KONFRANS VƏ SƏRGİLƏR
Təhsildə İKT
126
kommunikasiya texnologiyaları vasitəsilə götürülməsi respublikamızın ali təhsil ocaqları
sırasında ilk uğurlu nəticə hesab edilə bilər.
Bunun üçün universitetdə hələ 2007-ci ildə Kompyuter Mərkəzinin yaradılmışdır.
2009-2010-cu dərs ilində mərhələ-mərhələ tətbiq edilməklə kollokviumların, semestr və
dövlət imtahanlarının da informasiya-kommunikasiya texnologiyalarının köməyi ilə gö-
türülməsi işi əyani şöbədə tamamilə başa çatdırılmışdır. Universitet əməkdaşları arasında bu
istiqamətdə maarifləndirmə işinin aparılması, başqa sözlə, kompyuter kurslarının təşkili və
kursu bitirənlərə sertifikatların verilməsi, 2008-ci ilin dekabrında «Təhsildə İKT» jurnalının
qeydiyyatdan keçirilərək fəaliyyətə başlaması, elektron dərsliklərin yaradılması istiqamətində
işə başlanılması və s. ADPU-da təhsilin Avropaya inteqrasiyası işində universitetin əldə etdiyi
uğurlu nəticələrdən hesab edilə bilər.
Çıxışını bu vacib amillər üzərində quran ADPU-nun rektoru Y.Məmmədov dedi:
«Yaxşı bilirsiniz ki, respublikamızda «2009-2013-cü illərdə Azərbaycan Respublikasının ali
təhsil sistemində islahatlar üzrə Dövlət Proqramı» və «2008-2012-ci illərdə Azərbaycan
Respublikasında təhsil sisteminin informasiyalaşdırılması üzrə Dövlət Proqramı» icra edilir.
Təhsildə «Fasiləsiz Pedaqoji Təhsil» strategiyası tədbirlər planı həyata keçirilən bu islahatlar
proqramlarının tərkib hissələrindən biridir. Hazırda respublikamızda bu istiqamətdə ciddi iş
aparılır.
Rektor Y.Məmmədov daha sonra sözünə davam edərək dedi: «İnformasiya tex-
nologiyalarının kəşfindən və onun həyatımıza tətbiqinin genişlənməsindən sonra dünyada
bilik, elm çatdıran informasiyaların sayı həddindən artıq çoxalıb. Artıq istər ümumtəhsil,
istərsə də ali təhsil ocaqlarında əvvəlki illərin tədris qaydaları ilə işləmək çox hallarda
səmərəsiz olur. Çünki bu halda müasir informasiya axını ilə ayaqlaşmaq, başqa sözlə, oxuyub
çatdırmaq mümkün olmur. Bu səbəbdən də, şübhəsiz ki, yeni texnologiyaların, o cümlədən
elektron texnologiyalarının köməyindən istifadə məsələsi gündən-günə aktuallaşır».
Müasir informasiya cəmiyyətində tələbə lazımi məlumatı axtarmaq, təhlil etmək, yeni
informasiya yaratmaq, bu əsasda mövqe formalaşdırmaq, qərar qəbul etmək və qərarı həyata
keçirmək kimi vərdişlərə yiyələnməlidir. Müasir müəllimin başlıca vəzifəsi tələbəyə (şagirdə)
nəyi isə öyrətmək deyil, öyrənməyi öyrətməkdir. Bunun üçün müəllim özü daim inkişafda
olmalıdır.
Əgər əvvəllər müəllim əsas informasiya mənbəyi idisə, indi müəllim informasiya
mənbələri ilə tələbə arasında vasitəçi funksiyasını yerinə yetirir. Müəllim tələbəyə infor-
masiya-kommunikasiya texnologiyalarınının köməyindən bəhrələnməklə səmərəli iş
KONFRANS VƏ SƏRGİLƏR
Təhsildə İKT
127
metodlarını, informasiya proseslərini öyrətməlidir. Bu xüsusiyyətlər isə özlüyündə ali təhsilin,
o cümlədən pedaqoji təhsilin məzmun və texnologiyasını təkmilləşdirməyi tələb edir. Müasir
pedaqoji təhsilin məqsədi informasiya cəmiyyətinin tələblərinə uyğun yeni müəllim kadrları
hazırlamaqdır».
Zamanla ayaqlaşmaq, başqa sözlə, informasiya-kommunikasiya texnologiyaları vasitə-
lərinin köməyindən bəhrələnməklə müəllimin öz bilik səviyyəsini artırması respublikamızda
müəllim nüfuzunun aşağı düşməsi kimi narahatlıq doğuran bir halın aradan qaldırılması
yolunda olduqca mühüm amildir, - söylədi rektor Y.Məmmədov.
Təqdir olunan hal artıq respublikamızda Azərbaycan Texniki Universiteində və
Azərbaycan Dövlət İqtisad Universitetində öz həllini tapmışdır. BDU-da da bu qabaqcıl
təcrübənin tətbiqi istiqamətində iş gedir.
***
Plenar iclasda «Təhsilin informasyalaşdırılmasıın bəzi aktual problemləri» (məruzəçi
AMEA-nın müxbir üzvü, İnformasiya Texnologiyaları İnstitutunun direktoru, professor
Rasim Əliquliyev) və «Ali pedaqoji təhsilin innovativ inkişafında informasiya texnolo-
giyalarının rolu» (məruzəçi ADPU Kompyuter Mərkəzinin direktoru, dosent İlham Əhmədov)
mövzularında iki məruzə dinlənildi, Azərbaycan Təhsil Problemləri İnstitutunun direktoru,
professor Abdulla Mehrabov ürək sözlərini söylədi.
AMEA-nın müxbir üzvü, İnformasiya Texnologiyaları İnstitutunun direktoru,
professor Rasim Əliquliyev məruzəsində dedi: «Hələ 2002-ci ildə ümummilli lider Heydər
Əliyev tərəfindən Azərbaycan Respublikasında cəmiyyətin müxtəlif sferalarında informasiya-
kommunikasiya texnologiyalarının geniş tətbiq olunmasını nəzərdə tutan milli strategiya irəli
sürülmüşdü. Bu ideologiya dövlət başçısı cənab İlham Əliyev tərəfindən konkret addımlar
atılmaqla daha da inkişaf etdirildi. 2004-cü ildə orta ümumtəhsil məktəblərində informasiya-
kommunikasiya texnologiyalarının geniş tətbiqi və onun davamı olaraq 2008-2012-ci illərdə
Dövlət Proqramının qəbul edilməsi ölkəmizdə, ümumiyyətlə, informasiya cəmiyyəti ideologi-
yasının geniş tətbiqinə bariz nümunədir. Ona görə də, təhsilin informasiyalaşdırılması, ümumi
götürdüksə isə təhsildə islahatların aparılması Azərbaycan dövlətinin dünyaya inteqra-
siyasında ən mühüm vasitələrdən biridir…
Etiraf etməliyik ki, respublikamızda təhsilin infomatlaşdırılması istiqamətində müəy-
yən işlər görülmüş olsa da, bu, bir qədər pərakəndə xarakter daşıyır. Bu istiqamətdə elmi
araşdırmalar aparılması, konfransların keçirilməsi, hesab edirəm ki, yeni Azərbaycanın,
Dostları ilə paylaş: |