147
Azərbaycanda tolerantlıq ənənəsi
nəzəriyyəyə real həyatı daha yaxşı əks etdirmək imkanı verir.
Məhz bu nöqteyi-nəzərlə qeyri-səlis
məntiqi yanaşma müasir
dünyada fərqliliklərin vəhdətinin, eləcə də müxtəlif inanc və
mədəniyyət mənsublarının birgəyaşayışının təmin olunma-
sında, binar sistemlə izahı çətin olan dini məsələlərin ictimai
problemlər doğurmasının qarşısının alınmasında
təsirli ola
bilər. Bir insanı dost və ya düşmən şəklində xarakterizə edən
binar məntiqin əksinə ona yaxın dost, uzaq dost, tanış və s.
şəklində fərqli dəyərlər də yükləyən qeyri-səlis məntiq anlayışı
başqaları ilə münasibətlərin qurulmasında, tolerantlıq və mul-
tikulturalizm prinsiplərinin yayılmasında böyük əhəmiyyət
kəsb edir.
Formal məntiq nəzəriyyəsinin İslam düşüncə
tarixindəki yeri
İslam aləmində sistematik məntiq araşdırmaları məşhur
yunan filosofu Aristotelin əsərlərinin ərəb
dilinə tərcümə
edilməsi ilə başlamışdır. Bu tərcümə fəaliyyətlərinin yüksələn
xətt üzrə inkişaf edərək X əsrdə zirvə nöqtəyə çatmasında və
beləliklə də, yunan düşüncəsinin islamlaşdırılması baxımın-
dan əsas vasitə olaraq istifadə edilməsində bir neçə faktor bö-
yük rol oynamışdır:
1. İslam dininin yayıldığı bölgələrdəki Xristian, Yəhudi,
eləcə də digər din mənsubları öz inanclarını əsasən yunanlar-
dan aldıqları məntiqi təfəkkür ilə müdafiə edirdilər.
Buna görə
də müsəlmanlar öz dini arqumentlərini əsaslandırmaq üçün
Aristotel məntiqinin öyrənilməsi zərurəti ilə qarşılaşmışdırlar.
Digər tərəfdən sözügedən dövrdə Cəfər əl-Mənsur kimi Ab-
basi xəlifələrinin elmi tədqiqatlara verdiyi xüsusi dəstək tibb,
fəlsəfə və məntiq əsərlərinin ərəb dilinə tərcüməsində böyük
rol oynamışdır.
148
2. Müsəlmanlar üçün əsas və dəyişməz qaynaq mahiyyəti
daşıyan Qurani-Kərimdə doğru
biliklərə yiyələnmə, təd qiq
etmə, araşdırma, ibrət alma, təfəkkür və idraketmə məfhum-
la rının vurğulandığı və müsəlmanların bu tərz fəaliyyətlərə
şövq edildiyi bir çox ayə mövcuddur.
Eyni şəkildə Həzrət
Məhəmmədin hədislərində də əqli mühakimənin xoş qarşılan-
dığına dair ifadələrin mövcud olması müsəlmanları məntiq el-
mini öyrənməyə ruhlandırmışdır.
3. Müsəlmanların Aristotel məntiqini öyrənib inkişaf et dir-
məyə sövq edən bir digər amil isə dini və etiqadi məsə lə lə rin
aydınlaşdırılması ilə yanaşı, məntiqi mühakiməni həyatın bü-
tün sahələrinə tətbiq etmə ehtiyacı olmuşdur.
1
Bütün bunlarla yanaşı, müsəlman dilçi və kəlam alim lə rin-
dən bir qismi aşağıdakı səbəblərə görə məntiq araşdırmalarına
etiraz etmişdir:
1. İslam düşüncəsini xarici təsirlərdən qoruma təşəbbüsü;
2. Dini elmlərin ikinci plana atılacağı qorxusu;
3. Məntiq elminin İslam aləminə giriş yollarının,
eləcə də
məfhum və mövzularının ilk baxışda İslama yad faktor kimi
dəyərləndirilməsi;
4. Bəzi məntiq prinsiplərinin ənənəvi kəlam metodları ilə
ziddiyyət təşkil etməsi;
5. Elmi fəaliyyətin məntiq metodları ilə əsaslandırılmasının
zəruri olmadığı anlayışı;
6. Məntiqin insan təfəkkürünün hüdudlarını daraltması
düşüncəsi;
7. Doqmatik düşüncə və digər emosional təmayüllər.
2
Qeyd edilən təmayüllərə baxmayaraq, Fərabi və İbn Sina
başda olmaqla müsəlman filosofların intellektual fəaliyyətləri,
eyni zamanda əşari alimlərindən Əbu Həmid əl-Qəzalinin İbn
1
İbrahim Emiroğlu, Ana hatlarıyla klasik mantık, Bursa, 1999, s. 47-50, İbrahim
Emiroğlu, “Mantık”, DİA, c. 28, s. 20.
2
İbrahim Emiroğlu, Ana hatlarıyla klasik mantık, Bursa, 1999, s. 51-52.
149
Azərbaycanda tolerantlıq ənənəsi
Teymiyyə tərəfindən kəskin tənqid
atəşinə tutulan elmi-sxolas-
tik və ideoloji yanaşması nəticəsində İslam alimləri Aristotel
məntiqinə dini elmlərin öyrənilməsində açar rolu yüklənmişdir.
Məntiqi müstəqil bir elm kimi qəbul edib-etməməsindən asılı
olmayaraq klassik dövr müsəlman mütəfəkkirləri öz fikirlərini
formal məntiqin prinsipləri fonunda izah etməyə çalışmışdırlar.
Formal məntiq ilə izahı mübahisə doğuran
dini mövzulara nümunələr
Bərzəx: lüğəvi mənada “iki şey arasındakı maneə” anla-
mını verən bu termin kəlam və təsəvvüf leksikonunda fərqli
çalarlarla öz əksini tapmışdır. Buna baxmayaraq,
ümumilikdə
dini termin olaraq ölümdən sonra yenidən dirilişə qədərki ara
mərhələni, dünya və axirət arasındakı aləmi və qəbir həyatını
ifadə etmək üçün istifadə olunur.
İslam dininin etiqadi və hüquqi məsələləri üçün əsas qay-
naq təşkil edən Qurani-Kərimdə “bərzəx” kəlməsi üç yerdə
işlədilmişdir:
1
. «Birinin suyu çox şirin, digərininki isə olduqca şor (acı)
olan iki dənizi qovuşduran, aralarında (bir-birinə qarışma-
maq üçün) maneə və keçilməz sədd qoyan Odur!”
1
2.
“(Suları şirin və acı olan) iki dənizi O qovuşdurdu (bir-
birinə qovuşmaq üçün açıb buraxdı). Amma onların arasında
maneə vardır, bir-birinə qatışmazlar (özləri üçün müəyyən
edilmiş həddi aşmazlar)”.
2
3.
«Nəhayət, (müşriklərdən) birinin ölümü gəlib çatdığı
zaman o belə deyər: “Ey Rəbbim! Məni geri (dünyaya) qaytar!
Bəlkə, (indiyə qədər) zay etdiyim ömrüm müqabilində yaxşı bir
iş görüm! (Yaxud, bu günə qədər tərk etdiyim imana qayıdıb sa-
leh bir əməl edim!) Xeyr, bu onun dediyi boş (faydasız) bir söz-
1
Furqan 25/53.
2
Rəhman 55/19-20.