135
Evlərin döşəməsi əvvəlki dövrlərdən fərqli olaraq daşdan olub,bir-birinə ağ
rəngli,gəcə oxşar maddə ilə bərkidilmişdir.Kültəpənin daş alətləri dəvəgözü, tuf,
bazalt cinsli daşlardan yüksək zövqlə hazırlanmışdır.Bunlar əsasən iti ağızlı bıçaq
şəkilli lövhələrdən, dən daşlarından, sütgəclərdən və sairə ibarətdir."
Ekranda Naxçıvan mənzərələri canlanır.
Diktor mətni:
"1-ci Kültəpədə orta Tunc və son Tunc dövrlərinə aid iki qrup gil qablar
əldə edilmişdir.Bunlar boyalı və sadə gil qablardır."
Ekranda Tunc dövrünə aid gil qablar nümayiş etdirilir.
Diktor mətni:
"Qablar çeşidlərinə görə də iki qismə-mətbəx və süfrə qablarına bölünür."
Ekranda yenidən Rəşid Göyüşov peyda olur:
"2-ci Kültəpə Cəhriçayla Naxçıvan çaylarının birləşdiyi yerdə 3 hektara
yaxın bir sahəni tutur.Bu çoxtəbəqəli abidənin orta Tunc dövrünə aid təbəqəsinin
qalınlığı 4 metrdən çoxdur.Bu, eradan əvvəl 2-ci minillikdə kültəpəlilərin həyat və
məişətini özündə əks etdirən 4 inşaat mərhələsindən ibarətdir.Yaşayış yerinin
ətrafına müdafiə divarı çəkilmişdir.Mədəni təbəqədə yaşayış evlərinin,təsərrüfat
tikililərinin,istehsalat ocaqlarının qalıqları ilə yanaşı külli miqdarda boyalı gil
qablar,daşdan.tuncdan və sümükdən hazırlanmış əmək alətləri,bəzəklər,silahlar və
sairə üzə çəxarılmışdır."
Ekranda 1və2-ci Kültəpənin tikili qalıqları görüntülənir.
Diktor mətni:
"Mükəmməl tikinti texnikasına bələd olan 2-ci Kültəpə sakinləri inşaat
materialı kimi çiy kərpicdən,möhrədən və daşdan istifadə etmişlər.Burada inşa
edilmiş müdafiə istehkamı,yaşayış və təsərrüfat binaları yüksək memarlıq
zövqünün məhsulu olub,dövrün inşaat işləri haqqında geniş təsəvvür
yaradır.Mürəkkəb quruluşlu müdafiə istehkamı dördkünc bürclərlə daha da
möhkəmləndirilmişdir."
Ekranda Naxçıvan Tarx-Diyarşünaslıq muzeyinin xarici görüntüsü,lövhəsi
və iç görünüşü bir-birini əvəz edir.Sonra isə ayrı-ayrı eksponatlar,ən sonda isə son
Tunc dövrünə aid maddi mədəniyyət nümunələri nümayiş olunur. Kamera
qarşısına keçən muzey əməkdaşı eksponatları nümayiş etdirə-etdirə deyir:
136
"2-ci Kültəpədə həm monoxrom, həm də polixrom qablara təsadüf olunur.
Onlar formaca olduqca müxtəlifdirlər.Qabların naxışları da zəngindir.Onların
üzərində həndəsi bəzəklərlə yanaşı müəyyən məzmunlu süjetli naxışlar da var."
Ekranda peyda olan Rəşid Göyüşov deyir:
"Naxçıvan əazisində 2-ci Kültəpə ilə həmdövr olan daha bir neçə abidə
tədqiq olunmuşdur.Çoxtəbəqəli Qızılvəng və Şahtaxtı abidələrində də orta Tunc
abidələri öyrənilmişdir.
Orta Tunc dövrünün maraqlı abidələrindən biri də Ağdam şəhəri
yaxınlığında tədqiq edilmiş Üzərliktəpə yaşayış yeridir.Buradan toplanan maddi
mədəniyyət qalıqları eradan əvvəl 19-14-cü əsrlərdə yerli əhalinin yüksək əkinçilik
və maldarlıq mədəniyyətinə malik olduğunu sübut edir.Bu abidə ellips formasında
olub, hündürlüyü 8,5 metrdir.
1954-cü ildə Üzərliktəpə abidəsi öyrənilərkən oradan 5-6 metr qalınlığında
zəngin mədəni təbəqə aşkar olunmuşdur.buranın ətrafına möhtəşəm qala divarı
çəkilmişdir.Eni 2 metrdən çox olan bu divar saman qarışıqlı çiy kərpicdən
tikilmişdir.
Abidədən çoxlu gil qab nümunələri,əmək alətləri, dənli bitki qalıqları və gil
qadın fiquru aşkar edilmişdir.Buranın gil qab məmulatı iki hissəyə bölünür.Birinci
qrupa Qızılvəng boyalı qablarının oxşarı olan qablar daxildir.Bunlar açıq qırmızı
rəngdə olub,üzəri qara boya ilə həndəsi,nəbati və zoomorf formada bəzədilmişdir.
İkinci qrup gil qablar qara rəngdə bişirilmiş, üzəri cilalanmış və xüsusi
nöqtələrlə həndəsi formada bəzədilmişdir.
Arxeoloji qazıntılar zamanı məlum olmuşdur ki, eradan əvvəl 2-ci minillikdə
üzümçülük də geniş inkişaf etmişdir.Üzərliktəpədən çoxlu üzüm çərdəyi və
Naxçıvan abidələrindən isə üzüməzən daşlar tapılmışdır."
Ekranda "Əhməd haradadır?" filmindən üzüm yığımı ilə bağlı səhnənin əks
olunduğu qısa süjet çanlanır,daha sonra üzüm tarlaları görüntülənir.
Diktor mətni:
"Arxeoloqlarımız Azərbaycanda üzümçülük və şərabçılıq mədəniyyətinin
izlərinə orta Tunc dövrünə aid abidələrdə rast gəlsələr də bu mədəniyyətin kökləri
daha qədimdir və ən azı ilk Tunc dövrünə qədər uzanır.Təsadüfi deyil ki, eradan
əvvəl 3-cü minillikdə qələmə alınmış "Bilqamıs dastanı"nda şərabdan da söhbət
açılır.Qədim şumer dilində şərabı bildirən ayrıca bir ifadə də olmuşdur ki, onun
paralelinə Azərbaycan türkcəsində rast gəlinməsə də, əski türk yazılı mənbələrində
həmin ifadə cüzi fərqlə qorunub saxlanmışdır.
Şumerlər şəraba "qeştin" deyirdilər."
Ekranda yazılır:
"QEŞTİN"
Diktor mətni: