2013-cü ilin Birinci Rübünü Əhatə Edən İfadə Azadlığı Hesabatı
Reportyorların Azadlıq və Təhlükəsizlik İnstitutu
18
Cinayət Məcəlləsinin 220.2-ci maddəsi ilə (hökumət nümayəndəsinin tələblərinə fəal şəkildə tabe
olmamaq və kütləvi iğtişaşlara, habelə vətəndaşlara qarşı zorakılığa çağırışlar etmə) cinayət işi açıb və
Sabirabad Rayon Məhkəməsi onun barəsində 2 ay müddətinə həbs qətimkan tədbiri seçib. Lakin
Gülalıyevin həbsinin əsas səbəbinin 2010-cu il Kür daşqınları ilə əlaqədar yerli hakimiyyət orqanlarını
tənqid etməsi hesab olunur. 2012-ci il iyunun 13-də hakim Firdovsi Əliyevin sədrliyi ilə Sabirabad Rayon
Məhkəməsi Oqtay Gülalıyevin şərti azadlığa buraxılması haqqında qərar qəbul edib. Lakin hüquq
müdafiəçisinə qarşı açılmış cinayət işinə hələ də xitam verilməyib və məhkəmə tərəfindən günahkar
hesab olunarsa, Gülalıyev 3 ilə qədər həbs cəzasına məhkum oluna bilər.
Qubanın yerli televiziyası olan Xəyal TV-nin icraçı direktoru Vüqar Qonaqov və baş redaktoru Zaur
Quliyev Qubanın eks meri Rauf Həbibovun Quba sakinlərini təhqir etdiyi videosunu internetə
yerləşdirməklə Qubada 2012-ci il martın 1-də baş vermiş kütləvi etiraz aksiyasına səbəb olmaqda ittiham
olunaraq 2012-ci il martın 13-də həbs olunmuşdular. Minlərlə Quba sakininin iştirak etdiyi etiraz
aksiyasından sonra şəhər icra hakimi Rauf Həbibov prezident tərəfindən vəzifəsindən uzaqlaşdırılmışdı.
Qonaqov və Quliyev Cinayət Məcəlləsinin 233 (ictimai qaydanı pozan hərəkətlərin təşkili) və 309-cu
(vəzifə səlahiyyətlərini aşma) maddələri ittiham olunaraq barələrində həbs qətimkan tədbiri seçilmişdi.
Jurnalsitlərin həbs müddəti sonradan bir neçə dəfə uzadılmışdı. İstintaq müddətində Vüqar Qonaqov
vəkili Elçin Sadıqovun xidmətindən imtina etməyə məcbur edilmişdi. Nəhayət 2013-cü il martın 15-də
Xaçmaz Rayon Məhkəməsi jurnalistləri onlara qarşı qaldırılmış ittihamlarda günahkar hesab edərək
onların barəsində 3 il şərti cəza tədbiri seçib. Lakin hər iki jurnalist irəli sürülmüş ittihamlarla özlərini
günahkar hesab etməyərək qərardan apellyasiya şikayəti vermək niyyətindədirlər.
RATİ-nin foto-video reportyoru və Azərbaycan Gənclər Media Mərkəzinin üzvü Mehman Hüseynov
2012-ci il iyunun 13-də Səbail rayon Polis İdarəsinə çağırılıb, və orada 3 saata yaxın dindirildikdən sonra
şübhəli şəxs qismində saxlanıb. Hüseynov sonradan Cinayət Məcəlləsinin 221.2.2-ci (xuliqanlıq) maddəsi
üzrə təqsirləndirilən şəxs hesab olunub. Mehmana qarşı ittihamlara səbəb may 21-də Bakı Meriyasının
qarşısındakı mitinqdə çəkiliş apardığı zaman polis zabiti ilə arasında baş vermiş şifahi mübahisə
olmuşdur. Peşə fəaliyyətini həyata keçirən Mehman və RATİ-nin digər əməkdaşları, o cümlədən
etirazçılar və jurnalistlər mitinq zamanı polis təzyiqinə məruz qalmışdılar. Polis Mehmanın çəkiliş
apardığı kameranı zədələmişdi. Hüseynova qarşı cinayət işinin açılması onun Avroviziya ərəfəsində
Azərbaycanda demokratik inkişafa nail olmaq üçün aparılan “Demokratiya naminə Oxu” (Sing for
Democracy) kampaniyasında fəal iştirakı, və ya yerli və beynəlxalq media qurumlarının dəfələrlə istifadə
etdiyi və Azərbaycanda insan hüquqlarının pozulduğunu əks etdirən fotoları ilə bağlı ola bilər. Məhkəmə
tərəfindən günahkar hesab olunarsa Hüseynov 5 ilə qədər həbs cəzasına məhkum oluna bilər.
