4
Giriş
Maliyyə bazarları inkişaf etdikcə və dərinləşdikcə bazarların ədalətli, açıq və səmərəli
işləməsi üçün əsas məsələlərdən biri maliyyə xidmətləri sahəsində istehlakçı hüquqlarının
müdafiəsindən ibarətdir. Onların
bank əmanətçiləri və ya borcalanları, sığorta polisləri,
qiymətli kağızlar, investisiya və ya pensiya fondlarına vəsait qoymuş investorlar olmasından asılı
olmayaraq, maliyyə istehlakçıları bağladıqları müqavilələrin şərtlərini dəqiq anlamaq və müqavilə
şərtlərinin pozulması halında tədbir görmək imkanına malik olmalıdırlar.
Hazırkı İşçi Sənədi maliyyə xidmətləri sahəsində istehlakçıların hüquqlarının müdafiəsinin
təhlili üzrə pilot proqramının tərkib hissəsi kimi hazırlanmış doqquz hesabatın üçüncü – və
Aİ-nin üzvü olmayan ölkələr arasında birinci hesabatdır.
1
Sənədin məqsədi üç hissədən
ibarətdir: (1) maliyyə xidmətləri sahəsində istehlakçı hüquqlarının müdafiəsinin
qiymətləndirilməsi üçün müsbət təcrübə üzrə normaların layihə variantının təqdim edilməsi, (2)
Azərbaycanda mövcud qaydaların və təcrübənin hazırlanan normalarla müqayisədə nəzərdən
keçirilməsi, və (3) Azərbaycanda maliyyə xidmətləri sahəsində istehlakçı hüquqlarının
müdafiəsinin təkmilləşdirilməsi ilə bağlı tövsiyələrin verilməsi. İşçi Sənədi Azərbaycan Mərkəzi
Bankının (AMB) müraciəti əsasında və Qiymətli Kağızlar üzrə Dövlət Komitəsi, Maliyyə
Nazirliyinin Dövlət Sığorta Nəzarəti Xidməti və digər dövlət təşkilatları, nazirliklər və qeyri-
hökumət təşkilatlarının dəyərli dəstəyi ilə hazırlanmışdır.
2
Maliyyə xidmətləri sahəsində istehlakçı hüquqlarının müdafiəsi üzrə beynəlxalq qaydaların
sayı azdır. Maliyyə xidmətləri sahəsində istehlakçı hüquqlarının müdafiəsi yeni və inkişaf edən
sahədir və bu münasibətdə hər konkret ölkənin təhlil edilməsi geniş parametrlər üzrə konsensus
yaradılmamışdı. Hazırkı Sənəd istehlakçı hüquqlarının müdafiəsi ilə bağlı Aİ-nin Direktivlərinə
və Avropanın maliyyə sahəsində tənzimləyici və nəzarət orqanlarının hesabatlarına əsaslanır.
Həmçinin, digər mənbələrdən də istifadə olunmuşdur. ABŞ-da Federal Ticarət Komissiyası,
Qiymətli Kağızlar və Birja Komissiyası və digər dövlət, federal və özünü tənzimləyən agentliklər
maliyyə istehlakçılarının müdafiəsi üzrə qanunlar, qaydalar və təlimatlar hazırlayıblar. Əlavə
olaraq, İƏİT-in 2003-cü ildə dərc olunmuş İstehlakçıların Ölkələrarası Fırıldaqçılıq və
Saxtakarlıq Xarakterini Daşıyan Kommersiya Təcrübəsindən Müdafiəsi üzrə Qaydalar və
Birləşmiş Millətlər Təşkilatının 1999-cu ildə dərc olunmuş İstehlakçı Hüquqlarının Müdafiəsi
Qaydaları maliyyə sektoru ilə bağlı olmayan ümumi istehlakçı qaydalarının müdafiəsi üzrə
1
Maliyyə sahəsində istehlakçı hüquqlarının müdafiəsi haqqında nəşr olunmuş hesabatların tam dəstini
www.worldbank.org/eca/consumerprotection
ünvanından yükləmək olar. Maliyyə xidmətləri sahəsində
istehlakçı hüquqlarının müdafiəsi haqqında birinci hesabat Çex Respublikası, ikinci isə Slovakiya üçün
hazırlanmışdır. Azərbaycan üçün hazırlanmış İşçi Sənəd mikromaliyyə sektorunun təfərrüatlı təhlilini
