128
ruhən deyil, cismən diriləcəklər. Dini ayinlər haqqında pravos-
lav təlimini rədd edirlər. Orucluğa gəldikdə isə molokanların
fikrincə, oruc müəyyən vaxt müddətində deyil, insanın özü-
nü günahkar olduğunu və nəfsinin ağlına üstün gəldiyini hiss
etdikdə tutulmalıdır. Onlar qidalanmada donuz əti və pulcuqsuz
balıqdan başqa hər şeydən istifadə edirlər. Molokanların ibadə ti
Bibliyanın, əsasən də Zəburun məş hur hissələrinin qiraətindən
və nəğmə kimi oxunmasından iba rət dir. Keşiş adətən ön cərgədə
əyləşib Bibliyadan kəlamlar oxu yur, dinləyicilər isə onu uzada-
uzada təkrarlayaraq nəğmə şək lində ifa edirlər.
Molokanlara görə, həqiqi xaç suyuna salınma Həzrət İsanın
təlimini səmimi şəkildə qəbul etməkdir. Onlar bəzi təriqətlər
kimi elmi inkar etmir, əksinə çox əhəmiyyət verirlər. Ancaq
onlara görə, elm insanı təkbaşına xoşbəxt etməz. Bunun üçün
Tanrı ilə əlaqənin olması lazımdır. Dini icma arasında həyat
yoldaşı yaşayarkən ailə quran qadın və kişiyə pis baxılır.
1
Molokanlarda insanlardan və təbiətdən müstəqil mütləq
Tanrı məfhumu vardır. İcmada dözümlülük və ağıl etiqadın
əsasında yer almaqla bərabər şəxsi nöqsanı həll etməyin və
qabiliyyətin ortaya çıxarılmasının yolu olaraq çalışmaq ən üs-
tün əxlaqi kateqoriya olaraq mənimsənir.
2
Molokanlarda toplu şəkildə həyata keçirilən ibadətlər və
camaat liderləri tərəfindən İncildən oxunan parçalar dini icma-
nın həyatında mühüm əhəmiyyət daşıyır.
3
Molokanlara tətbiq olunan təzyiq və sürgünlər bu dini ic-
manın etiqadını mühafizə etmə məsələsində daha da müba-
riz etmişdir. Belə ki, molokanların kəndli sinfinə aid hərə kat-
la rındən yeni bir etnik kimlik yaranmışdır. Yəni, sinfi olaraq
meydana gələn bir hərəkat konfliktlər, uzaqlaşdırmalar və ta-
1
И.А. Малахова, О современных молоканах, s. 13-28.
2
Therese Adams Muaranaka, The Russian Molokan Colony at Guadalupe, Baja
California: Continuity and Change in a Sectrarian Community, s. 39.
3
Roman Lunkin & Anton Prokofyev, “Molokans and Dukhobors: Living Sourc-
es of Russian Protestantism”, s. 86.
129
Azərbaycanda tolerantlıq ənənəsi
ma milə fərqliləşən dini etiqadın yaratdığı ideoloji əsaslar ilə
etnik kimliyə çevrilmişdir.
Molokanizm qapalı kimlik modelini yaratmışdır. Hər nə
qədər Xristianlıq içərisində meydana gəlsə də, molokanizm bir
etnik-dini, yəni Xristianlığın etnik dinə çevrilmiş şəklini təmsil
edir. Bu baxımdan istəyən hər kəs xristian ola bilər, ancaq xris-
tian olmasına rəğmən molokan ola bilməz. Molokanlar özlərini
ortaq bir soydan meydana gələn icma kimi qəbul edirlər.
Nəticədə molokanların pravoslav kilsəsindən ayrılmaların-
da həm dini, həm də iqtisadi səbəblər rol oynamışdır. Əslində
molokanlarda dini və iqtisadi sahələr çox əlaqəli şəkildədir.
Ağır vergilər, kollektiv kəndlərin dağıdılması və s. hadisələr
iqtisadi ayrılmanın, Rus pravoslav kilsəsindəki rituallar və
Xristian qardaşlığı prinsipinə uyğun yaşadılan camaat sistemi-
nin dağıdılması dini səbəbləri təşkil edir. Məhz molokanlarda
aqrar sahədə, taxılçılıq və heyvandarlıqla məşğul olma bir növ
camaat uğrunda işləmə ibadət kimi qiymətləndirilir.
