METODİKA VƏ TƏCRÜBƏ
Təhsildə İKT
68
Ümumtəhsil məktəblərində biologiyanin tədrisində
Elektron təlim vasitələrinin tədqiqatçiliq bacariqlarinin
aşilanmasinda rolu
Azərbaycan Dövlət Pedaqoji Universiteti
İsmayılova Zərifə Rəsul qızı
ADPU-nun Kimya və Biologiya fakültəsinin dekan müavini, doktorant
Quluzadə Sona Famil qızı
ADPU-nun Biologiyanın tədrisi metodikası kafedrasının I kurs magistrantı
Xülasə
Məqalədə biologiyanın tədrisində şagirdlərdə tədqiqatçılıq bacarıqlarının
aşılanmasında elektron təlim vasitələrinin rolu aydınlaşdırılmışdır.
Аннотация
В данной работе исследованы особенности методики применения
электронных средств обучения в преподавании биологии для повыщения
исследовательской активности.
Аbstract
T
he article is devoted to the teaching method means of the
electronic trainig
technology on the biology teaching for the formating of skills.
Açar sözlər: biologiyanın tədrisi , elektron təlim vasitələri
Ключевые слова: электронныe средств обучения, преподавании
биологии.
Key words: elektron technology training means, biology training
XXI əsrin gənclərinin müstəqil və yaradıcı düşünən, inkişaf edən, həyati
bacarıqlara malik şəxsiyyət kimi yetişdirilməsində digər fənlərlə yanaşı
biologiyanın tədrisi metodikası fənninin qarşısına da bir çox vəzifələr qoyulur.
Bunlardan ən başlıcası şagirdlərdə biliklərini tətbiq edə bilmək, xüsusilə
tədqiqatçılıq bacarıqlarının formalaşdırılmasıdır. Ona görə də respublikamızda
fənnyönümlü, bilikyönümlü, təhsildən nəticəyönümlü, şəxsiyyətyönümlü,
METODİKA VƏ TƏCRÜBƏ
Təhsildə İKT
69
şagirdyönümlü təhsilə keçilmişdir. Təhsildə tətbiq etdiyimiz milli və fənn
kurikulumlarının əsas tələbləri də şagirdləri bilikli, bacarıqlı, müstəqil bilik əldə
edən, onun həyatda tətbiqini bacaran, texnikadan baş çıxaran, hərtərəfli inkişafa
malik şəxsiyyətin formalaşdırılmasıdır.
Təhsildə, fənlərin tədrisində şagirdlərin tədqiqatçılıq bacarıqlarının
formalaşdırılması tələblərinin həyata keçirilməsində müəllimlərin bu sahədə
səriştəsi, dərslik komplektinin məzmunu, dərslərin, fəal təlim metod və
formaları ilə təşkili böyük əhəmiyyət kəsb edir.
Məxsusi olaraq, ümumtəhsil məktəblərində biologiyanin tədrisində
elektron təlim vasitələri nin tətbiqi tələbələrin aktiv tədqiqatçiliq bacariqlarinin
inkişafına geniş imkanlar açır.
Öz növbəsində elektron təlim vasitələri aşagıdakı növlərə bölünür:
intellektual təlim sistemləri
avtomatlaşdırılmış təlim sistemləri
ekspert təlim sistemləri,
elektron məşqci,
elektron dərslik
Elektron təlim oyunları
İntellektual təlim sistemi təhsil prosesində didaktik məsələləri həll
etmək,tələbələrin cavablarının intellektual təhlilini aparmaq, tapşırıqların yerinə
yetirilməsində tələbəyə kömək etmək imkanı yaradır.
Avtomatlaşdırılmış təlim sistemləri, bir və
ya bir
neçə
avtomatlaşdırılmış təhsil komplekslərindən təşkil edilir və didaktik məsələləri
həll etmək imkanı yaradır.
Ekspert təlim sistemləri evristik həll axtarışlarında istifadə olunur.
Ekspert təlim sistemləri aşagıdakı hissələrdən ibarətdir:
biliklər bazası
alt şərhlər sistemi
bilik əldə edilməsi alt sistemi
interfeys alt sistemi
Elektron təlim oyunlarında elektron məşqçi obyektin dinamikasının və
struktur elementlərinin modelləşməsinə imkan yaradır.
