dövlət həmin tələbin ödənilməsi ilə bağlı müvafıq tədbirlərin həyata keçirilməsi
məcburiyyətində olacaqdır.
Əlilliyin ekspert (peĢəkar) modeli (Expert or professional model of disability) -
əlilliyin tibbi modelindən törəmə model. Bu model çərçivəsində peşəkar
mütəxəssislər tibbi modeldən istifadə edərək əlilliyi olan şəxsin əlilliyini və
məhdudiyyətlərini müəyyənləşdirirlər, daha sonra həmin şəxsin mövcud
vəziyyətini müsbətə doğru dəyişmək məqsədilə zəruri fəaliyyətləri həyata
keçirirlər. Bu modelə əsasən peşəkar və əlilliyi olan şəxs arasında "hökmranlıq-
tabeçilik" münasibəti yaradılır, peşəkar əlilliyi olan şəxsin adından və
mənafeyindən çıxış edir və onun əvəzinə müdaxilələri təyin edir.
Əlilliyin faciə (xeyirxahlıq) modeli (Tragedy and/or charity model of disability) -
əlilliyi olan şəxslərin mərhəmətə ehtiyacı olan hadisələrin şəraitin) qurbanı kimi
qəbul edilməsi ilə bağlı konsepsiya. Əlilliyin tibbi modeli ilə yanaşı, bu model
əlilliyi təsvir etmək məqsədilə əlilliyi olmayan şəxslər tərəfindən ən çox istifadə
edilir.
Əlilliyin günah (qəbahət) modeli (Moral model of disability) - insanların düçar
olduğu əlillik vəziyyətlərinə görə mənəvi məsuliyyətin daşınması ilə bağlı
konsepsiya. Misal üçün, irsi yolla keçən və ya anadangəlmə xəstəliklərə görə
həmin şəxslərin valideynləri və ya əcdadları günahkar sayılır, həyat boyu
qazanılmış əlilliyə görə insanların bəd əməlləri ittiham edilir, Bu model bəzi dini
fundamentalistlər tərəfindən paylaşılır və qədim təriqətlərdə zəif və məhdudiyyətli
körpələrin öldürülməsini normal hal kinıi qəbul edirdi.
Əlilliyin iqtisadi modeli (Economic model of disability) - əlilliyi olan şəxsin əmək
prosesində iştirak etmək qabiliyyətinə malik olmaması ilə bağlı konsepsiya. Bu
model şəxsin məhdudiyyətinin onun məhsuldarlığına təsirinin qiymətləndirilməsini
və əmək qabiliyyətinin itirilməsinin əlilliyi olan şəxs, işəgötürən və dövlət üçün
fəsadlarını təsvir edir. Fəsadlar sırasında gəlirlərin azalması və müvafiq
xidmətlərdən yararlanmaq üçün əlavə ödənişləri (əlilliyi olan şəxs üçün), aşağı
səviyyəli rentabellik göstəricilərini (işəgötürən üçün) və sosial müdafiə
ödənişlərinin azalmasını (dövlət üçün) qeyd etmək olar.
Əlilliyin qanuni modeli (Legitimacy model of disability) - əlilliyin dəyərlərə
əsaslanan anlayış kimi qəbul edilməsi və atipikliklə bağlı izahatların və təriflərin
fərdin müəyyən əlillik kateqoriyasına aid olunmasına zəminin yaradılması.
Əlilliyin modeli (Disability model) - insanların rastlaşdığı məhdudiyyətlərin tərif
olunması və əlilliyi olan şəxslərin ehtiyaclarının qarşılanması ilə əlaqədar qurulan
dövlət və cəmiyyət strategiyaları və yanaşmaları. Hər bir əlillik modeli əlillik
məsələlərinə cəmiyyət tərəfındən münasibətini izhar edir və bu sahədə
müdaxilələrin çərçivələrini müəyyənləşdirir.
Əlilliyin nozoloji strukturu (Nosology stvucture of disability) - əlillik qrupları
üzrə əlilliyin yaranmasına səbəb olan təsnifat olunmuş xəstəliklər və
patologiyaların məcmusu.
Əlilliyin reabilitasiyası (Disability rehabilitation) - əlilliyin aradan qaldırılmasına
yaxud kompensasiyasına yönəldilmiş tibbi, psixoloji, pedaqoji, idman, sosial-
iqtisadi və digər tədbirlər sistemi vasitəsilə əlilliyi olan şəxslərin müstəqilliyinin,
fıziki, əqli, məişət, sosial və peşə kabiliyyətinin tamamilə və ya qismən bərpası.