Çar Rusiyası molokanlara qarşı sərt tədbirlərə əl atırdı. Yu-
xarıda qeyd etdiyimiz kimi, saqqallarını, bığlarını qırxır, onla-
rı hərbi xidmətə getməyə məcbur edirdilər. Etiqadlarına zidd
olan bu işgəncələrə boyun əyməyərək onlar müxtəlif yerlərə, o
cümlədən Azərbaycana köçürüldülər.
XVIII əsrdə meydana gələn molokanizm, eyni zamanda
Qərbdə yaranan protestantlıqla da az da olsa, əlaqələri vardır.
Belə ki, XVIII əsr artıq Rusiyanın qərbləşmə prosesinə başladığı
dövrdür. Bu proses rus kəndlisinə də öz təsirini göstəriridi. Bu
mənada Çar Rusiyası müqəddəsləşdirən pravoslav kilsəsi ilə rus
kəndlisi arasında uçurum genişlənirdi. Bu səbəblə də molokanlar
iqtisadi və dini dünya görüşlərinin fərqliliklərinə istinad edərək
Rus pravoslav kilsəsinə və çar üsul-idarəsinə qarşı çıxdılar.
Molokanlar başqa protestant cərəyanlarının təsirinə düş-
mə yiblər, daha mötədildirlər və yeni təriqətlərin ardıcılları ilə
müqayisədə öz təlimlərinin təbliğatına az meyillidirlər. Hal-
130
buki müasir dövrdə baptizmə məzmun və mahiyyətcə yaxın
olmaları səbəbilə molokan gəncləri bu təriqətə daxil olmağa
meyllidirlər. Bu meyilin arxasında da baptistlərin varlı və dün-
ya miqyasında geniş əlaqələrə malik olmaları durur.
Molokanlar işləməyi ibadət olaraq görürlər. Onlar müştə rək
işləməyi və bütün icmanın bu istiqamətdə hərəkət etmələrini
dini əmr sayırlar.
Məşhur rus yazıçısı Lev Tolstoy molokanların saf və təmiz
olduqlarını deyərək onlara kitablarından aldığı müəlliflik qo-
norarından köməklik göstərirdi.
Molokanlar sürgün olunmalarını yəhudilərin sürgününə
bənzədərək bunun Tanrının istəyi və iradəsi kimi qəbul edirlər.
Hətta, bu sürgünlə bağlı molokanların folkloru da yaranmış-
dır. Məhz pravoslav kilsəsindən ayrılmalarını da Həzrət İsanın
yaşantısı ilə bir tutaraq izah edirlər.
Azərbaycan molokanları
Azərbaycanda molokanlar, əsasən Bakı, Sumqayıt, Şamaxı,
İsmayıllı, Gədəbəy və Qubada yaşayırlar. İlk molokan icma-
ları Azərbaycanda XVIII əsrin ortalarında meydana gəlmişdir.
Onları ölkəmizə Rusiyadan kafirliyə və pravoslav kilsəsinin
əleyhinə çıxdıqlarına görə sürgün etmişlər.
Ümumiyyətlə, molokanların Azərbaycan ərazisinə ilk köçü
1832-ci ilə təsadüf edir. Tarixi mənbələrə görə, onlar Rusiyadan
Qarabağın Qızılqışlaq yaşayış məntəqəsinə “kilsə və pravos-
lav etiqadına zidd getdiklərinə görə” sürgün olunublar. 26 kişi
və 30 qadından ibarət ilk dəstədən sonra növbəti illərdə mo-
lokanların Zaqafqaziya axını artır. Molokanların köçürüldüyü
ərazilər sırasına müsəlmanların üstünlük təşkil etdiyi Borçalı
və İrəvan bölgələri də daxil idi. Onlar özlərinin zəhmətsevərliyi
və düzgünlükləri ilə tez bir zamanda yerli sakinlərin rəğbətini
qazanırlar. Məsələn, Don torpaqlarından sürgün olunmuş mo-
Dostları ilə paylaş: |