Azərbaycan Respublikasının Fövqəladə Hallar Nazirliyinin fəaliyyətinin təmin edilməsi ilə bağlı bəzi məsələlər haqqında
Yüklə 0,5 Mb. Pdf görüntüsü
|
| xiii[13]
18. Mülki müdafiə qoşunlarında qulluq etmiş hərbi qulluqçuların və onların ailə üzvlərinin pensiya təminatı qanunvericiliklə müəyyən edilmiş qaydada həyata keçirilir. 19. Mülki müdafiə qoşunları komandanlığının mülki işçilərinin əmək ödənişi Azərbaycan Respublikası qanunvericiliyinə uyğun olaraq həyata keçirilir. 20. Mülki müdafiə qoşunlarının fəaliyyətinə Mülki müdafiə qoşunlarının komandanı (bundan sonra - Komandan) rəhbərlik edir. 21. Komandan Azərbaycan Respublikası fövqəladə hallar nazirinin təqdimatı ilə Azərbaycan Respublikasının Prezidenti tərəfindən vəzifəyə təyin və vəzifədən azad edilir. 22. Mülki müdafiə qoşunlarına həvalə olunmuş vəzifələrin yerinə yetirilməsi və hüquqların həyata keçirilməsinə görə Komandan şəxsən məsuliyyət daşıyır. 23. Komandanın Azərbaycan Respublikasının fövqəladə hallar naziri tərəfindən vəzifəyə təyin və vəzifədən azad edilən bir birinci müavini və bir müavini vardır. 24. Komandan: 24.1. Mülki müdafiə qoşunlarının fəaliyyətini təşkil edir və ona rəhbərlik edir; 24.2. öz müavinləri arasında vəzifə bölgüsü aparır, onların məsuliyyət dairəsini və səlahiyyətlərini müəyyən edir; 24.3. Mülki müdafiə qoşunlarının maliyyə-təsərrüfat fəaliyyətinə rəhbərlik edir; 24.4. Mülki müdafiə qoşunlarının fəaliyyət sahəsinə aid olan məsələlərlə bağlı normativ hüquqi aktların layihələrinin hazırlanmasını təşkil edir və baxılması üçün Nazirliyə təqdim edir; 24.5. Mülki müdafiə qoşunlarının tabeliyində struktur bölmələrinin yaradılması, yenidən təşkili və ləğv edilməsi barədə Nazirliyə təkliflər verir; 24.6. Mülki müdafiə qoşunlarının fəaliyyəti ilə bağlı öz səlahiyyətləri daxilində əmrlər və göstərişlər verir, onların icrasına nəzarəti təşkil edir; 24.7. Mülki müdafiə qoşunlarının qurulması və inkişafı konsepsiyasının və planının hazırlanması ilə əlaqədar Nazirliyə təkliflər verir; 24.8. qanunvericiliklə müəyyən edilmiş qaydada Mülki müdafiə qoşunları üzrə sıravi, kiçik və böyük rəis heyəti vəzifələrinin siyahısı, bu vəzifələrə uyğun hərbi rütbə hədlərinin müəyyən edilməsi barədə Nazirliyə təkliflər verir; 24.9. qanunvericiliyə əsasən Mülki müdafiə qoşunlarının hərbi qulluqçularına ilk zabit rütbəsi və polkovnik rütbəsi daxil olmaqla, hərbi rütbələrin, o cümlədən vaxtından əvvəl və növbədənkənar hərbi rütbələrin verilməsi barədə Azərbaycan Respublikasının fövqəladə hallar naziri qarşısında vəsatət qaldırır; 24.10. qanunvericiliyə müvafiq qaydada Mülki müdafiə qoşunlarının şəxsi heyətinin attestasiyasının keçirilməsini təşkil edir; 24.11. Mülki müdafiə qoşunlarının hərbi qulluqçularının və mülki işçilərinin Azərbaycan Respublikasının dövlət mükafatlarına təqdim olunması ilə bağlı Nazirliyə təkliflər verir; 24.12. Mülki müdafiə qoşunlarının geyim forması, fərqlənmə nişanları, bayrağı və digər rəmzləri barədə Nazirliyə təkliflər verir; 24.13. Mülki müdafiə qoşunlarının səlahiyyətlərinə aid edilən məsələlər üzrə növbəti il üçün dövlət büdcəsinin layihəsində Nazirliyin saxlanılması xərclərinin formalaşdırılması ilə bağlı təkliflər verir, fəaliyyəti ilə əlaqədar olaraq qanunvericiliklə müəyyən edilmiş digər mənbələr hesabına Nazirliyin büdcədənkənar vəsaitlərin yaradılmasında iştirak edir və Nazirliyin təsdiq etdiyi gəlirlər və xərclər smetasına uyğun olaraq həmin vəsaitlərdən təyinatı üzrə istifadə olunmasını təmin edir; 24.14. Mülki müdafiə qoşunlarının hərbi qulluqçuları və mülki işçiləri barədə qanunvericiliklə nəzərdə tutulmuş qaydada həvəsləndirmə və intizam tənbehi tədbirlərinin tətbiq edilməsi barədə Nazirliyə təqdimat verir; 24.15. Mülki müdafiə qoşunlarının hərbi qulluqçuları haqqında Azərbaycan Respublikası Silahlı Qüvvələrinin nizamnamələrinin müəyyən etdiyi digər hüquqları həyata keçirir; 24.16. Mülki müdafiə qoşunlarının hərbi şəhərciklərinin, axtarış-xilasetmə, qəza-xilasetmə hissələri şəhərciklərinin tikintisi və inkişafı üzrə baş planların, mülki müdafiə qoşunlarının tikinti obyektlərinin layihələrinin hazırlanmasında iştirak edir; 24.17. qanunvericiliklə müəyyən edilmiş digər hüquqlardan istifadə edir. 25. Mülki müdafiə qoşunlarının səlahiyyətlərinə aid olan mühüm problemlərin həlli üçün ictimai əsaslarla fəaliyyət göstərən hərbi-metodiki Şura yaradıla bilər. Şuranın Əsasnaməsi və onun tərkibi Azərbaycan Respublikasının fövqəladə hallar naziri tərəfindən təsdiq edilir. Azərbaycan Respublikası Prezidentinin 2006-cı il 29 dekabr tarixli 511 nömrəli Fərmanı ilə TƏSDİQ EDİLMİŞDİR Yüklə 0,5 Mb. Dostları ilə paylaş:
|