Elektron dərslik – məzmun etibarilə, tələbəyə tədris kursunu müvafiq
təlim modelinə uyğun şəkildə öyrənməyi təmin edən metodik proqram təlim
kompleksidir.
Elektron dərslikdə multimediya və hipermediya texnologiyaları sinkretik
şəkildə birləşdirilib.
METODİKA VƏ TƏCRÜBƏ
Təhsildə İKT
70
Elektron dərsliyin mətn strukturu, tələbələrə sərbəst rejimdə istənilən
məzmuna müraciət etmək, məsləhət almaq imkanı verir.
Biologiyanın tədrisində şagirdlərin tədqiqatçılıq bacarığının inkişaf
etdidilməsi imkanları genişdir. İlk növbədə biologiya fənn kurikulumu
problemin həllinə geniş imkanlar açır. Həmin imkanlar kurikulumun
məzmununda, təlim strategiyalarında və qiymətləndirmə hissəsində özünü
göstərir. Biologiya fənn kurikulumunda qeyd edilir ki, fənnin məzmunu
öyrədilməklə şagirdin tədqiqatçılıq bacarıqları inkişaf etdirilir. Onda
məlumatları ümumiləşdirmək, eksperimentlər aparmaq, məruzə, referat,
təqdimatlar hazırlamaq, bitkiləri becərmək, heyvanları bəsləmək və insan
sağlamlığını qorumaq bacarıqları formalaşdırılır. Kurikulumda
biologiya
təliminin məzmunu təlim nəticələri əsasında verilir. Təlim nəticələrinin
reallaşmasını təmin edən dörd məzmun xətti müəyyənləşdirilmişdir:Canlıların
quruluşu və müxtəlifliyi; Bioloji proseslər; İnsan və onun sağlamlığı; Canlılar
və ətraf mühit. Hər bir məzmun xəttinin izahından görünir ki, mövzuların
tədrisi prosesində şagirdlərdə müəyyən qədər tədqiqatçılıq bacarıqlarının inkişaf
etdirilməsinə imkanlar vardır. Birinci məzmun xəttində deyilir ki, canlıları
cansızlardan fərqləndirmək, biologiyanın öyrəndiyi elm sahələrini, canlıların
təşkil səviyyələrini, sistematik kateqoriyaları, hüceyrənin quruluşu və kimyəvi
tərkibini müəyyənləşdirmək məqsədilə praktik təcrübələr aparmaq, nəticə əldə
etmək bacarığına yiyələnirlər. Aydın məsələdir ki, şagirdlər praktik işlərdə
canlılar üzərində təcrübələr aparmaqla tədqiqatçılıq bacarıqları əldə edirlər (5.
s.9).
İkinci məzmun xəttinin izahında qeyd edilmişdir ki, müşahidə,
eksperiment və tədqiqatlar aparmaqla canlılarda gedən həyati prosesləri öyrənir
və bu proseslərə təsir edən amilləri (fikizi, kimyəvi, coğrafi, tarixi) təcrübi
yolla, riyazi hesablamaların köməyi ilə təhlil edirlər. Buradan aydın görünür ki,
şagirdlərə tədqiqatçılıq bacarığının aşılanması əsas məsələ kimi qarşıya
qoyulur. Bu isə müəllimlərə tədris prosesində şagirdlərə tədqiqatçılıq
bacarıqlarının aşılanmasına geniş imkanlar açır. Fənn kurikulumunun fəaliyyət
xətlərində də şagirdlərə tədqiqatçılıq bacarıqlarının aşılanması diqqət
mərkəzində durur. Belə ki, altı fəaliyyət xəttinin (Problemin həlli; Müqayisə,
təsnifetmə, təhlil və tədqiq etmə; Ümumiləşdirmə, mühakimə və tətbiq etmə;
Əməkdaşlıq və ünsiyyət; Təşkil və təqdim etmə; Eksperiment aparma (nəzəri
biliklərin tətbiqi) (5. s.10) hər biri tədqiqat xarakterlidir. Ona görə tədrisdə
tətbiq olunan fəaliyyət xətlərinin daxilində şagird tədqiqatı durur. Bu da
Dostları ilə paylaş: |