özündə əks etdirən yeganə hesabatdır. Digər ölkələr üçün hesabatlar istehlakçıların öz ticarətləri, biznesi
və professional fəaliyyətindən kənar şəxslər kimi müəyyənləşdirən Avropa İttifaqının şərhlərini özündə əks
etdirir. Azərbaycanda kreditə çıxışın təmin olunmasında mikromaliyyə sektorunun əhəmiyyəti kontekstində
İşçi Sənəddə mikromaliyyə institutlarında istehlakçıların müdafiəsi üçün üstün beynəlxalq təcrübələr
toplusu
göstərilmiş
və
Azərbaycan
reallığı
üstün
beynəlxalq
təcrübələr
baxımından
qiymətləndirilmişdir.(Bax II Hissə)
2
10-20 fevral 2008-ci il tarixlərində Azərabycana missiya gəlib və Azərbaycan Milli Bankı, Maliyyə
Nazirliyi, Qiymətli Kağızlar üzrə Dövlət Komitəsi, İqtisadi İnkişaf Nazirliyi və Azərbaycanın İpoteka
Fondunun rəsmiləri ilə görüşlər keçirilmişdir. Missiya, həmçinin, banklar assosiasiyaları, sığorta şirkətləri,
mikromaliyyə təşkilatları və kredit ittifaqları ilə görüşmüşdür. Əlavə olaraq, missiya Bakı Fond Birjası,
Azərbaycanın Bank Tədris Mərkəzi, Müstəqil İstehlakçılar Birliyi və Azərbaycanın maliyyə və hüquq
dairələrinin digər üzvləri ilə görüşmüşdür. İctimaiyyətə yayma seminarı keçirmək və İşçi Sənədi üçün
yenilənmiş məlumatın əldə edilməsi məqsədilə Bakıya növbəti missiya 19-25 iyun 2009-cu il tarixlərində
həyata keçirilmişdir.
5
faydalı istinad resursları olmuşdur. Bundan əlavə, 2008-ci ildə İƏİT sığorta və özəl pensiyalar
sahəsində 2005-ci ildə aparılmış maliyyə təhsili proqramlarının
3
qlobal icmalında təqdim
olunmuş tövsiyələri tamamlayan Maliyyə Təhsili üzrə Yaxşı Təcrübə Normalarının layihə
variantını dərc etmişdir.
Müsbət təcrübə normalarının layihə variantı Slovakiya üzrə İşçi Sənədi üçün toplanmış,
Azərbaycan üzrə İşçi Sənədi üçün yenidən baxılmışdır. Azərbaycanın maliyyə
istehlakçılarının hüquqlarının müdafiəsi üzrə hüquqi və tənzimləyici çərçivəsi – və ümumi
təcrübəsi – yaxşı təcrübə üzrə normaların layihə variantı ilə müqayisədə nəzərdən keçirilmişdir.
Maliyyə sektorunun dörd hissəsi – bank sektoru, qiymətli kağızlar, sığorta və mikromaliyyə və
müvafiq bank olmayan kredit təşkilatları nəzərdən keçirilmişdir. Mirkomaliyyə təşkilatları ilə
bağlı sonuncu sahəyə gəldikdə, Azərbaycan üzrə İşçi Sənədi çərçivəsində yaxşı təcrübə üzrə
normaların layihə variant hazırlanmışdır (Azərbaycan üzrə İşçi Sənədində özəl pensiya fondları
nəzərdən keçirilməmişdir, çünki özəl pensiya fondları sektoru Azərbaycanda hələ ki, inkişaf
etməyib). Doqquz məsələ nəzərdən keçirilmişdir: (1) istehlakçı hüquqların müdafiəsi sahəsində
qanunvericilik və həmin sahədə fəaliyyət göstərən təşkilatlar, (2) açıqlama və satış təcrübəsi, (3)
istehlakçı hesabının aparılması, (4) məxfilik və informasiyanın mühafizəsi, (5) mübahisələrin
yaranması halında şikayətvermə mexanizmləri, (6) zəmanətlər və kompensasiya sxemləri, (7)
istehlakçıların gücləndirilməsi (o cümlədən istehlakçı təhsili və maliyyə savadlılığı proqramları),
və (8) maliyyə xidmətləri sahəsində rəqabət məsələləri. Qiymətləndirmə hərtərəfli deyil və
maliyyə sektorunda ən çox yayılmış xidmətlərin hamısını, məhsulları və təcrübələri əhatə etmir.
