253
tikintisi üçün 27 milyon rubl məbləğində beş faizli istiqrazların buraxılması haqda
qərar qəbul edildikdən sonra layihə təsdiq edilmişdir. 1911-ci ildə kəmərin birinci
növbəsinin tikintisinə başlanmış, Bakı neft sənayeçiləri H.Z.Tağıyevdən ibrət alaraq
bu işə böyük məbləğdə pullar ayırmışlar. 1916-cı ilin sonlarında Bakıyadək 175 km.
uzunluğunda saxsı borulardan ibarət yeraltı su kəmərinin tikintisi başa çatmışdır.
Şollar su kəməri 1917-ci ilin yanvar ayında istifadəyə verilmiş, bu hadisə şəhərdə
təntənə ilə qeyd olunmuşdur.
30
Novruz Bayramı – Türk və İran xalqlarında bahar bayramı və yeni ilin
başlanması. Fars dilindən tərcümədə “yeni gün” deməkdir. Astronomik yazın
başlandığı, gecə-gündüz bərabərliyi günündə (martın 20-si, 21-i və ya 22-də)
keçirilir: Albaniya, Azərbaycan, Əfqanıstan, Hindistan, İran, Makedoniya, Türkiyə və
Özbəkistanda, habelə Qazaxıstanda, Tacikistanda və Qırğızıstanda dövlət səviy-
yəsində, Tatarıstanda, Başqırdıstanda və Rusiya Federasiyasının digər muxtar dövlət
qurumlarında yerli səviyyədə bayram edilir.
31
Bakı hadisələri – 1918-ci ilin mart ayında Bakı və onun ətraf kəndlərində
baş vermiş kütləvi talanlar nəzərdə tutulur. Bolşevik-erməni birləşmələri və qismən
Bakının erməni əhalisi tərəfindən 3 gün ərzində (30 mart axşamından 2 aprelədək)
törədilmiş azərbaycanlı qırğınları nəticəsində 12 mindən çox dinc əhali - əsasən
azərbaycanlılar – həlak olmuşdur. Müsəlman məhəllələrində on minlərlə ev,
müsəlmanlara məxsus sənaye, mülki, ticarət obyektləri, habelə azərbaycanlıların
sosial-mədəni və mənəvi-dini mərkəzlərini təcəssüm edən bir çox binalar yandırılmış
və talan edilmişdir. Şəhərin müsəlman əhalisinə vurulan maddi zərər bir neçə yüz
milyon rubl təşkil etmişdir.
32
1905-ci il – 1905-ci ilin fevral ayında Bakıda erməni və müsəlman
(azərbaycanlı) əhalisi arasında başlanan, sonradan bütün Cənubi Qafqaz ərazisini
əhatə edərək erməni-müsəlman qırğınlarına çevrilən silahlı toqquşmalar nəzərdə
tutulur. 1905-1907-ci illərdə Bakı, Yelizavetpol və İrəvan quberniyalarında 158
azərbaycanlı və 128 erməni kəndi dağıdılmış, müxtəlif hesablamalara görə Bakı,
Şuşa, Zəngəzur, İrəvan, Naxçıvan, Ordubad, Eçmiədzin, Cavanşir, Qazax qəzalarında
3 mindən 10
minədək insan, o cümlədən qadın,
uşaq və qoca, qətlə yetirilmişdir.
33
Manuylov Matvey Aleksandroviç – (? - ?), Quba şöbəsi barışdırıcı haki-
min köməkçisi, Şabran istintaq bölməsinin rəisi. 1918-ci ilin aprelində D.Gelovaninin
dəstəsi ilə danışıqlar aparmaq üçün Quba ictimaiyyəti tərəfindən göndərilmiş
nümayəndə heyətinin tərkibində olmuşdur. Gelovaninin dəstələri Quba şəhərindən
geri çəkilərkən şəhəri tərk etməmişdir. Azərbaycan Hökumətinin 24 iyun 1918-ci il
tarixli qərarına əsasən 1918-ci ilin 1 iyul tarixindən vəzifəsindən və xidmətdən azad
edilmişdir. Sonrakı taleyi məlum deyildir.
34
Bağırov Mir Cəfər Abbas oğlu – (1895-1956), nəzərdə tutulur.
Azərbaycanın tanınmış dövlət xadimi, Azərbaycanın və Azərbaycan SSR-in xüsusi
xidmət orqanlarının rəhbəri, Azərbaycan Kommunist Partiyası Mərkəzi Komitəsinin
1-ci katibi (1933-1953), Sov. İKP MK Rəyasət heyətinə üzvlüyə namizəd (1953). Quba
şəhərində kəndli ailəsində doğulmuşdur. Kənd məktəbində müəllim işləmişdir. Onun
tərcümeyi-halında 1917-1918-ci illər haqqında məlumatlar ziddiyyətlidir, öz dediyinə
görə, 1917-ci ildə ÜKP (b) sıralarına daxil olmuş və Quba İnqilab Komitəsi sədrinin
müavini olmuşdur. Hərçənd məlumdur ki, bu vaxt o, Quba şəhərinin ikinci (yəhudi)
Qeydlər
Quba. Aprel-may 1918-ci il. Müsəlman qırğınları sənədlərdə
254
hissəsinin milis rəisi, sonra isə Zaqafqaziya Seyminə tabe olan Qəza komissarının
köməkçisi olmuşdur. Amma, artıq 1918-ci ilin martında onun adı Fövqəladə Təhqiqat
Komissiyasının Quba hadisələrinə aid sənədlərində həm Gelovani, həm də Amaza-
spla əməkdaşlıq edən “bolşevik” kimi çəkilir. Bağırovun etirafına görə, o, həqiqətən
həmin hadisələrin qeyri-ixtiyari iştirakçısı olmuşdur. Ehtimal olunur ki, Amazaspın
dəstələrinin vəhşilikləri barəsində onun tərəfindən Caparidzeyə göndərilən tele-
qram Quba qəzasında müsəlman qırğınlarının dayandırılmasında müəyyən rol
oynamışdır. 1918-ci ildə Qubadan gedərək bolşeviklərin sıralarına qoşulmuş, 1919-
cu ildə S.M.Kirovun başçılığı ilə Həştərxan üsyanının yatırılmasında iştirak etmişdir.
