TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
39
təhsilin 50%-dən çox hissəsi pulludur, eyni zamanda bir tələbənin hazırlaması üçün büdcədən
ayrılan maliyyə vəsaiti MBD ölkələri üzrə aşağı göstəricilərdən olub, real ehtiyacı 30-40%
ödəyir. Təbii ki, belə natamam maliyyələşmə bu sahənin inkişafına əngəl yaradır. Lakin başqa
ciddi problemlər də mövcuddur.
Bu gün təhsilə qoyulan investisiyalar əvvəlki illərdən fərqli olaraq artıq maddi
obyektlərə deyil, biliklərə əsaslanan iqtisadiyyatın tələblərinə uyğun olaraq daha çox qeyri-
maddi obyektlərə yönəlməlidir. Sənaye cəmiyyətindən fərqli olaraq, biliklərə əsaslanan
innovasiya cəmiyyətində humanitar siyasət daha çox kapital tutumludur. Artıq ölkə
iqtisadiyyatında keçid dövrü başa çatmışdır və yəqin ki, bu məsələlərin həllinə daha çox
sərmayə qoymaq mümkündür. Bu təbii sərvətlərə yönəli iqtisadiyyatdan elmtutumlu
iqtisadiyyata keçidin yeganə mümkün yoludur.
Dünya səviyyəli müasir universitetlərin büdcəsi bu gün yüz milyonlarla dollar
həcmindədir (bəzən milyard dollardan çox). Bu yaxınlarda iqtisadi böhranla əlaqədar
Fransada 2010-cu ilin büdcəsinə yenidən bir daha baxılmış, elm və universitet təhsilinə ilkin
nəzərdə tutulmuş məbləğə daha 20 milyard avro əlavə edilmişdir. Bu addım onunla
əsaslandırılmışdır ki, elmin və universitet təhsilinin inkişafı ölkəni gələcək iqtisadi
böhranlardan daha yaxşı müdafiə edə bilər.
RF-sının prezidenti D. A. Medvedyevin fərmanı ilə yeni formalaşan “Milli Tədqiqat
Universitetləri”ndə elmin inkişafına dəstək məqsədi ilə 2010-cu ilin elm-təhsil büdcəsinə
əlavə 3 milyard ABŞ dolları həcmində maliyyə vəsaiti ayrılıb (RF-da belə universitetlərin sayı
10-dur, yəni hər bir “Milli Tədqiqat Universiteti”nə elmin inkişafı üçün 300 milyon dollar
ayrılıb). Təəssüflə qeyd edək ki, bu gün bizim universitetlərimiz nəinki Fransa, Türkiyə, hətta
bir çox MDB ölkələri universitetləri ilə müqayisədə zəif görünür. Bunun əsas səbəblərindən
biri də maliyyə vəsaitlərinin çatışmazlı, eyni zamanda ayrılan az vəsaitin elm-təhsilin
keyfiyyətinin yüksəlməsinə xidmət etməməsidir ( təəssüf ki, təhsil prioritetləri düz təyin
edilməyib).
Keçən il BDU-nun yubileyində çıxış edən MDU-nun rektoru, akademik V.
Sadovniçiyin söylədiyi kimi “...bu gün cəmiyyət və dünyada olan böhran halları daha çox
texnologiyaların dəyişməsi ilə əlaqədardır. Yalnız güclü elmi və təhsili dəstəkləyən ölkələr
böhrandan az itki ilə çıxa bilərlər”. Dəyişən texnologiyalar öz təsirini bu gün həyatın bütün
sahələrində, insanların düşüncə, davranış və fəaliyyətlərində göstərir. Sürətlə dəyişən
texnologiyaya uyğun olaraq iqtisadiyyatda, təhsildə, elmdə, milli inkişaf strategiyamızda ciddi
korreksiyalar etməliyik.
