141
Azərbaycanda tolerantlıq ənənəsi
Azərbaycan SSR Kommunist Partiyasının birinci katibi Heydər Əliyev
İvanovka kolxozunun sədri Nikolay Nikitinlə birgə kənd sakinlərilə görüşür
Azərbaycan Respublikasının Prezidenti İlham Əliyev
və xanımı Mehriban Əliyeva İvanovka kəndində
142
İvanovka kəndinin müasir vəziyyəti
Molokanlar Dua evində
LÜTFİ ZADƏ MƏNTİQİ
AZƏRBAYCAN TOLERANTLIQ
MODELİNİN FƏLSƏFİ ƏSASI KİMİ
144
Elmin ƏLİYEV
1
Giriş
Azərbaycan düşüncə tarixinə nəzər salsaq, dünya elm və
mədəniyyət xəzinəsinə töhfə vermiş, hətta yeni sistem/paradiq-
ma inşa edərək bəşəri təxəyyülün hüdudlarını genişləndirmiş
onlarla mütəfəkkirin adını çəkə bilərik. Aristotelin düşüncə
sistemi əsasında formalaşdırılmış məşşai fəlsəfənin inkişafın-
da əvəzsiz rolu olan Bəhmənyar İbn Mərzuban (XI əsr), işra-
qilik adlı yeni fəlsəfi cərəyanın qurucusu sayılan Sührəverdi
(XII əsr), vəhdəti-vücud konsepsiyasının banilərindən hesab
edilən Eynəlqüzat Miyanəçi (XII əsr), Osmanlı elm həyatında
dərin izlər qoyan Məhəmməd ibn Əli əl-Qarabaği (XVI əsr),
Anadoluda riyaziyyat, astronomiya və coğrafiya elmlərinin
qurucularından sayılan Fəthullah Şirvani (XV əsr), məntiq və
tibbdə məşhurlaşmış Əfzələddin Xunəci (XIII əsr), tanınmış
kəlam və fiqh alimi Müqəddəs Ərdəbili (XVI əsr) məhz belə
şəxsiyyətlərdəndir.
2
Sıralarını daha da genişləndirə biləcəyimiz bu dahi in-
san lar tarixin müxtəlif mərhələrində ya mövcud düşüncə sis-
tem lərini təkminləşdirmiş, ya da yeni bir sistemin qurulma-
sında yaxından iştirak etmişdir. Əlbəttə, klassik İslam sivili-
zasiyasının məhək daşlarından sayılan bu elm xadimlərinin
düşüncə dünyalarını bir neçə səhifədə tam təfsilatı ilə təhlil
etmək mümkün deyil. Sadəcə onu qeyd etməklə kifayətlənirik
ki, bu şəxsiyyətlərin ortaya çıxmasında Azərbaycan xalqının
elm və təfəkkürə olan rəğbəti, habelə fərqli inanc və düşüncə
tərzlərinə qarşı qərəzsiz yanaşması böyük rol oynamışdır. Bu-
1
Ankara Universitetinin doktorantı.
2
Elmin Əliyev, “Azərbaycanda irfan mütəfəkkirləri”, Azərbaycan və Əhli-beyt
irsi, Bakı, 2013, s.130-131.
145
Azərbaycanda tolerantlıq ənənəsi
radakı əsas məqsədimizə gəldikdə isə ilk növbədə XXI əsrin
elm və texnologiya həyatında yeni iz açmış Azərbaycan alimi
Lütfi Ələsgərzadənin məntiq nəzəriyyəsinə əsasən bəzi dini
məsələlərin izahının, beləliklə də, Azərbaycan xalqına məxsus
tolerantlıq və multikulturalizm düşüncəsinin bu məntiq nə-
zə riyyəsi ilə əsaslandırılmasının mümkün olub-olmadığına
diqqət yönəltməkdən ibarətdir.
Fəlsəfə düşüncə tarixinin heç bir mərhələsində XX əsrdə
olduğu qədər dərin problemlərlə üzləşməmiş və diqqət mər-
kə zində olmamışdır. Dünyanın sözün əsl mənasında kiçil-
mə sini ifadə edən qloballaşma, sürətlə inkişaf edən elm və
tex nologiya daha qarışıq mədəniyyət və həyat tərzlərinin or-
taya çıxmasına səbəb olmuşdur. Bu isə öz növbəsində yeni
fəl səfi problemləri və bu problemlər qarşısında formalaşdırı-
lan düşüncə sistemlərini bərabərində gətirmişdir. Qeyri-səlis
məntiq nəzəriyyəsini biz bu nöqteyi-nəzərlə ələ alaraq, müasir
fəlsəfi problemlərin tələbi ilə bir qaçış yolu olaraq ortaya çıxan
bu yeni nəzəriyyənin köhnə problemlərin həllinə hansı ölçüdə
kömək edə biləcəyini araşdıracağıq.
