METODİKA VƏ TƏCRÜBƏ
Təhsildə İKT
86
görə də dərsliklər işlənərkən əlaqəli mövzuların eyni vaxtda, paralel
olaraq tədrisi nəzərə alınmalıdır. Belə olduqda şagirdlər kimyadan üzvi
maddələrin xassələrini öyrənir, biologiyadan isə üzvi maddələrin canlı
orqanizmlərin tərkibində miqdarını və əhəmiyyətini mənimsəyirlər. Onlar
üzvi maddələrin öyrənilməsinin mahiyyətini və əhəmiyyətini dərk edərək
dərslərdə fəallıq göstərirlər.
2.
Birtərəfli əlaqə. Burada başqa fənlərdən keçilən biliklərdən istifadə
etməklə mövzuya dair bilik və bacarıqlar möhkəmlənir, dərinləşir.
Kimyadan oksigen, karbon qazının xassələri öyrənilir. Həmin bilik və
bacarıqlardan istifadə etməklə biologiyadan canlıların tənəffüsü və
onlarda gedən qazlar mübadiləsinin daha yaxşı mənimsənilməsinə nail
olunur. Bu növ əlaqə elmi-metodik baxımdan çox əlverişlidir.
3.
Tamamlayıcı əlaqə. Bu əlaqədə biologiyada kimyəvi anlayışlar kimyadan
tədris olunanadək öyrədilir. Bu zaman kimyəvi maddələrə dair sadə
biliklər verilir, əsasən onların adı çəkilir. Kimyadan həmin maddələrə dair
mövzular tədris olunduğundan sonra yuxarı siniflərdə biologiyanın
tədrisində həmin mövzuların dərindən öyrədilməsi imkanları yaranır.
Şagirdlərin mövzuya dair sadə anlayışıları daha mürəkkəb anlayışlarla
əvəz olunur, bilikləri tamlanır, bütövlənir. Bitki və heyvanların tərkibində
üzvi və qeyri-üzvi maddələrin olduğu bir neçə mövzunun tədrisində
öyrədilir, təcrübələr əsasında bitki və heyvanların kimyəvi tərkibində olan
su, mineral duzların, üzvi maddələr olan zülal, karbohidrat və yağların
olduğu sübut edilir. Lakin onların xassələri, orqanizmdə funksiyaları
açıqlanmır. Kimyanın tədrisində qeyri-üzvi və üzvi maddələr, onların
xassələri öyrədildikdən sonra X-XI siniflərdə canlı orqanizmlərin kimyəvi
tərkibi haqqında tam biliklər alırlar. Müəllim aşağı sinifdə keçilən belə
anlayışların öyrədilməsinə bir daha qayıdacaqlarını şagirdlərə çatdırır.
Onların üzvi və qeyri-üzvi maddələri kimyadan daha yaxından
öyrənəcəklərini bildirir. Şagirdlərin öyrəndikləri məsələlərin hər iki
fənnin materialları ilə tamamlandığından fənlərarası əlaqə tamamlayıcı
adlandırılır.
4.
Koordinasiya əlaqəsi. Мüxtəlif fənlərdə eyni mövzunun tədrisinə təsadüf
olunur. Şagirdlər biologiyadan oksigen qazının yanmaya kömək etdiyinə
və karbon qazının yanmanı dayandırması məsələlərini təcrübələrlə
öyrənirlər. Kimya dərslərində yenidən həmin məsələnin öyrənilməsi
lazım gəlir. Eyni təcrübələrin aparılması, şagirdlər qarşısında heç bir
problemin qoyulmaması onların materialın öyrənməsinə, təcrübələrin
METODİKA VƏ TƏCRÜBƏ
Təhsildə İKT
87
təşkilinə marağını azaldır. Onlar bunları bildiklərinə görə dərsdə
fəallıqları aşağı düşür. Buna görə də müəllim hər bir dərsdə şagirdlərin
mövzuya dair biliklərini üzə çıxarmağı bacarmalı, şagirdlərin bilik və
bacarıqlarından istifadə etməklə daha maraqlı təcrübələrin aparılmasına,
yeni maraqlı şagird tədqiqatlarının təşkilinə səy göstərməlidir. Bunun
üçün müəllim dərs apardığı sinifdə keçilən fənlərin məzmunu ilə tanış
olmalı, yeri gəldikcə həmin fənlərdən nə keçdiklərini şagirdlərdən
soruşmalıdır. Belə olduqda şagirdlərin fənnə, onun tədrisinin forma və
metodlarına maraqları artır, bilik əldə etmək səyləri, fəallıqları yüksəlir.
5.
İnteqrasiya əlaqəsi. Bu əlaqə formasından müxtəlif fənlərdə eyni və ya
oxşar mövzuların keçilməsində istifadə olunur. Həmin əlaqə müxtəlif
yollarla həyata keçirilir:
-
yaxın fənlərdə keçilən eyni mövzuların tədrisindən sonra
materialların ümumiləşdirilməsinə həsr olunan ümumiləşdirici
dərslərin təşkili;
-
yaxın fənlərdə verilmiş anlayış və təriflərin müqayisə edilməsi,
nəticə çıxarılması;
-
müxtəlif fənlərdən keçilən yaxın mövzular üzrə məsələ, misal və
testlərin hazırlanması, həll edilməsi, şagirdin müstəqil işlərinin
təşkili;
-
əlaqəli mövzular arasında əlaqəni əks etdirən tədqiqat
tapşırıqlarının, iş vərəqlərinin hazırlanması və onlardan dərslərdə
istifadə edilməsi;
-
müxtəlif fənlər üzrə mövzulararası əlaqəyə dair əyaniliklərin
hazırlanıb onlardan dərslərdə istifadə olunması;
-
mövzunu həyatla, istehsalatla əlaqələndirərək obyekt və hadisənin
yaxın fənlər baxımından qiymətləndirilməsi;
-
əlaqələndirilən fənlərdəki eyni və ya oxşar mövzulara həsr
olunmuş şagird konfranslarının, biologiya gecələrinin, ortaq
əyanilikləri əks etdirən sərgilərin, kompleks ekskursiyaların təşkili
və s.
İnteqrasiya əlaqəsinin digər əlaqə növlərindən fərqi ondadır ki, o fənləri
bir-birinə yaxınlaşdırır. Yeni elm sahələrinin yaranmasına istiqamət verir.
İnteqrasiya əlaqəsinin həyata keçirilməsi yaxın fənlərdə öyrədilən eyni bir
obyekt və ya hadisə haqqında şagirdlərdə real təsəvvür yaradır, ziddiyyətə,
uyğunsuzluğa yol verilmir, dəqiqlik təmin olunur. İki və ya daha çox fənnin
iştirakı ilə həll edilən məsələlərdə də inteqrasiya əlaqəsi xüsusi əhəmiyyət kəsb
Dostları ilə paylaş: |