TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
43
fəal iştirakını, hökumətin elmin inkişafı istiqamətində uzunmüddətli strategiyasını açıqladı.
Qeyd edildi ki, əvvəlki illərə nisbətən elmə ayrılan vəsait indi dəfələrlə çoxdur, iqtisadi
böhran bu prosesə mane ola bilməz. Yaxın iki ildə Türkiyədə elmi tədqiqatlara cəlb edilən
alimlərin ümumi sayı 150 min nəfər (2000-ci ilə nəzərən təxminən 7 dəfə artıq), elmin
inkişafına ayrılan maliyyə vəsaitinin həcmi 5 milyard ABŞ dolları (2000-ci ilə nəzərən
təxminən 5 dəfə artıq) olacaqdır. İstedadlı gənclərin elmə cəlb edilməsi məqsədi ilə xeyli
əlavə tədbirlər planlaşdırılır. Elm adamlarının dəstəklənməsi, bu sahədə insan kapitalının
davamlı inkişafı üçün müxtəlif dövlət proqramları icra edilir.
Digər məruzələrdə Türkiyə universitetlərinin informasiya cəmiyyəti tələbləri səviy-
yəsinə qaldırılması, ali təhsilin qloballaşması tendensiyaları baxımından ölkə univer-
sitetlərinin inkişaf problemləri, universitetlərdə təhsilin informatlaşması, təhsil innovasiyaları,
türkdilli elektron kitabxanalar və inkişaf perspektivlərindən bəhs edildi. Məruzələrdən məlum
oldu ki, Türkiyə universitetləri son illər təhsilin informatlaşması məsələlərində xeyli irəli
getmişlər. Məsələn, Firat universiteti 2008-ci ildə təkcə “Universitet İnformasiya
Sisteminin yaradılması” layihəsinə 2 milyon ABŞ dolları vəsait qoyublar.
Məlum olduğu kimi qloballaşma prosesləri vahid informasiya təhsil məkanının
yaranmasına səbəb olur. Virtual məkanında türkdilli kontentin də yaranması zəruridir.
Bu məsələnin həlli üçün türkdilli ölkələrin universitetlərinin müəyyən iş birliyinin
yaradılmasına ehtiyac var. Bu halda İnternet şəbəkəsində kifayət qədər elm və təhsil
yönümlü, keyfiyyətli türkdilli kontent yaratmaq və yerləşdirmək mümkün olar. Beləliklə
türkdilli universitetlər elm və təhsilin səmərəli inkişafı üçün keyfiyyətli İnternet resusları ilə
təmin edilə bilər, universitetlərin şəbəkə iş birliyi formalaşar, universitetlərarası inteqrasiya
prosesləri mümkün olar. Artıq 10 ildir ki, Avropa səviyyəsində universitetlərin inteqrasiya
prosesləri intensiv inkişaf edir. Boloniya prosesi və onun virtual forması olan “Elektron
Boloniya” (E-Boloniya) məhz bu məqsədlərə xidmət edir. Regional və etnik yaxınlığı olan
ölkələrin universitetləri də öz aralarında lokal inteqrasiya təşəbbüsləri irəli sürür, dil yaxınlığı
olan müəyyən regional ölkələr öz dillərində təhsil yönümlü informasiya resurslarının birgə
yaradılması və inkişafına çalışırlar. Məsələn, Slavyan ölkələri universitetləri səviyyəsində
(Rusiya, Ukranya, Belarusiya universitetləri) vahid informasiya təhsil məkanı yaradılması
istiqamətində təşəbbüs və konkret işlər var. Artıq 7-8 ildir ki, “Slavyan ölkələrinin XXI əsrdə
vahid informasiya təhsil məkanının formalaşması problemləri və perspektivləri” istiqamətində
araşdırmalar aparılır. Problemlə əlaqədar 3 Beynəlxalq konfrans da keçirilmişdir. 2000- ci
illərin əvvəllərində MDB ölkələrinin İKT əsasında vahid informasiya təhsil məkanının
TƏHSİLİN İNFORMATLAŞMASININ NƏZƏRİ VƏ METODOLOJİ ƏSASLARI