Lütfi Ələsgərzadə və qeyri-səlis məntiq
nəzəriyyəsi
Lütfi Rəhim oğlu Ələsgərzadə 1921-ci il fevralın 4-də Bakı-
da anadan olub. Əslən Cənubi Azərbaycandan olan atası Rəhim
Ələsgərzadə ticarət məqsədi ilə Bakıya gələrək bir müddət son-
ra Bakı Dövlət Universitetində şərqşünaslıq ixtisası üzrə təhsil
alır. Bakıda anadan olan Lütfi Zadə təxminən 10 il burada ya-
şayır. Sovet hakimiyyətinin 1932-ci ildə İran vətəndaşları olan
azərbaycanlılarla bağlı qəbul etdiyi yeni qərardan sonra isə
ailəsi İrana geri dönmək məcburiyyətində qalır.
Təhsilini İranda davam etdirən Lütfi Zadə Tehrandakı
Amerika kollecini və Tehran Universitetinin elektrotexnika
146
fakültəsini müvəffəqiyyətlə başa vurur. 1944-cü ildə ABŞ-a
köçən gənc alim 1946-cı ildə Massaçusets Texnologiya İnsti-
tutunda elektrotexnika ixtisası üzrə magistratura diplomuna
yiyələnir. 1949-cu ildə Kolumbiya Universitetində doktor-
luq elmi dərəcəsi alan tədqiqatçı 1957-ci ildə professorluğa
yüksəlir.
Qısa müddət ərzində bir neçə fundamental tədqiqat ilə
məşhurlaşan alim 1965-ci ildə “Information and Control” jur-
nalında qeyri-səlis çoxluqlara aid məqaləsini çap etdirir. Zaman
keçdikcə bütün dünyada böyük rezonans doğuracaq elmdə
yeni bir istiqamətə təkan verəcək qeyri-səlis məntiq (fuzzy lo-
gic) nəzəriyyəsi ilk vaxtlar tədqiqatçılar tərəfindən ehtiyatla,
hətta istehza ilə qarşılanır. Bütün şübhələrə baxmayaraq, Lütfi
Zadənin qeyri-səlis çoxluqlar və qeyri-səlis məntiq nəzəriyyəsi
elm xadimləri tərəfindən qəbul edilmir və son 20 ildə məişət tex-
nikalarından tutmuş mürəkkəb texnoloji proseslərin tətbiqinə
qədər ən müxtəlif sahələrdə öz əksini tapır. Lütfi Zadə, eyni za-
manda təəssüratlar, sistemlər, sözlə işləyən kompüter, optimal
süzgəclər kimi 6 mühüm nəzəriyyələrin müəllifidir.
1
Lütfi Zadə tərəfindən sistemləşdirilən qeyri-səlis məntiq
nəzəriyyəsinin əsasını klassik məntiqin və riyazi təsəvvürün
qəbul etdiyi ikili çoxluq anlayışının qeyri-səlis çoxluq ilə əvəz
olunması təşkil edir. Belə ki, Aristotelin binar məntiq sistemi
ilə yürüdülən mühakiməyə görə bir şeyin ağ və ya qara olma-
sı labüddür, üçüncü ehtimal bu nəzəriyyəyə əsasən mümkün
deyil. Digər bir ifadə ilə bir şey doğru və ya yanlış, uzun və
ya qısa şəklində iki dəyərdən hər hansı birinə sahib olmalıdır.
Qeyri-səlis məntiq nəzəriyyəsi isə ağ və qara, doğru və yanlış,
uzun və qısa ilə yanaşı, onların müxtəlif çalarlarının mövcud-
luğunu da qəbul edir. Qeyd olunan dəyərlərdən hər birinin
arasında kəsilməz dəyərlər silsiləsi vardır ki, bu da sözügedən
1
Geniş məlumat üçün bax: Möhbəddin Səməd, Dünya dahilərsiz yaşaya bilmir,
Bakı, Azərbaycan Milli Ensiklopediyası, 2000.
Dostları ilə paylaş: |