STRATEJİ TƏHLİL | Say 7-8 • 2014
296
edildiyi kimi, “əmək, ailə-nikah, mülki-hüquq münasibətləri”dir. Pozitiv hüquq
sistemində qanun və ədalətin mükəmməl balansının və düzgün həllinin ta-
pılması çətin olur. Məhkəmə sisteminin prosedurlarının gedişatı, mübahisədə
olan tərəflərin mövqeyi və məhkəmə çəkişmələrinin “mənəvi yükü” də ağır olur.
Əksər hallarda insanlar məhkəməyə müraciət etməyə çəkinirlər. Proseslərin so-
nunda tərəflər bir çox hallarda barışıq əldə edə bilməyərək düşmən kimi
ayrılırlar. Yəni bu halda barışıq heç bir əhəmiyyət kəsb etmir. Cinayət Məcəlləsi
elə tərtib edilmişdir ki, burada cinayət faktının qeydə alınmasından başlayaraq,
artıq əsas olan “zərərçəkən” və “təqsirkar” adlanan tərəflərin bir-birinə iddiası
və məhz cinayəti faktı olur.
Məhz bu qeyd edilən və digər məsələlərin həlli çərçivəsində mediasiya-
nın ardıcıl və daimi olaraq tətbiqinin zəruriliyi gündəmə gəlmişdir. Beynəlxalq
təcrübəyə əsasən, mediasiya institutunun səmərəli tətbiqi mübahisələrin həllinin
alternativ yolu kimi bu vəziyyətin aradan qaldırılmasına ciddi kömək edə bilər.
Qeyd edildiyi kimi, Azərbaycan cəmiyyəti demokratik, hüquqi dövlətin in-
kişafı mərhələsini yaşayır. Bu mərhələdə cəmiyyətin bütün sahələrində daimi
islahatlar prosesi davam edir. Bazar münasibətlərinə keçid iqtisadi və onun-
la sıx bağlı olan digər sahələrdə (ticarət, siyasi-hüquqi, məhkəmə və s.) yeni
qanunların tətbiq edilməsini, beynəlxalq bəyannamələrə qoşulmağı və ölkə
qanunvericiliyində əsaslı dəyişikliklər edilməsini tələb edir.
Müasir dövrdə Azərbaycanda məhkəmə sisteminin yenidən qurulması
istiqamətində də geniş islahatlar aparılır. Böhran və münaqişəli vəziyyətlərin
məhkəmədənkənar və məhkəməyə qədər tənzimlənməsi ilə bağlı alternativ
həll yollarının seçilməsi məsələsinin xüsusi aktuallıq kəsb etdiyi bir dövrdə
ölkəmizdə mübahisələrin alternativ həlli üsullarının, xüsusilə də mediasiya-
nın tətbiqi bir sıra postsovet məkanı ölkələri ilə müqayisədə ilkin formalaş-
ma mərhələsindədir və hüquqi əsasları tam formalaşmayıb. Azərbaycan Res-
publikasında mediasiya institutunun inkişaf etdirilməsinin hüquqi əsasları
kimi Azərbaycan Respublikasının Konstitusiyası, Azərbaycan Respublikasının
Əmək Məcəlləsi, “Beynəlxalq Arbitraj haqqında” Azərbaycan Respublikasının
Qanunu, “Beynəlxalq xüsusi hüquq haqqında” Azərbaycan Respublikasının
Qanunu, Mülki Prosessual Məcəllə, “Məhkəmə qərarlarının icrası haqqında”
Azərbaycan Respublikasının Qanunu, Azərbaycan Respublikasının tərəfdar çıx-
dığı beynəlxalq aktlar və s. normativ aktları göstərmək olar.
Qeyd etdiyimiz kimi, müasir şəraitdə məhkəmə sistemində mübahisə və
münaqişələrin alternativ metodlarla tənzimlənməsi xüsusi aktuallıq kəsb edir.
Belə ki, mübahisələrin alternativ həlli yollarının tətbiq edilməsi insanlar üçün hü-
quq və azadlıqlarının tam təmin edilməsi, onların heç bir təzyiq və məcburiyyət
olmadan razılığa gəlməsi və son nəticədə ədalət məhkəməsindən fərqli olaraq
əməkdaşlıq münasibətlərinin saxlanması imkanlarını açır. Vasitəçiliyin üstün
tərəflərindən biri də odur ki, mübahisə tərəfləri proseduru müstəqil şəkildə
tənzimləmək imkanı əldə edirlər.