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
40
Keçən il Bakıda Dialoq və Əməkdaşlıq Uğrunda İslam Konfransı Gənclər Forumu
“Rəqəmsal texnologiyalar dövrü və yeni nəsl: İKT sahəsində gənclərin biliklərinin artırıl-
ması” adlı maraqlı beynəlxalq konfrans təşkil etmişdi. Konfransda İslam ölkələrində
gənclərinin informasiya cəmiyyətinə hazırlanması, gənclərin Virtual Məkanda fəallığının
artırılması problemləri müzakirə edilirdi. Göründüyü kimi, dəyişən texnologiyalar öz təsirini
bütün sahələrində, o cümlədən təhsildə və gənclər siyasətində də göstərir.
Biz kiçik ölkəyik, qlobal texnoloji dəyişiklikləri öyrənib, zamanında operativ tətbiq
etmək üçün kifayət qədər insan, maliyyə, vaxt resurslarımız yoxdur. Belə qlobal, mürəkkəb
texnoloji dəyişikliklərə, texnoloji innovasiyalara, müxtəlif qlobal çağırışlara tərəfdaşlarımızla
birgə işbirliyi ilə, əlaqələndirilmiş formada reaksiya verməliyik (İslam Konfransı Təşkilatı
ölkələri ilə, Türkdilli ölkələr birliyi ilə v.s.). Yalnız bu halda, elm-təhsil kooperasiyası halında
qarşımızda duran problemləri qismən həll edə bilər, müəyyən nailiyyətlər qazana bilərik.
Bu gün ekspertlər etiraf edirlər ki, distant təhsil təhsilin kompüterləşməsinin zirvəsidir. İKT
və təhsilin inkişafının Azərbaycan Respublikası Prezidenti cənab İlham Əliyev tərəfindən
prioritet sahə elan edilməsi respublikada distant təhsilin inkişafını tələb edir. Cənab
Prezidentin bu məsələdə fikri belədir: “Dünyada mövcud olan ən qabaqcıl texnologiyaları
tətbiq etmək Təhsil Nazirliyinin gərək prioritet vəzifəsi olsun. Azərbaycanda gərək virtual
dərslər, yeni texnologiyalar geniş yayılsın, bütün məktəbləri əhatə etsin. Bu çox böyük,
mürəkkəb, çoxlu maliyyə vəsaiti tələb edən proqramdır. Amma biz bunu etməliyik. Çünki biz
gələcəyə baxmalıyıq”. Yeni, mürəkkəb texnologiyaların yaranması qarşımızda yeni, daha
çətin vəzifələr qoyur. Amma istənilən halda, hər şey universitetlərdən başlayır. “
Universitetlər ölkənin gələcəyinin cəmləşdiyi məkandır. Ölkənin gələcəyinin necə olması
məhz universitetlərdən asılıdır” (V. Sadovniçiy). Ona görə də təcili olaraq universitetlərimizi
yeni texnoloji cəmiyyətdə, innovasiya cəmiyyətində, qlobal rəqabət şəraitində fəaliyyətə,
inkişafa hazırlamalıyıq. Müəyyən innovativ ideyaları reallaşdırmaq üçün innovasiyalara
meylli universitetlərə və innovativ alimlərə dövlət tərəfindən xüsusi “milli qrant”ların
verilməsi inkişafı daha da sürətləndirə bilər. Belə “milli qrant” layihələrinin icra təcrübəsi
universitetlərə gələcəkdə iri beynəlxalq qrantlar almağa, beynəlxalq layihələrə qoşulmağa
imkan verə bilər. Bu məqsədlə təhsilə dair Dövlət Proqramlarının icrasında, xüsusən də
təhsilin informatlaşmasına dair proqramlarda universitetlərin fəal iştirakı təmin edilməlidir
(təbii ki, Dövlət Proqramlarının müvafiq maliyyə vəsaitləri də bu layihələrin icraçısı olmalı
universitetlərə yönəlməlidir, hər halda bir çox ölkələrdə proses belə gedir və yaxşı nəticələr
verir). Təhsil sektorundakı elmi potensialın əsas hissəsi bu gün universitetlərdə cəmləşib,
Dostları ilə paylaş: |