TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
45
İnternet vasitəsi ilə Türkiyə universitetləri ilə tanış olanda da bu inkişafı görmək olar (ətraflı
məlumat üçün www.edu.tr saytına bax). Firat Universitetin missiyasında qeyd edildiyi kimi,
“Firat Universiteti elm, təhsil və tarix işığında formalaşan müasir təhsil qurumudur. Firat
Universiteti informasiya cəmiyyətinə aparan işıqlı yoldur”. Bu universitet Doğu Anadolu
bölgəsinin Elazıq şəhərində yerləşir. Cəmi 300000 əhalisi olan Elaziq şəhərinin mərkəzində
yerləşən Firat Universiteti onlarla hektar ərazidə, xeyli kompusa və vilayətin müxtəlif
bögələrində inkişaf etmiş struktur vahidlərinə malikdir. Firat Universiteti 10 fakultə, 3
İnstitut, 1 Dövlət Konservatoriyası, 1 Modern Qospital, 2 Yüksəkokul, 6 Məslək Yüksəkokula
malik müasir təhsil kompleksidir. Universitetin tərkibində müasir avadanlıqlarla təchiz
edilmiş qospitalda 1500 tibbi personalın köməyi ilə vilayət əhalisinə və universitetin tələbə-
müəllim heyətinə yüksək səviyyəli tibbi xidmət göstərilir.
Firat Universitetində ümumi sayı 1500-ə yaxın olan akademik personal və 1200-ə
yaxın idari personal çalışır. 20000-dən artıq tələbənin təhsil aldığı bu regional universitet
ölkənin paytaxtındakı ali təhsil müəssisələrindən geri qalmır. Firat Universiteti müasir tələblər
səviyyəsində yüksək keyfiyyətli təhsil vermək üçün hər cür infrastruktura, maddi-texniki,
kadr və informasiya resurslarına malikdir. Yeri gəlmişkən Türkiyənin bir çox univer-
sitetlərində olduğu kimi, Firat Universitetində də Azərbaycandan olan professor və tələbələr
var. İnternetə 70 Mpbs sürəti ilə qoşulan Firat Universitetində kifayət qədər inkişaf etmiş
distant təhsil sistemi, elektron kitabxana, Universitet İnformasiya İdarəetmə Sistemi var.
Universitetin kompüterləşməsi yüksək səviyyədə öz həllini tapmışdır. Firat Universiteti
barədə ətraflı daha məlumat olmaq üçün universitetin informasiya-təhsil portalına - www.
firat. edu.tr İnternet ünvanında baxmaq olar.
Konfransda iştirak edən türkdilli ölkələrin nümayəndələrinin müzakirə edilən
problemlərlə əlaqədar öz təcrübələrindən danışdılar. Amma bu ölkələrin universitetlərinin
inkişaf səviyyəsi, iş təcrübəsi Türkiyə universitetlərinin topladığı təcrübə ilə müqayisədə xeyli
zəif görünürdü ( təxminən 10-15 il gerilik hiss edilirdi). Məsələn, Qırğızıstan Respublikası
universiteti nümayəndəsinin məruzəsindən məlum oldu ki, universitetlərinin illik büdcəsi 1-3
milyon ABŞ dolları civarındadır ( “Manas Qırğız-Türk Universiteti” istisna olmaqla) və belə
büdcə təbii ki, universitetin cari xərclərini güclə ödəyir, bu səbəbdən universitetin
inkişafından söhbət gedə bilməz. Belə universitetlər təhsildə yeni texnologiyalara,
innovasiyalara, proqram təminatına, personalın inkişafına, elmi-metodik layihələrə,
beynəlxalq əlaqələrin inkişafına kifayət qədər investisiyalar qoya bilmir, nəticədə inkişafdan
xeyli geri qalırlar. Bununla belə elə türkdilli ölkələr var ki, onların universitetlərində bu
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
46
məsələlər öz həllini tapmışdır. Məsələn, Qazaxıstan Respublikasının Universitetlərində
təhsilin informatlaşması və Boloniya sisteminə keçid məsələləri digər qonşu ölkələrlə
müqayisədə irəlidədir. Son illər bu respublikada ciddi iqtisadi böhran olmasına baxmayaraq,
15 universitetdə hər birinin qiyməti 2 milyon ABŞ dolları olan elmi-tədris laboratoriyaları
yaradılmışdır. İnternetdə bu barədə maraqlı məlumatlar var. Amma bu ölkədə formalaşan
təhsil yönümlü informasiya resursları əsasən rusdilli kontentdən ibarətdir. Onu da qeyd edək
ki, Qazaxıstan universitetlərinin nümayəndələri konfransa qatılmamışdılar (onların
universitetləri daha çox MDB ölkələri universitetləri şəbəkəsinə qoşulmağa meyllidirlər, onlar
əsasən rusdilli informasiya resurslarından istifadə edirlər). Bizim respublikadan Qafqaz
Universitetinin nümayəndəsi- Absəddin Adamovun “Universitet İnformasiya İdarəetmə
Sistemləri” mövzusunda məruzəsi maraqla qarşılandı.
Konfransın 2-ci günü ali təhsilin qloballaşması və Türkiyə universitetlərində distant
təhsilin vəziyyəti barədə məruzələr edildi. Daha sonra iclasa sədrlik edən prof. İ. Türkoğlu
problemlə əlaqədar türkdilli universitetlərin vahid şəbəkəsinin qurulması istiqamətində
konkret təkliflərin, ideyaların verilməsini istədi. Müxtəlif təkliflər oldu. Biz də problemə
əlaqədar müəyyən təkliflər verdik. Həmən təklifləri tezis formasında təxminən belə
qruplaşdırmaq olar:
1. Mövcud olan açıq kodlu distant təhsil platformalarının hər hansı birisinin bazasında
(məs. MOODUL platforması bazasında) Türkdilli Açıq Virtual Universitetin yaradılması.
Türkdilli Açıq Virtual Universitetin yaradılma konsepsiyası və inkişaf strategiyasının
hazırlanması. İnternet üzərindən açıq təhsil xidmətləri verəcək bu universitetin şərti adı
“Virtual Turan Universiteti” (VTU) ola bilər. Gələcəkdə türkdilli ölkələrin profil
universitetlərinin VTU bazasında öz “virtual nümayəndəlik”lərinin yaradılması. Türkdilli
universitetlərin vahid şəbəkəsinin qurulması istiqamətində “Türkdilli universitetlərin
Beynəlxalq Virtual Assossasiyası”nın yaradılması.
2. “Virtual Turan Universiteti”nin fəaliyyəti üçün beynəlxalq standartlar əsasında
hüquqi-normativ bazanın yaradılması, türkdilli ölkələrin təhsil üzrə mövcud hüquqi-normativ
bazası ilə uzlaşdırılması. Virtual Universitetin tərkibində ayrı-ayrı səviyyələr və istiqamətlər
üzrə (bakalavr və magistr hazırlığı, əlavə təhsil v.s. səviyyədə pedaqoji təhsil, iqtisadi təhsil,
mühəndis təhsili v.s. istiqamətlər üzrə) təhsil portallarının yaradılması (pedaqoji təhsil portalı,
iqtisadi təhsil portalı, mühəndis təhsili portalı v.s.). Bu təhsil portalları bazasında təhsil
istiqamətləri üzrə türkdilli ölkələrin profil universitetlərin (fakültələrinin) İKT əsasında vahid
Dostları ilə paylaş: |