Azərbaycana sovet hakimiyyəti qurulduqdan sonra qayıtmış, 1920-ci ildə Qarabağ
vilayətinin İnqilab komitəsinin sədr müavini, sonra Azərbaycan atıcılıq diviziyasının
hərbi komissarı, Azərbaycan atıcılıq diviziyasının Hərbi Tribunalının sədri və 11-ci
Ordunun Hərbi tribunalının sədr müavini olmuşdur. 1921-1930-cu illərdə Az.DİXK
Azərbaycan Fövqəladə Komitəsi - Dövlət Siyasi İdarəsinin sədri, Daxili İşlər xalq
komissarı və Azərbaycan SSR Xalq Komissarları Sovetinin sədr müavini (təsərrüfat
sahəsində işlədiyi 1927-1929-cu illərdəki fasilə nəzərə alınmaqla ) olmuşdur. 1932-ci
ildən – Azərbaycan SSR XKS-nin sədri. 1933-cü il 15 dekabr tarixdə Azərbaycan KP
MK-nın və partiyanın Bakı şəhər komitəsinin 1-ci katibi seçilmişdir. 1940-cı ilə qədər
Bağırov tərəfindən Azərbaycanda həyata keçirilmiş Stalin repressiyaları nəticəsində
on minlərlə azərbaycanlı və digər millətlərin nümayəndələri həlak olmuşdur. 1937-
1953-cü illərdə ÜK(b)P MK-nın üzvü (1934-cü ildən namizəd olmuşdur), 6 mart-7
iyul 1953-cü il tarixdə Sov.İKP MK Rəyasət heyəti üzvlüyünə namizəd, 1953-cü il 6
aprel tarixdə Az.KP birinci katibi vəzifəsindən azad edilmiş, Azərbaycan SSR Nazirlər
Sovetinin sədri seçilmişdir (avqust ayına qədər). Beriya həbs edildikdən sonra, Sov.
İKP MK-nın iyul Plenumunda (1953-cü il) ona qarşı tənqidlə çıxış etmişdir. Buna
baxmayaraq, Sov.İKP MK-nın tərkibindən və Sov.İKP MK Rəyasət heyətinə üzvlüyə
namizədlikdən azad edilmişdir. 1953-cü ilin oktyabrında SSRİ Neft Sənayesi Nazirliyi
“Kuybışevneft” birliyinin rəis müavini təyin edilmişdir. 13 mart 1954-cü il tarixdə Sov.
İKP MK yanında PNK-nın qərarı ilə partiyadan və Sov.İKP MK üzvlüyündən çıxarılmış
və həbs edilmişdir. SSRİ Ali Məhkəməsinin Hərbi Kollegiyasının 26 aprel 1956-cı il
tarixli qərarı ilə sosialist qanunçuluğunu pozduğuna görə ölümə məhkum edilmişdir.
Sov.İKP MK Rəyasət Heyəti 7 may 1956-cı ildə bu qərarla razılaşmış, 12 may 1956-
cı ildə SSRİ Ali Sovetinin Rəyasət Heyəti onun əfv edilməsi haqqında ərizəsini rədd
etmişdir. 26 may 1956-cı ildə güllələnmişdir.
35
Estman Eduard Lüdviqoviç – (?-?), barışdırıcı hakimin köməkçisi, Quba
qəza istintaq sahəsinin rəisi. Gelovaninin dəstələri Qubadan gedərkən şəhəri tərk
etməmişdir. Azərbaycan Hökumətinin 24 iyun 1918-ci il tarixli qərarına əsasən 1 iyul
1918-ci il tarixdən vəzifədən və xidmətdən azad edilmişdir. Sonrakı taleyi məlum
deyildir.
36
Caparidze Prokofiy (Alyoşa) Apraksionoviç – (1880–1918), tanınmış
bolşevik xadimi, 1917-ci il Fevral inqilabından sonra RSDFP Bakı Komitəsinin və Bakı
fəhlə və əsgər deputatları sovetinin tərkibinə daxil olmuşdur. 1917-ci ilin iyulun-
da RSDFP-nın VI qurultayında Bakı bolşevik təşkilatından nümayəndə. 1917-ci ilin
sentyabrında Bakı neft sənayesi fəhlələrinin ümumi tətilinə rəhbərlik etmişdir. 1917-
ci il dekabr ayından Bakı Soveti İcraiyyə Komitəsi sədrinin müavini, 1918-ci il yanvar