METODİKA VƏ TƏCRÜBƏ
Təhsildə İKT
101
motivasiya çox müxtəlif üsul və formalarda hazırlana bilər. Motivasiya dərsin
sonrakı mərhələlərinə böyük təsir göstərir. Müəllim motivasiya mərhələsində
şagirdlərin diqqətini əsas problemə yönəldə bilirsə, onda dərs axıradək maraqlı
olur. Motivasiya üçün müəllim videogörüntülərdən, slaydlardan, təbii canlıdan,
onun şəklindən, kolleksiya, müqəvva, herbari və digər formalarından, rəmzi,
simvolik əyanilikdən, şifahi xalq ədəbiyyatı nümunələrindən, şer parçasından
və s. istifadə edə bilər.
Müəllim planda motivasiyadan sonra şagirdlərin aparacağı tədqiqatın
əsas sualını müəyyən edir. Tədqiqat sualını cavablandıracaq materialı işləyir.
Adətən kartoçkalar, problem situasiyalı tapşırıqlar, düşündürücü suallar, təcrübə
və laboratoriya işləri müəyyənləşdirilir, iş vərəqində qeyd edilir. İş vərəqlərini
hazırlayarkən müəllim onun səliqəli tərtibatına, tədqiqat xarakterli sual və
tapşırıqların yazılmasına, tədqiqatın aparılmasını şərtləndirən mənbələrin,
resursların qeyd edilməsinə diqqət edir. Müəllim tədqiqatdan şagirdlərin əldə
edəcəyi nəticələri təxmin edir, onları həmin istiqamətə yönəldəcəyi sualları,
açar sözlərini aydınlaşdırır. Təqdimatın aparılması şəraitini düşünür, onun üçün
şərait yaradır. Təqdimatlardan sonra müzakirə suallarını hazırlayır. Suallarda
mövzunun fənndaxili, fənlərarası inteqrasiyası, həyatla, xüsusilə şagirdlərin
ətrafında baş verənlərlə əlaqənin yaradılması nəzərə alınır. Mövzunun,
tədqiqatın ümumiləşdirilməsində şagirdlərin fikirlərinə üstünlük verilir.
Mövzunun tam mənimsənildiyini müəllim yaradıcı tətbiqetmə mərhələsində
yoxlayır. Elə bir problem, tapşırıq, çalışma, hesablama, sxem, qrafik, esse,
layihənin planını, əyləncəli və ya rollu oyun hazırlamağı tapşırır ki, bununla
şagirdlərin mövzunu mənimsədikləri üzə çıxır və onların fəaliyyətinin
qiymətləndirilməsi asanlaşır.
Qiymətləndirmədə müəllim standart, məqsəd və tədqiqat sualı əsasında
meyar müəyyən edir, onu dörd səviyyə üzrə verir. Səviyyələri rum rəqəmi ilə
qeyd edir. Şagirdlərin bilik və bacarıqlarını meyarın səviyyələri əsasında
qiymətləndirir.
Dərslərin kurikulum əsasında təşkili müəllim və şagirdlər üçün tədrisi
asanlaşdırır. Müəllim standartlar əsasında konkret olaraq nədən başlayacağını
və hansı mərhələlərdən keçəcəyini planlaşdırır və plan əsasında ardıcıllıqla
dərsi aparır, müsbət nəticələr əldə edir. Hər bir şagirdin fəaliyyətini izləyir,
onları qiymətləndirir, çatışmazlıqları nəzərə alır, aradan qaldırır.
Şagirdlərin dərsin birinci mərhələsində mövzuya maraqları yaranır,
dərsdədiqqəti yalnız yeni problemin, tədqiqatın aparılmasına, real nəticələrin
alınmasına yönəlir. Şagirdlər mövzunu dərindən mənimsəməyə səy göstərirlər.
METODİKA VƏ TƏCRÜBƏ
Təhsildə İKT
102
Bütün bunlar dərsin səviyyəsini yüksəldir, şagirdlərobyekt və hadisələrin həyat
üçün, cəmiyyət üçün əhəmiyyətini dərk edərək öyrənirlər. Bu da təlimin
keyfiyyətinə müsbət təsir göstərir, şagirdləri tədris olunan materialların həyatda
tətbiqinə hazırlayır.
İstifadə olunan ədəbiyyat:
1.
Azərbaycan Respublikasında ümumi təhsilin milli kurikulumu, Bakı,
2006.
2.
Azərbaycan Respublikasının ümumtəhsil məktəbləri üçün biologiya fənn
kurikulumu. Bakı, 2007.
3.
Hacıyeva H. və b. Ümumtəhsil məktəblərində biologiyanın fəal təlim
metodları ilə tədrisi metodikası, Bakı, 2014.
4.
İnternet resursları.
METODİKA VƏ TƏCRÜBƏ
Təhsildə İKT
103
Biologiyanın tədrisində İKT-dən istifadə etməklə bioloji
proseslərə dair təcrübələrin öyrədilməsi
Azərbaycan Dövlət Pedaqoji Universiteti
Məhərrəmova Qumru Vasif qızı
ADPU-nun Kimya və Biologiya fakültəsinin biologiyanın tədrisi metodikası
kafedrasının magistrantı II kurs, əyani
Xülasə
Məqalədə biologiyanın tədrisində elektron təlim vasitələrinin rolu
aydınlaşdırılmışdır.
Аннотация
В данной работе исследованы особенности методики применения
электронных средств обучения, в преподавании биологии.
Аbstract
T
he article is devoted to the teaching method means of the
electronic trainig
technology on the biology teaching.
Açar sözlər: biologiyanın tədrisi , elektron təlim vasitələri
Ключевые слова: электронныe средств обучения, преподавании
биологии.
Key words: elektron technology training means, biology training
Böyüməkdə olan gənc nəslin təlim-tərbiyəsinin elə bir sistemi
yaradılmalıdır ki, bunun nəticəsində gələcəyin mütəxəssisləri elmlərin
əsaslarına dərindən yiyələnməklə sağlam düşüncəyə, geniş dünyagörüşə
malik olsunlar. Regionun, vətənin xalq təsərrüfatı istehsalının mühüm
sahələrindən, təbiət hadisələrindən, ekologiyadan baş çıxara bilsinlər.
Gələcəyin peşə sahibləri kimi müvafiq peşələrə, həyata hazırlıq bacarığı
əldə etsinlər.
Bu gün təhsil işçilərinin qarşısında duran əsas vəzifələrdən biri
gənc nəslə elmlərin əsaslarını şüurlu surətdə dərindən öyrətmək,
Dostları ilə paylaş: |