Say 7-8 • 2014 | STRATEJİ TƏHLİL
297
Beləliklə, münaqişələrin mediasiya prosedurunda tənzimlənməsi
nəticəsində tərəflər arasında əməkdaşlıq münasibətlərinin saxlanması, həmçinin
mübahisəyə, münaqişəyə, yaxud böhrana gətirə biləcək vəziyyətlərin qarşısı-
nın alınması əsas məqsədə çevrilir. Təkrarlana biləcək mübahisə, münaqişə,
yaxud böhran şəraitində qarşılıqlı əlaqəli iki davranış prinsipi – münaqişənin
həlli zamanı tərəflərə müəyyən bir mövqenin məcburi şəkildə qəbul etdirilməsi
və münaqişənin sülh yolu ilə həll edilməsi məqsədilə güc tətbiq edilməsinin
yolverilməzliyi – əsas götürülür.
Münaqişənin alternativ vasitələrlə tənzimlənməsi yeni, hər bir münaqişə
tərəfi üçün qəbul edilə bilən kompromis yolunun tapılmasını nəzərdə tutur.
Münaqişələrin alternativ vasitələrlə həlli zamanı əsas qəbul edilən qaydalardan
biri də odur ki, vasitəçilər münaqişənin mürəkkəbləşməsinə və genişlənməsinə
səbəb olmamalı və münaqişənin tənzimlənməsi itkisiz və bütün tərəflərə
(mübahisə tərəfləri və mediatora) zərər gətirmədən sona çatmalıdır. Əgər belə
bir şərait yaranarsa, tərəflər bu haqda bir-birini xəbərdar etməli, fikir mübadiləsi
aparmalı və mediasiya vasitəsilə razılıq əldə etmədikdə yeni bir tənzimləmə
yolu seçməlidirlər.
Alternativ həll vasitələrilə keçirilən prosedurların iqtisadi cəhətdən daha
qənaətcil olması, daha qısa zaman müddətində səmərəli nəticələr əldə edilməsi
məqsədini daşıması, həmçinin bir sıra digər üstünlükləri müasir dünyada bu
vasitələrin tətbiqini aktuallaşdırmışdır.
Qeyd etmək lazımdır ki, indiyə qədər mediasiya proseduru hətta
beynəlxalq-hüquqi əsaslarda da kompleks təhlil edilməmişdir. Mediato-
run da iştirak etdiyi mübahisələrin alternativ həlli yollarının mahiyyəti və
tətbiqinə dair elmi-hüquqi cəhətdən kompleks əsaslandırılmasına həsr
edilən tədqiqatların sayı hələlik çox deyil. Müxtəlif dövlətlərdə mediasiya-
nın hüquq sisteminə inteqrasiyasına dair əhəmiyyətli təcrübənin olmasına
baxmayaraq, milli qanunvericiliklərdə bu təcrübə az öyrənilən sahə olaraq
qalmışdır. Mediasiyanın müxtəlif sahələrdə, o cümlədən müqayisəli-hüquqi
aspektdən öyrənilməsinə hələlik cəhd edilməmişdir. Ənənəvi olaraq medi-
asiyaya dair tədqiqatlar mübahisələrin alternativ həlli üsulları çərçivəsində
nəzərdən keçirilir. Ayrı-ayrı barışıq prosedurlarının tədqiqinə müəyyən yer
verilmişdir.
Azərbaycana gəldikdə isə milli hüquqşünaslıq elmində müstəqilliyin əldə
edilməsi ilə mediasiyanın mülki yurisdiksiyada bir neçə istiqaməti təcrübi ola-
raq inkişaf etməyə başlamışdır. Eyni zamanda qeyd edilməlidir ki, mediasi-
ya xüsusilə elmi-hüquqi, nəzəri aspektdə Azərbaycanda hələlik sistemli və
kompleks təhlil edilməmiş sahələrdən biridir. Milli hüquqşünaslıq elmində,
mülki və arbitraj hüququna dair tədqiqatlarda mübahisələrin alternativ həlli
üsullarına dair ədəbiyyat o qədər çox deyil. Müəlliflər əsasən ayrı-ayrı üsulla-
rı və onların xaricdə tətbiqi təcrübəsini tədqiq etmişlər. Bu, mediasiyaya dair
mövcud ədəbiyyatın izlənilməsində də aşkar görünür.
Dostları ilə paylaş: |