Təhsildə İKT
44
formalaşması məsələləri də ciddi müzakirələrə səbəb olmuşdur. Lakin o vaxt bu ideya reallaşa
bilmədi, çünki, bir çox MDB ölkələrinin universitetləri distant təhsil texnologiyalarının
tətbiqinə hələ hazır deyildilər (o vaxt yalnız RF bu ideyanı reallaşdırmağa hazır idi). Hal-
hazırda MDB ölkələri universitetlərinin İKT əsasında müəyyən şəbəkəsi yaradılmışdır və bu
proses inkişaf edir ( RF, Ukrayna, Belarusiya və Qazaxstanın bəzi universitetləri bu şəbəkəyə
qoşulmuşlar, hal-hazırda bu şəbəkədə təxminən 20 universitet fəaliyyət göstərir). İngilisdilli
universitetlər üçün isə belə işbirliyi qurmağa ciddi ehtiyac yoxdur, çünki İnternetin dili ingilis
dilidir. İngilis dilində universitet təhsilinə dair son 15 ildə müxtəlif ölkələrdə olan ingilisdilli
universitetlər tərəfindən İnternetdə xeyli kontent yerləşdirilmişdir. Bu baxımdan türkdilli
universitetlərin də belə analoji işbirliyinin yaradılması zamanın tələbidir. Bu səbəbdən
türkdilli universitetlərin müştərək fəaliyyəti nəticəsində vahid informasiya təhsil məkanı
formalaşmalı, yeni təhsil texnologiyaları, təhsil innovasiyaları yaradılmalı və onların tətbiqi
ilə universitetlərin inkişafı sürətlənməlidir. Milli inkişafda universitetlərin strateji
əhəmiyyətini, İKT-nin müasir universitetin formalaşması və inkişafında həlledici amil
olduğunu nəzərə alsaq məsələnin ciddiliyi aydın olar. Belə ki, türkdilli universitetin digər hər
hansı ölkənin proqram təminatından və texnologiyasından istifadə etməsi, bu universitetin
informasiya təhlükəsizliyinə, işin keyfiyyətinə, inkişaf perspektivinə təsir edir. Universitet bu
halda proqram təminatı hazırlayan şirkətdən, bu şirkətin aid olduğu ölkədən asılı olur,
sonralar bu asılılıq ilbəil artır. Məhz bu səbəblərdən informasiya təhlükəsizliyi şəxsi,
korporativ və milli təhlükəsizliyin əsas amilidir. Universitetlər bu gün dilemma qarşı-
sındadırlar: ya müasir inkişafdan, texnologiyalardan imtina etməli ( onda belə universitetə nə
ehtiyac var), ya öz vəsaiti və daxili imkanları gücünə müasir texnologiyalar yaratmalı ( bizim
universitetlər bu durumdadırlar və 10 illik təcrübə göstərir ki, bu variant real deyil), ya
dövlətin universitetlərə dair mükəmməl İKT strategiyası olmalıdır, ya da universitet və ya
dövlət özünə etibarlı müttəfiq tapmalı və öz İKT perspektivini onunla bağlamalıdır.
Göründüyü kimi, universitetin inkişaf strategiyası sanki, ölkənin inkişaf strategiyasının kiçik
bir modelidir, geosiyasi çalarlara malikdir, “cəmiyyətin bu günü və gələcəyi universitetdə
güzgü kimi əks olunur” (N. İ. Piroqov).
Belə mötəbər Beynəlxalq konfransın Firat Universitetində keçirilməsi təsadüfi deyil,
bu universitetin inkişaf səviyyəsi ilə əlaqədardır. Universitetin tarıxı cəmi 35 il olsa da, artıq
yüksək səviyyədə formalaşmış regional elm və təhsil mərkəzidir (ətraflı məlumat üçün www.
firat.edu.tr saytına baxa bilərsiniz). Ümumiyyətlə Türkiyədə son 10-15 ildə Universitet təhsili
xeyli inkişaf etmişdir. Bu fikir qloballaşma prosesləri fonunda daha aktual və müasirdir.
Dostları ilə paylaş: |