|
Azərbaycan Respublikasının Fövqəladə Hallar Nazirliyinin fəaliyyətinin təmin edilməsi ilə bağlı bəzi məsələlər haqqındaAzərbaycan Respublikası Fövqəladə Hallar Nazirliyinin Hərbiləşdirilmiş Xüsusi Mühafizə Xidməti55726204-e856-472b-8091-c684a47dbd02Azərbaycan Respublikası Fövqəladə Hallar Nazirliyinin Hərbiləşdirilmiş Xüsusi Mühafizə Xidməti
haqqında
Ə S A S N A M Ə
I. ÜMUMİ MÜDDƏALAR
1. Azərbaycan Respublikası Fövqəladə Hallar Nazirliyinin Hərbiləşdirilmiş Xüsusi Mühafizə Xidməti
(bundan sonra - Xidmət) fövqəladə hallar baş verdikdə çevik reaksiya verilməsini, təbii, texnogen,
yanğın və terror təhlükələrinə məruz qalan strateji əhəmiyyətli müəssisələrin, qurğuların və digər
obyektlərin mühafizəsini təşkil edən və öz səlahiyyətləri daxilində strateji obyektlərin və qurğuların
mühafizəsini həyata keçirən qurumdur.
2. Xidmət öz fəaliyyətində Azərbaycan Respublikasının Konstitusiyasını, Azərbaycan Respublikasının
tərəfdar çıxdığı beynəlxalq müqavilələri, Azərbaycan Respublikasının qanunlarını, Azərbaycan
Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin
qərar və sərəncamlarını, Azərbaycan Respublikası Silahlı Qüvvələrinin nizamnamələrini, Azərbaycan
Respublikası Fövqəladə Hallar Nazirliyi haqqında Əsasnaməni, bu Əsasnaməni və Azərbaycan
Respublikası Fövqəladə Hallar Nazirliyinin (bundan sonra - Nazirlik) əmr və göstərişlərini rəhbər
tutur.
3. Xidmət öz fəaliyyətini yerinə yetirərkən və hüquqlarını həyata keçirərkən, icra hakimiyyəti və yerli
özünüidarəetmə orqanları, qeyri-hökumət təşkilatları ilə qarşılıqlı əlaqədə fəaliyyət göstərir.
4. Xidmət müstəqil balansa, qanunvericiliyə uyğun sərəncamında olan dövlət əmlakına, xəzinə və
bank hesablarına, üzərində Azərbaycan Respublikasının Dövlət gerbinin təsviri, Nazirliyin və
Xidmətin adı həkk olunmuş möhürə, müvafiq ştamplara və blanklara, bayraq və rəmzlərə malikdir.
5. Xidmətin saxlanma xərcləri və fəaliyyəti Azərbaycan Respublikasının dövlət büdcəsi və Azərbaycan
Respublikasının qanunvericiliyinə (bundan sonra- qanunvericilik) zidd olmayan digər mənbələr
hesabına maliyyələşdirilir.
6. Xidmətin struktur bölmələri Bakı şəhərində və ölkənin regionlarında yerləşir.
|
|
|