KONFRANS VƏ SƏRGİLƏR
Təhsildə İKT
124
“FASİLƏSİZ PEDAQOJİ TƏHSİLDƏ ELEKTRON TƏLİM
TEXNOLOGİYALARININ TƏTBİQİ” MÖVZUSUNDA ELMİ-METODİK
KONFRANS
Təhsil Nazirliyinin Fasiləsiz Pedaqoji Təhsil üzrə Koordinasiya Şurası, Azərbaycan
Dövlət Pedaqoji Universiteti, Azərbaycan Milli Elmlər Akademiyasının İnformasiya
Texnologiyaları İnstitutu və Azərbaycan Müəllimlər İnstitutunun 15 İyun - Milli Qurtuluş
Gününə həsr etdikləri respublika miqyaslı elmi-metodik konfrans belə adlanırdı. Elmi-
metodik konfransın keçirilməsində əsas məqsəd son illər ölkəmizdə, xüsusilə də Azərbaycan
Dövlət Pedaqoji Universitetində pedaqoji təhsilin informatlaşması sahəsində əldə olunan
təcrübənin konseptual, metodoloji və texniki-texnoloji aspektlərinə dair elmi-metodik
tədqiqatların nəticələrinin pedaqoji ictimaiyyətə çatdırılması və elmi ideyalar mübadiləsinin
həyata keçirilməsi olmuşdur.
Konfransda Təhsil Nazirliyinin əməkdaşları, İnformasiya Texnologiyaları İnstitu-
tunun, Təhsil Problemləri İnstitutunun, Azərbaycan Müəllimlər İnstitutunun rəhbər şəxsləri və
əməkdaşları, Fasiləsiz Pedaqoji Təhsil üzrə Koordinasiya Şurasının elmi katibi Kamil
Məcidov iştirak edirdilər. Eyni zamanda, konfransda respublikamızın ali pedaqoji və orta
ixtisas təhsili müəssisələrinin nümayəndələri, sahə üzrə aparıcı elmi-tədqiqat müəssisələrinin
alim və mütəxəssisləri, informatika ixtisası üzrə kadr hazırlığını həyata keçirən ali
məktəblərin əməkdaşları, habelə Gəncə, Mingəçevir, Lənkəran və Naxçıvanın ali təhsil
müəssisələrinin təmsilçiləri iştirak edirdilər. Konfransa Türkiyə, Rusiya və Cənubi Koreyadan
olan bir neçə mütəxəssisin məqalələri də daxil olmuşdur.
Konfransı giriş sözü ilə Fasiləsiz Pedaqoji Təhsil üzrə Koordinasiya Şurasının sədri,
ADPU-nun rektoru, AMEA-nın müxbir üzvü, professor Yusif Məmmədov açdı. Rektor
Y.Məmmədov konfransın ərsəyə gəlməsində göstərdikləri köməyə görə, AMEA-nın müxbir
üzvü, İnformasiya Texnologiyaları İnstitutunun direktoru, professor Rasim Əliquluyevə, Bakı
Pedaqoji Kadrların İxtisasartırma və Yenidənhazırlanma İnstitutunun rektoru, professor Asəf
Zamanova, Təhsil Problemləri İnstitutunun direktoru, professor Abdulla Mehrabova və
təşkilat komitəsinin digər üzvlərinə, həmçinin ADPU-nun Kompyuter Mərkəzinin
əməkdaşlarına öz minnətdarlığını bildirdi.
ADPU-nun rektoru, professor Y.Məmmədovun çıxışında iki istiqamət diqqəti cəlb
edirdi: 1993-cü il 15 iyun tarixinin müasir Azərbaycan dövlətinin müstəqilliyinin
qorunmasında yeri və fasiləsiz pedaqoji təhsildə elektron təlim texnologiyaların rolu.
KONFRANS VƏ SƏRGİLƏR
Təhsildə İKT
125
Ulu öndər Heydər Əliyevin «müstəqilliyi qorumaq onu qazanmaqdan daha çətindir»
fikrinə istinad edən natiq 1988-1993-cü illərdə Azərbaycanda baş verən ictimai-siyasi
hadisələri, respublikamızın parçalanma təhdidi ilə üz-üzə qaldığını, başqa sözlə, 1993-cü ilin
15 iyun gününə gedən yolun xarakteristkasını verdi, Azərbaycan dövlətçiliyinin nicat yolunu
xalqımızın ümummilli lider Heydər Əliyevin respublika rəhbərliyinə dəvət edilməsində
görülməsi fikrini təqdir etdi.
Ulu öndər Heydər Əliyevin Azərbaycana qayıdışı xalqımıza nə verib, Azər-
baycanımızı hansı bəlalardan xilas edib? Natiq məqam-məqam bu sorğuları cavablandırdı:
«Ümummilli Liderin Azərbaycana rəhbərliyə qayıdışı bizə müstəqil Azərbaycanı verdi, bu
gün onun xalqımıza bəxş etdiyi müasir, suveren Azərbaycan Ulu Öndərin özünün etibar etdiyi
Azərbaycan Prezidenti möhtərəm cənab İlham Əliyevin məqsədyönlü siyasətinin nəticəsi
olaraq gündən-günə inkişaf edir, dünyanın qüdrətli dövlətləri ilə bir sırada inamla
addımlayır». Bu fikirlərimə istinadən mübaliğəsiz söyləyə bilərəm ki, - söylədi rektor
Y.Məmmədov, - 15 iyun 1993-cü il tarixi bugünkü müstəqil, suveren Azərbaycan dövlətinin
İKİNCİ DOĞUM GÜNÜ sayıla bilər.
Elmi-pedaqoji konfransın mövzusuna gəlincə…
Hamıya məlumdur ki, 2001-ci ildə Avropa Şurasına üzv olan respublikamız Avropaya
inteqrasiya yolunu tutmuşdur ki, bu inteqrasiyanın tərkib hissələrindən biri də Azərbaycanda
informasiya cəmiyyətinin yaradılmasıdır. İnformasiya cəmiyyəti informasiya-kommunikasiya
texnologiyalarının inkişafı nəticəsində formalaşan biliklər cəmiyyəti, bu cəmiyyətin səciyyəvi
cəhəti isə informasiya texnologiyalarının insan həyatının bütün sahələrinə nüfuz etməsidir.
Burada başlıca şərt bilik, informasiya və onların səmərəli tətbiqidir. Heç bir siyasi
ambisiyalara «diqqət yetirməyən» bu cəmiyyət bütün sədləri aşaraq informasiya mübadiləsinə
imkan verir.
Azərbaycan təhsilinin dünya təhsil sisteminə inteqrasiyası respublikamıza nə
verəcəkdir? ADPU-da bu istiqamətdə hansı işlər görülmüşdür?
İnnovativ təhsil tədrisdə innovasiyaların yaradılması, inkişafı, yayılmasına istiqa-
mətlənmiş prosesdir. Bunun üçün müvafiq kadr potensialı olmalıdır. Bu zaman təhsildə
müəllimin rolu və statusunun dəyişməsi, təhsil vasitəsi ilə cəmiyyətin texnoloji, sosial-iqtisadi
sifarişinin reallaşması müşahidə edilir. Azərbaycanın 2005-ci ildən təhsil sahəsində Boloniya
prosessinə qoşulmasını bu istiqamətdə atılan ilk addım kimi dəyərləndirmək olar. Bundan
əlavə, ADPU-da əyani şöbədə kollokvium, semestr və dövlət imtahanlarının informasiya-
Dostları ilə paylaş: |