Bundan əlavə, İşçi Sənədi başa çatdırılmış iş deyil və digər ölkələrdə gələcəkdə yerinə yetiriləcək
işdən və həmçinin, Sənədin nəticələri və tövsiyələri üzrə beynəlxalq müzakirələrdən asılı olaraq
ona yenidən baxılacaqdır.
Sənəddə verilmiş tövsiyələr hal-hazırda qüvvədə olan Aİ Direktivlərinin şərtlərinin
hüdudlarından çıxır. 2007-ci ilin mart ayında elan olunmuş Aİ-nin İstehlakçı Hüquqlarının
Müdafiəsi Strategiyası və aprel 2007 tarixli Pərakəndə Maliyyə Xidmətləri üzrə Yaşıl Sənəddə
təsvir edilənlərə uyğun olaraq, Avropanın maliyyə istehlakçıları hal-hazırda mövcud müdafiədən
daha güclü hüquqi və institusional müdafiədən faydalanacaqlar. Həm Avropada, həm digər
yerlərdə istehlakçı hüquqlarının müdafiəsi üzrə müasir düşüncə tərzi sürətlə inkişaf etməkdədir.
İşçi Sənədi həmçinin, maliyyə istehlakçılarının hüquqlarının müdafiəsi sahəsində beynəlxalq
müzakirələri və bu sahədə inkişaf edən yaxşı təcrübəni nəzərə alır. Bununla Sənəd Azərbaycanın
maliyyə sektoruna tətbiq oluna biləcək, lakin, bəzi hallarda Aİ-nin qanunvericiliyi ilə müəyyən
edilmiş minimal tələblərin hüdudlarından çıxan tövsiyələri təqdim edir.
Sənəd iki hissədə təqdim olunur. Hissə I-də maliyyə xidmətləri sahəsində istehlakçı
hüquqlarının müdafiəsinin əhəmiyyəti qeyd olunur, Azərbaycanda pərakəndə maliyyə xidmətləri
sektorunun həcmi və artımı haqqında statistik məlumatlar verilib, maliyyə istehlakçılarının
hüquqlarının müdafiəsi sahəsində beynəlxalq və Azərbaycanın strategiyaları təsvir olunur,
Azərbaycanda maliyyə istehlakçılarının hüquqlarının müdafiəsi ilə bağlı əsas qanunlar və
təşkilatlar müəyyən edilir və Sənədin əsas nəticələri və tövsiyələri təqdim olunur. Tövsiyələr
maliyyə istehlakçılarının hüquqları ciddi müdafiə olunan iqtisadiyyatların səmərəli təcrübəsinə
əsaslanır və bəzi hallarda, Avropa Komissiyası tərəfindən hazırlanmaqda olan cari təklifləri də
nəzərə alır. Qoşma I-də Azərbaycanın qanunları Aİ-nin istehlakçı hüquqlarının müdafiəsi ilə bağlı
direktivləri ilə müqayisə olunur və Azərbaycanın qanunlarına dəyişikliklər tövsiyə olunur.
Qoşma II-də tövsiyə olunan istehlakçı hüquqlarının müdafiəsi məcəllələri təqdim olunur. Hissə II
dörd subsektorun hər birində, yəni bank, sığorta, qiymətli kağızlar və mikromaliyyə
təşkilatlarında istehlakçı hüquqlarının müdafiəsi ilə bağlı əsas məsələlərin təhlilini təqdim edir.
3
İƏİT, Sığorta və özəl pensiyalar üzrə maliyyə təhsili və məlumatlılığının təkmilləşdirilməsi (2008)
http://www.oecd.org/document/8/0,3343,en_2649_34851_41210376_1_1_1_1,00.html
.