METODİKA VƏ TƏCRÜBƏ
Təhsildə İKT
94
Motivasiyanın qiymətləndirilməsində bir sıra meyarlardan istifadə olunur.
Motivasiyanın müasir tələblərə cavab verdiyini qiymətləndirmək üçün
aşağıdakı meyarlaramüraciət oluna bilər:
Motivasiya nəticəsində müxtəlif fərziyyələrin meydana çıxması.
Fərziyyələr yaranmadığı halda belə nəticəyə gəlmək olar ki,
motivasiya tələbə cavab vermir.
Tətbiq
olunan
motivasiya
üsulunun
məqsədəuyğunluğu.
Motivasiyanın yaradılması zamanı öyrənilən materialın xarakteri və
onun şagirdlərin bu sahədəki bilik səviyyəsinə uyğunluğunun nəzərə
alınması.
Müxtəsərlik, vaxta qənaət – motivasiyanın həyata keçirilmə müddəti
5-7 dəqiqədən çox olmamalıdır (açıq suallardan istifadə etməklə
motivasiyanı 1 dəqiqə ərzində də keçirmək mümkündür).
Motivasiyanı yaratmaq üçün müəllimin sərf etdiyi vaxtın və
maddiyyatın ölçüsü. Çox zəhmət tələb edən motivasiya heç də
həmişə yaxşı alınmır.
Qoyulmuş problemin şagirdlər tərəfindən dərk edilməsinin asanlıq
dərəcəsi. Problem uşaqların inkişaf səviyyəsinə və onların yaş
imkanlarına uyğun olduqda, təfəkkür prosesini stimullaşdırır, əks
təqdirdə o, təfəkkürün süstləşməsinə və blokadasına səbəb ola bilər.
Qiynətləndirmədə başqa meyarlar da seçilə bilər. Məsələn,
motivasiyanın yığcamlığı – qısa vaxt ərzində həyata keçirilməsi, şagirdləri
fəallaşdırması, təəccübləndirməsi, şagirdlərin motivasiyanın yaradılmasına cəlb
edilməsi və s. deyilənlərdən belə bir nəticəyə gəlmək olar ki, motivasiya – dərs
ərzində şagirdin idrak fəallığına təkan verən proses olub, dərsin vacib
komponentidir. Onun yaradılması və həyata keçirilməsi o qədər də asan iş
olmayıb, dərsin nəticəsi onun müvəffəqiyyətlə həyata keçirilməsindən asılıdır.
Motivasiyanı yaradan amillərəaiddir:müxtəlif fərziyyələr yaradan
problem situasiya,obyektin fərqli xüsusiyyətləri (qeyri-aidlik, sərbəst düşüncə
və maraq yaradan olması),tədqiqat imkanına malik olması,yaradıcılıq imkanının
mövcudluğu və s.
Motivasiyanın yaradılmasında İKT müəllimin əsas köməkçisi rolunu
oynaya bilər. Motivasiyanın videogörüntülərlə, elektron dərs vəsaitlərindən
fraqmentlərin, animasiyaların verilməsi ilə təşkili şagirdlərin idrak fəallığını
artırır. Şagirdlər İKT-dən istifadəyə meylli olduqlarından motivasiyanın
təşkilində texniki vasitələrdən istifadə edilməsi daha uğurlu alınır. Müəllim
motivasiya yaradarkən şagirdlərin maraq və meyllərini də nəzərə almalıdır.
METODİKA VƏ TƏCRÜBƏ
Təhsildə İKT
95
İKT-dən istifadə edilməsi ilə motivasiyanın yaradılmasında şagirdlərin də
fəaliyyətinə yer verilə bilər (4.s.120).
Dərsin digər mərhələlərində olduğu kimi motivasiya mərhələsində də bir
sıra səhvlərə yol verilir.Müəllim motivasiya qismində real problem əvəzinə bir
həll variantı olan çalışmadan istifadə edir. O, yadda saxlamalıdır ki, idrak
motivasiyasını doğuran mexanizm – problemdir. Heç bir vəchlə adi çalışmanın
(bir həll variantı olan) problemlə yəni, müxtəlif fərziyyələri və həll
variantlarını doğuran ziddiyyətlə qarışıq salmaq olmaz. Məhz çalışma və
problem arasında bu böyük fərqi görə bilməmək son nəticədə motivasiyanın
alınmamasına səbəb olur. Müəllim motivasiya qismində real problem əvəzinə
həvəsləndirici informasiyadan (maraqlı, cəlbedici) və ya onun təqdimatı
üsullarından (oyun, rəngbərəng şəkil) istifadə edir.Həvəsləndirici material
şagirdlərdə nə qədər maraq oyatsa da, o yalnız şagirdlərin qeyri-iradi diqqətini
cəlb etməyə xidmət edir, lakin təfəkkürü oyada və fəallaşdıra bilmir. Hətta çox
da cəlbedici olmayan, lakin problem xarakteri daşıyan material ilə müqayisədə
idrak motivasiyasını dahaçox fəallaşdırmağa və bütün dərs ərzində lazımi
səviyyədə saxlamağa qabildir.
Biologiya müəllimi motivasiyanın xüsusiyyətlərini, onun ikili xarakterini,
mərhələlərini, tədqiqat sualını müəyyənləşdirilməsi qaydalarını, motivasiyanın
yaradılmasına təsir edən amilləri yaxşı bilməli, onlara istinad edərək şagirdlərin
idrak fəaliyyətinə müsbət təsir edən motivasiya yaratmalıdır. Motivasiyanı
yaradarkən İKT-nin imkanlarından istifadə etməyi bacarmalıdır. Eyni
xarakterli, oxşar suallar əsasında, bir-birinə bənzəyən motivasiya yaradıldıqda
şagirdlərdə o qədər də maraq oyatmır, əksinə bəzən onları belə motivasiyalar
bezdirir və ya onlar üçün tanış olduğundan suallar asanlıqla cavablandırılır və
tədqiqat xarakterindən uzaqlaşır. Ona görə də müəllim hər dərs üçün yeni,
maraqlı, tədqiqat xarakterli, həyatla əlaqəli, təkrarlanmayan motivasiyanın
yaradılmasına səy göstərməlidir.
İstifadə olunan ədəbiyyat:
1.
Veysova Z. Fəal təlim metodlarına giriş kursu. Bakı “Meqa-print”
MMC. 2004.
2.
Veysova Z. Fəal/interaktiv təlim (müəllimlər üçün vəsait), Bakı, 2007.
3.
Abdullayeva Ş. və b. İnsan hüquqlarının tədrisi (müəllimlər üçün
metodik vəsait). Bakı, 2003.
4.
Hacıyeva H. və b. Ümumtəhsil məktəblərində biologiyanın fəal təlim
metodları ilə tədrisi metodikası. (metodik vəsait), Bakı, 2014.
Dostları ilə paylaş: |