Fevralın 12-də RATİ-nin proqram rəhbəri və hüquqşünası Günay İsmayılova və Seçkilərin Monitorinqi
və Demokratiyanın Tədrisi Mərkəzinin əməkdaşı
Cavid Nəbiyev Xaçmaz rayonunun yerli hakimiyyət
orqanları tərəfindən saxlanıb. Hər iki vətəndaş cəmiyyəti nümayəndəsi Xaçmaza Avropa Birliyi və ABŞ
Beynəlxalq İnkişaf Agentliyi (USAID) tərəfindən maliyyələşən “İdarəetmədə vətəndaş iştirakının
artırılması” layihəsi çərçivəsində seminar keçmək məqsədilə səfər etmişdilər. Seminarın başlamasına qısa
bir zaman qalmış polis tədbirin keçirildiyi məkana reyd təşkil etmiş və təlimçilər saxlanaraq polis
şöbəsinə aparılmışdır. Nəbiyev polis tərəfindən döyülmüş, İsmayılova isə 8 saat müddətində ac və susuz
saxlanaraq işgəncəyə məruz qaldığını bildirmişdi. Günün sonunda İsmayılova və Nəbiyev sərbəst
buraxılıb.
“Gündəm Xəbər” qəzetinin təsisçisi Şirin Cəfəriyə qarşı CM-nin 213.2.2 (vergidən yayınma) və 308.1
(vəzifə səlahiyyətindən sui-istifadə) maddələri ilə cinayət işi açılıb. Buna səbəb Mətbuat Şurası (MŞ)
tərəfindən qəzetin fəaliyyətinin yoxlanması üçün edilmiş müraciət olun. MŞ qəzeti vətəndaşların şəxsi
məlumatların gizliliyi hüququnu pozmaqda, vətəndaşları təhqir edən məlumatlar yaymaqda və tez-tez
jurnalist etikasını pozmaqda ittiham edib. Ş.Cəfəridən Kəpəz Rayon Məhkəməsi işin istintaqını başa
çatdırmayana qədər şəhəri tərk etməmək haqqında iltizamnamə alınıb.
2013-cü ilin Birinci Rübünü Əhatə Edən İfadə Azadlığı Hesabatı
Reportyorların Azadlıq və Təhlükəsizlik İnstitutu
20
Fəsil 4: Mediaya dövlət nəzarəti
6
Azərbaycanda KİV-lərin və vətəndaş jurnalistlərinin fəaliyyətinə düşmən siyasi mühit hökm sürməkdədir.
Hökumət ya birbaşa olaraq, ya da təzyiq yolu ilə ənənəvi teleradio yayımçılarını ciddi nəzarətdə saxlayır.
Azərbaycanda çox az sayda müstəqil media qurumu mövcuddur, belə ki, hətta ənənəvi müxalif səslər belə
təzyiq və digər təsir üsullarından istifadə etməklə susdurulmuşdur (məsələn, bəzi jurnalistlərə və
redaktorlara pulsuz ev verilmişdir). Bəzi müxalif media qurumları isə hökumətdən qrant əldə etdikdən
sonra tənqidlərini azaldıblar. Müstəqil media qurumlarının sayında ötən il baş vermiş kəskin
dəyişiklikdən sonra artıq Azərbaycanda müstəqil hesab olunacaq çox az sayda media orqanı qalıb. Belə
bir şəraitdə senzura ilə yanaşı özünü-senzura da böyük problemə çevrilmişdir.
