METODİKA VƏ TƏCRÜBƏ
Təhsildə İKT
102
onların bilik və bacarıqlarının inkişaf etdirilməsinə tam yaramır bilik və bacarıqlarını
bütünlüklə əhatə etmir.
Bu cür KTP-lərlə tanışlıq nəticəsində bir çox müəllim və metodistlərdə proq-
ramlaşdırılmış təlimin mahiyyəti haqqında yanlış təsəvvür yaranır, bəzən də buna mənfi
münasibət bəslənilir. Buna görə də qeyd etmək lazımdır ki, təlim prosesinin təkmilləşdirilməsi
ilk növbədə kompüter vasitəsilə proqramlaşdırılmış təlim üçün hazırlanmış materialların
keyfiyyətindən asılıdır, digər əyani təlim vasitələri isə onlarda köməkçi rol oynayır.
Xarici ölkələrdə, həmçinin ABŞ-da, informatikanın proqramlaşdırılmış təlimi üçün
nəzərdə tutulmuş bir çox əyani təlim vasitələri istehsaldan çıxarılmışdır, çünki kompüter
vasitəsilə proqramlaşdırılmış təlim proqramları ilə rəqabətə davam gətirmir.
ABŞ-dakı ümumtəhsil məktəblərinə gəldikdə isə burada bütün təlim vasitələrinin
kompleks hazırlanması xətti üstünlük təşkil edir. Bu zaman müxtəlif texniki vasitələrin
(audiovizual vasitələr, proyektorlar, mexanikləşdirilmiş əyani vasitələr və s.) kompüter
vasitəsilə proqramlaşdırılmış təlim vasitələri ilə birgə istifadəsi nəzərdə tutulur. Bu istiqamət
informatikanın ənənəvi tədris metodlarına uyğun gələn kompüterlə proqramlaşdırılmış tədris
prinsipləri və metodlarından istifadə edilən proqramın hazırlanması ilə əlaqədardır.
Bütün deyilənlərdən belə nəticə çıxarmaq olar ki, proqramlaşdırılmış təlim
metodikasında kompüterlə və kompütersiz təlim üçün istifadə edilməsindən asılı olaraq
materialların hazırlanması işinə xüsusi diqqət tələb olunur.
Məsələn, bir çox informatika müəllim və metodisləri proqramlaşdırılmış təlim prosesi
üçün müxtəlif KTP-lərin yaradılmasına həvəs göstərirlər, lakin proqramlaşdırılan
materialların özünün necə olacağı haqqında çox az düşünürlər. Adətən proqram ondan ibarət
olur ki, şagirddən verilmiş cavablardan düzgün olanının seçilməsi tələb olunur.
Məlumdur ki, spesifik xüsusiyyətləri əks olunan diskret quruluşa malik tədris fənləri
proqramlaşdırıla bilər. Məsələn, hətta alqoritmlərin icrası proseslərini, belə proqramlaşdırmaq
olar.
Bəziləri bundan nəticə çıxararaq təsdiq edirlər ki, bütün “əməli” fənlərin tədrisi
proqramlaşdırıla bilər. İnformatika da bu cür tədris fənlərindən biridir. Bununla bərabər ABŞ
və digər inkişaf etmiş ölkələrin təcrübəsinin öyrənilməsi göstərir ki, heç bir fənn üzrə bütün
bölmələri və mövzuları əhatə edən tam proqramlaşdırılmış kurslar yaradılmamışdır. Əksinə
proqramlaşdırılmış təlimin əsas qayəsi başqadır. Məqsəd bu və ya digər tədris fənlərinin tam
proqramlaşdırılması istiqamətinə deyil, əksinə, proqramlaşdırılmış təlimlə ənənəvi təlim
prosesinin yaxınlaşmasına, onun ideyalarının ənənəvi təlim prosesinə daxil edilməsinə, bütün
METODİKA VƏ TƏCRÜBƏ
Təhsildə İKT
103
təlim prosesinin tədrisin səmərəliliyini artıran müxtəlif KTP-lərlə təmin edilməsinə
yönəlmişdir. Bu zaman bir çox müəllim və metodislərin axtarışları və təcrübi işləri vasitəsilə
informatikanın tədrisi kursunda o bölmələri və mövzuları müəyyənləşdirmək lazımdır ki,
onların ayrı-ayrı hissələrini proqramlaşdırmaq və bu hissələrin ənənəvi təlim prosesinə necə
daha yaxşı şəkildə daxil edilməsini göstərmək məqsədəuyğun olsun.
KTP VASİTƏSİLƏ PROQRAMLAŞDIRILMIŞ TƏDRİS
İnformatikanın kompüter vasitəsilə proqramlaşdırılmış tədrisi üçün nəzərdə tutulmuş
materiallar digər tədris vasitələrindən fərqlənir. Əsas fərq ondan ibarətdir ki, kompüter
vasitəsilə proqramlaşdırılmış təlim prosesində hər üç tədris məsələsi birlikdə həll edilir. Bu
zaman yeni dərs materialının kiçik "porsiyasının" verilməsinin ardınca həmin anda onun
möhkəmləndirilməsinə diqqət edilir, növbəti "porsiyanın" verilməsi isə, yalnız əvvəlki
"informasiya dozasının" mənimsənilməsinin yoxlanılmasından sonra həyata keçirilir. Bu
zaman yeni materialın verilməsində hər növbəti "porsiyanın" ölçüsü, tam mənimsənilməsi
üçün avtomatik olaraq "informasiya dozasının" ölçüsünə uyğun gəlməlidir.
Materialın mənimsənilməsinə nəzarət edilməsinin əhəmiyyəti də ondan ibarətdir ki, o
öyrənənin özü tərəfindən həyata keçirilir. Bu hər bir şagirdin fərdi xüsusiyyətinə uyğun bir
şəkildə təhsildə irəliləməsinə imkan verir.
Təlim prosesinin kompüter vasitəsilə proqramlaşdırılması yolu ilə təkmilləşdiril-
məsinin bəzi problemlərini nəzərdən keçirək.
Onlardan biri proqramlaşdırılmış tədris üçün materialların və kompüter proqramlarının
hazırlanmasıdır. Burada ön planda məzmunun təkmilləşdirilməsi ilə üzvü surətdə bağlı olan
təlim prosesinin metodik yönü və dərs materialının məktəblilərə çatdırılması sistemi durur.
Bu istiqamətdə görülən iş təlim prosesinin qanunauyğunluğuna dərin nüfuz edilməsi,
dərs materialının məntiqi analizi ilə bağlıdır.
Bu halda biliklərin şagirdlər tərəfindən qavranılması və mənimsənilməsinin psixoloji
xüsusiyyətlərinin başa düşülməsi lazımdır və icraçıların iş üsullarını xarakterizə edən çox
sayda faktik materialların toplanması tələb olunur. Bu istiqamətdə müvəffəqiyyət əldə etmək
üçün, həmçinin, hazırlanan materialların təcrübi sınaqdan keçirilməsinə və onların nəzəri
olaraq tədqiq edilməsinə ehtiyac vardır. Bütün bunlar, əlbəttə ki, böyük çətinliklərlə bağlıdır.
Bu onunla izah olunur ki, hələ də informatikanın kompüter vasitəsilə proqramlaşdırılmış
tədrisi üçün dərc olunmuş materiallar demək olar ki, yox dərəcəsindədir, ancaq ilk addımlar
atılmışdır.
Dostları ilə paylaş: |