Əlilliyin səlahiyyətlərin verilməsi modeli(Empowering model of disability) - bu
model çərçivəsində əlilliyi olan şəxs və onun yaxinları tibbi müayinə (müalicə) və
istifadə edəcəyi sosial xidmətlərlə bağlı qərarları özləri verir. Bu modeldə peşəkar
mütəxəssislər xidmət göstərən rolunda çıxış edirlə və əlilliyi olan şəxsləri yalnız
istiqamətləndirərək onların verdiyi qərarları icra edirlər. Başqa sözlə, bu modeldə
əlilliyi olan şəxs öz hədəf va ınəqsədlərini özü müəyyənləşdirir.
Əlilliyin sosial adaptasiya modeli (Social adapted model of disability) - bu model
əlilliyi olan şəxslərin məhdudiyyətlərinin əlilliyin özündən yaranıdığını qəbul etsə
də, əksər məhdudiyyətlərin şəxsin sağlamlıq statusundan daha çox ətraf sosial
mühit tərəfindən yarandığını etiraf edir.
Əliliiyin sosial modeli (Social model of disability) - əlilliyin cəmiyyətin yaratdığı
problem kimi müəyyən edilməsi və bu problemin həllinin şəxsin cəmiyyətə tam
inteqrasiyası və inklyuziyasında görülməsi ilə bağlı konsepsiya. Model
çərçivəsində əlillik şəxsin ayrılmaz xüsusiyyəti kimi qəbul olunmur, onun müxtəlif
vəziyyətlərin mürəkkəb məcmusu sayılır. Hesab edilir ki, bu vəziyyətlərin çoxu
sosial mühit tərəfındən yaradılıb.
Əlilliyin spektral modeli (Spectrum model of disability) - insanın müxtəlif görmə,
eşitmə və hissiyyat məhdudiyyətliliyinin nəzərdən keçirilməsi ilə bağlı konsepsiya.
Modelə əsasən, əlillik funskiyaların və əməliyyatların aşağı səviyyədə həyata
keçirilməsini nəzərdə tutmur.
Əlilliyin tibbi modeli (Medical model of disability) - insanın xəstəlik, zədə və
ümumi sağlamlıq vəziyyətinin mənfiyə doğru dəyişməsi səbəbindən yaranan
əlilliyin nəticəsində fərdin rastlaşdığı və peşəkar tibbi mütəxəssislərin
müdaxiləsinin tələb olunması ilə bağlı konsepsiya. Tibbi modeldə əlilliyi
"sağaltmağa" və ya əlilliyi olan şəxslərin davranışlarında və həyat tərzində sağlam
insanların həyat tərzinin tətbiq olunması naminə dəyişiklik yaratmağa çalışırlar.
Tibbi model çərçivəsində əlillik probleminin həlli mövcud səhiyyə siyasətinin
islahatlarında görülür.
Əmək qabiliyyətinin müvəqqəti itirilməsi
(Temporary incapacitation, Reversible incapacitıition, temporary loss of capacity
to labour) nibətən qısa vaxt müddətində sağlamlıq vəziyyətindəki problemlər
səbəbindən əmək funksiyalarının yerinə yetirilməsi iqtidarında olunmaması. Daimi
və ya uzunmüddətli əmək qabliliyyətinin itirilməsi halında olan şəxsə əlillik
stalusu verilir.
Əmək qabiliyyətli yaĢda olan əmək qabliliyyətli əhali (Able-bodied population
at active working age) - Azərbaycan Respublikasının qanunvericiliyi ilə nəzərdə
tutulmuş aşağı və yuxarı yaş həddi arasında olan və hər hansı əmək fəaliyyətini
həyata keçirmək iqtidarında olanlar.
Əmək reabilitasiyası potensialı (Labour rehabilitation potential) - əlilliyi olan
şəxsin aşkarlanmamış əmək qabiliyyətlərinin, o cümlədən bacarıq və vərdişlərinin
məcmusu.
Əsa (Hanıdstiek) - əlliyi olan şəxslərin və sağlamlıq imkanları məhdud uşaqların
hərəkətlərini asanlaşdiran yardımçı vasitə.