METODİKA VƏ TƏCRÜBƏ
Təhsildə İKT
84
ədəbiyyat, tarix, astronomiya, texnologiya, fiziki tərbiyə kimi fənlərlə
əlaqələndirilməsinə imkan verir. Bu baxımdan biologiya fənnini inteqrativ fənn
adlandlrmaq olar. Belə əlaqəli tədris biologiya fənninin öyrədilməsi
effektivliyini artırır.
Fənlərarası əlaqəni həyata keçirən müəllim bir sıra məsələləri tədrisdə
nəzərə almalıdır. O, bilməlidir ki, fənlərarası və fəndaxili əlaqələr illik
planlaşmada nəzərə alınmalı və öz yerini tapmalıdır. Bunun üçün aşağıdakı
məsələlərə diqqət edilməlidir:
Bir-biri ilə üzvi əlaqədə olan fənlərin mövzuları aydınlaşdırılmalı,
onların tədrisi vaxtı müəyyən edilməli;
Əlaqədə olan mövzuların məzmunu öyrənilməli, təkrarlar
aşkarlanmalı;
Şagirdlərin mövzu ətrafındakı biliklərində digər fəndən keçdikləri
məsələlər, həyatı biliklər nəzərə alınmalı;
Fənlərarası əlaqəyə dair ortaq əyaniliklər hazırlanmalı, yaxud hər
fənnin mövzularına dair əyaniliklər sinfə gətirilməli;
Fənlərarası əlaqənin təşkilində şagirdlərə müstəqillik verilməli;
Fənlərarası əlaqənin yaradılmasına imkan verən laboratoriya
məşğələləri, təcrübələr təşkil edilməli;
Fənlərarası əlaqənin təşkili dərsin hər bir mərhələsində həyata
keçirilməli;
Fənlərarası əlaqənin yaradılması mövzunu çətinləşdirməməli,
əksinə dərk etməni, mənimsəməni asanlaşdırmalıdır.
Fənlərarası əlaqə fənnin tədrisi ardıcıllığı, sistematikliyi qorunmalı,
şagirdlərin məntiqi, tənqidi və yaradıcı təfəkkürünün inkişafında, anlayışların
dərk olunmasında, qarşılıqlı əlaqədə olan obyekt və hadisələrin kompeks dərk
edilməsində mühüm əhəmiyyətə malikdir.
Fənlərarası və fəndaxili inteqrasiyanın göstərilən üstünlüklərini nəzərə
alaraq fənn kurikulumlarında ona əsaslı yer verilmişdir. Biologiya fənn
kurikulumunda fənlərarası inteqrasiya nəzərə alınmış, fənnin digər fənlərlə
əlaqə imkanları aşkara çıxarılmışdır. Fənnin məzmununun mənimsənilməsinə
kömək edən coğrafi, kimyəvi, fiziki, riyazi, texnoloji, həyat bilgisi ilə bağlı
anlayışların əlaqəli öyrədilməsinin əhəmiyyəti əsaslandırılır. Göstərilir ki,
maddi gerçəkliyin tərkib hissəsi olan canlılar aləminin tərkibi kimyəvi
maddələrdən təşkil olunmuşdir. Canlı orqanizmlərdə baş verən proseslər də
fizikanın və kimyanın qanunlarına əsaslanır. Canlılar coğrafi mühitdə
yayıldıqlarından daim mühitin təsirləri ilə qarşılıqlı əlaqədə olurlar. Bioloji
METODİKA VƏ TƏCRÜBƏ
Təhsildə İKT
85
obyekt və hadisələrin real dərk olunmasında adları çəkilən fənlərlə yanaşı riyazi
hesablamaların aparılması, diaqramların qurulması, məlumatların toplanması,
təqdim edilməsi, tarixi inkişafın öyrənilməsinin də əhəmiyyəti böyükdür. Elə
buna görə biologiyanın məzmunu hazırlanarkən ayrı-ayrı fənlərlə əlaqə
imkanları nəzərə alınmışdır. (1, s.21).
Fənlərarası əlaqənin həyata keçirilməsi dərsin vaxtından səmərəli
istifadə edilməsinə şərait yaradır, şagird tədqiqatlarından müsbət nəticələr əldə
etməyə, obyekt və hadisəni tam olaraq öyrənməyə zəmin yaradır.
Fənn kurikulumunda fəndaxili və fənlərarası əlaqənin sistemə salınması,
cədvəllə ümumiləşdirilməsi müəllimlərin işini xeyli asanlaşdırmışdır. (1.s.22-
26). Orada fəndaxili əlaqə məzmun standartları əsasında verilmiş, standart tam,
açıq yazılmışdır. Digər fənlərlə əlaqə isə yalnız məzmun standartının nömrəsi
verilməklə işlənilmişdir. Bu cür ümumiləşdirmə müəllimin işini bir qədər
çətinləşdirir. Çətinliyin aradan qaldırılması üçün müəllim illik planlaşdırmada
inteqrasiya xanasını iki hissəyə bölməli, birinə fəndaxili, digərinə fənlərarası
yazmalıdır. Fəndaxili inteqrasiya xanasında siniflər üzrə mövzuların adının
göstərilməsi məsləhətdir. Fənlərarası inteqrasiya hissəsində də standartlar
əsasında mövzuların adının verilməsi çox faydalıdır. Çünki müəllim gündəlik
planlaşdırmada tədris edəcəyi mövzunun əlaqələnəcəyi mövzuları dərsliklərdən
asanlıqla tapır və əlaqə elementlərini əldə edir. Belə bir illik və gündəlik tədris
planı müəllimə dərsdə mövzunun tədrisindəinteqrasiya yaratmasına düzgün
istiqamət verir. Bu baxımdan biologiyaya daha yaxın olan kimya və fizika ilə
əlaqə imkanlarına nəzər salınması fikir aydınlığına səbəb olar. Çünki biologiya
və kimyanın anlayışları, qanun və qanunauyğunluqları sıx əlaqədədir. Onlar
həmin əlaqədə də şagirdlərə öyrədilməlidir. Biologiyanı kimyasız, fizikasız
tədrisi şagirdlərin biliklərində də yarımçıqlıq yaradır, boşluqlara səbəb olur.
Obyekt və hadisələr tam əhatə oluna bilmir. Fənnin məzmunu kimya ilə
əlaqələndirilməklə yanaşı, həyatla, istehsalatla əlaqələndirildikdə şagirdlər
mövzunun öyrənilməsi əhəmiyyətini dərk edərək ona şüurlu və məsuliyyətlə
yanaşırlar.
Fənlərarası əlaqənin müxtəlif növləri müxtəlifdir. Biologiyanın kimya
ilə əlaqələndirilməsində daha çox istifadə edilənlər aşağıdakılardır (2. s.8-10)
1.
Quruluş əlaqəsi. Hər iki fənnin ayrı-ayrı mövzularının müəyyən qayda ilə
düzülməsinə əsaslanır. Öyrədilən biliklər digər fənlərin mövzularını
öyrədərkən istifadə olunur. Məsələn, kimyadan üzvi kimya mövzuları
keçilir. Biologiyadan hüceyrənin üzvi tərkibi keçilərkən şagirdlərin
kimyadan öyrəndikləri üzvi maddələrə dair məsələlərə istinad edilir. Ona
Dostları ilə paylaş: |