Siyasi plüralizmi təmin etməyə çalışan dörd müstəqil və müxalif qəzet əhalinin yalnız 3 faizinə çatımlıdır
və onların çap dövriyyəsi çox aşağıdır. Reklam bazarı oliqarxlar tərəfindən idarə olunur ki, bu da, ölkədə
müstəqil medianın inkişafına əlavə maneə törədir. Hətta orta sahibkarlar belə hakimiyyətin qəzəbinə tuş
gəlməkdən ehtiyat edərək müstəqil və müxalif qəzetlərə reklam verməkdən çəkinir. Məhdud reklam
gəlirləri, çap və yayım problemləri, eləcə də özəl investisiyaların kəskin azlığı nisbətən müstəqil olan
azsaylı nəşrləri maddi cəhətdən çıxılmaz vəziyyətə salır.
Nisbətən müstəqil medianı təcrid etməyin daha bir üsulu onların yüksək vəzifəli dövlət məmurlarına
çatımlığının məhdudlaşdırılmasıdır. Yüksək çinli məmurlar və onların mətbuat işçiləri bir qayda olaraq
ictimaiyyət üçün açıq olan brifinqlər keçirmir. Prezident Administrasiyasının mətbuat xidməti bu quruma
sadiq olan və sifarişlə iş görən jurnalistlərdən ibarət qapalı birlikdir. Yüksək elitaya çatımı olan
jurnalistlər vəzifəli şəxslərə xoş gəlməyəcək suallar vermir, soruşmağa daha çox sualları olan
jurnalistlərin isə rəhbər dövlət məmurları ilə görüşünə imkan yaradılmır.
Yayım mediasına nəzarət
Hazırda Azərbaycan mediasının ən çox nəzarətdə olan seqmenti teleradio yayımçılarıdır. Ölkədə doqquz
milli, 14 regional və 13 kabel televiziyası, və 12 radio stansiyası fəaliyyət göstərir. Hökumətin 2009-cu
ildə xarici radioların (BBC, Azadlıq/Azad Avropa Radiosu və Amerikanın Səsi) milli tezliklərdə
yayınlanmasına qadağa qoymasından sonra ölkənin yayım mediasında fikir müxtəlifliyinin təmin
olunması da başa çatdı. Bu radiolar Azərbaycanlı dinləyicilər üçün alternativ informasiyanın yeganə
mənbələri idi. Hazırda milli tezliklərdə yayımlanan 12 radionun heç biri plüralizmi təmin etmir.
Ölkənin 9 milli telekanalının üçü (AZTV, İdman Azərbaycan və Mədəniyyət) dövlətə məxsusdur. Bütün
dünyada dövlət mediasının özəlləşdirilməsi prosesi getdiyi bir vaxtda, bunun ziddinə olaraq,
Azərbaycanda demək olar ki, hər iki ildən bir yeni dövlət televiziyası açılır. Regionlarda fəaliyyət
göstərən telekanallar ölkədə baş verən cari hadisələrə aid məlumat yaymaqdan daha çox musiqi və
əyləncə tipli verilişlərə üstünlük verir.
Azərbaycanın ictimai yayımçısı olan “İctimai Televiziya” bu sahəyə aid beynəlxalq standartlarda nəzərdə
tutulmuş funksiyaları yerinə yetirmir. İctimai TV Avropa Yayım Birliyinə üzvlüyü çərçivəsində bu
qurumun tələblərinə (ictimai marağa xidmət etmək, plüralizmi təmin etmək, cəmiyyətin bütün sektorları
üçün balanslı və fərqli proqramlar yayımlamaq) əməl etmir. İctimai TV yarandığı 2005-ci ildən bəri
dövlətin maraqlarına və təbliğatına xidmət edir. Xəbər yayımında isə bu telekanal praktiki olaraq müstəqil
fəaliyyət göstərmir. İctimai TV ölkədə baş verən mühüm hadisələr (məs, siyasi partiyaların və ictimai
6
Azərbaycanın media mühiti barədə ətraflı məlumatı RATİ-nin 2013-cü ilin martında hazırladığı “Media Nəzarət Altında” adlı
hesabatdan əldə edə bilərsiniz. Hesabat aşağıdakı linkdədir:
http://bit.ly/103nXEe