keyfiyyətin yüksəldilməsi, ona
nəzarətin idarə olunmasının əsaslı formada təkmilləşdirilməsi, yeni yanaşmaların fəal təlim
metodlarının tətbiqi və onlardan səmərəli istifadənin təşkili kimi məsələlər ən vacib problem
kimi qiymətləndirilir.
İnformasiya resurslarının intensiv artdığı bir şəraitdə təhsil ehtiyacları artıq ənənəvi
təhsil formaları ilə təmin edilə bilmir. Bu həm təhsilin məzmununda, həm təşkili və idarə
olunmasında, həm də təlim metodlarının seçilib tətbiq olunmasında özünü büruzə verir. Yeni
təhsil sisteminin ənənəvi təhsil sistemindən prinsipial fərqi onun texnoloji bazasına görədir.
Yeni təhsil sistemi kompüter və telekommunikasiya texnologiyalarının potensial imkan-
larından maksimum faydalanmağa yönəlmişdir. İKT-nin tətbiqi nəticəsində yaranan yeni
təhsil sistemi insanların intellektual imkanlarını dəfələrlə artırır, daha çox informasiyanı daha
az vaxt ərzində, keyfiyyətli mənimsəməyə, elektron təhsil, distant təhsil kimi müasir təhsil
texnologiyalarını tətbiq etməyə imkan verilir [1].
Müasir dövrdə dünyanın digər ölkələrində olduğu kimi Azərbaycanda da təhsilin
keyfiyyətinin yüksəldilməsi, ona nəzarətin idarə olunmasının əsaslı formada təkmilləş-
dirilməsi məsələsi təhsil sisteminin modernləşdirilməsinin əsas strateji istiqamətlərindən biri
olaraq ən vacib problem kimi qiymətləndirilir. Bu problemin həllinə kömək edəcək əsas
məsələ – bütün təhsil sistemi üzrə vahid təhsil informasiya infrastrukturun yaradılmasıdır.
Çünki, vahid məlumat mərkəzinin yaradılması ilə virtual məkan mühitində respublika təhsil
sistemi üzrə monitorinq və qiymətləndirilmə sisteminin keçirilməsi mümkündür.
Dostları ilə paylaş: |