32
qabiliyyətli olub-olmamasından xəbərsiz, borc vəsaitlərirnə olan tələb və təklif isə
bir-biri ilə üst-üstə düşmür. Kommersiya bankları isə müştərilərin bu sadalanan
problemlərlə üzləşməməsinə imkan yaratmış olurlar.
Depozit funksiyası – tədiyə vasitələrinin yaranması bank müştərilərinin
kreditləşməsinin depozit funksiyası ilə sıx şəkildə bağlıdır. Depozit iki yolla ortaya
çıxa bilər: müştərinin banka nağd şəkildə pul vəsaitləri daxil etdiyi zaman, eləcə də
bank kreditləşməsi zamanı.
Bu əməliyyatlar ölkənin pul kütləsinin həcminə müxtəlif yolla təsir edə bilər.
Əgər müştəri öz pul vəsaitlərini banka tələbolunanadək qoymuşdursa, o zaman
pullar nağd puldan, nağdsız pula çevrilirlər. Bu zaman təsərrüfatdakı ümumi
məbləğ dəyişməmiş qalır. Əgər pullar depozitə daxil olursa, bu zaman tədavüldə
pulun ümumi məbləği dəyişmiş, yəni artmış olur. Bu prosesin əksi isə müştərinin
öz hesabından pul vəsaitlərini geri aldığı və kreditin bağlanması üçün pulların
depozitdən silinməsi zamanı baş verir. Kommersiya banklarının depozitləri və pul
kütləsinin artırıb-azaltmaq qabiliyyətini ölkənin mərkəzi bankı kreditin
dinamikasını istiqamətləndirmək məqsədilə istifadə edir. Bunun üçün Mərkəzi
Bank özünün pul-kredit siyasəti alətlərindən olan məcburi ehtiyat normalarından
istifadə edir.
Beləliklə, bu funksiya bankın çeklər, plastik kartlar və elektron pulların
köməyilə bank depozitləri formasında kredit pulların yaranması üzrə bankların
xüsusi funksiyasıdır.
Kommersiya bankları əvvəla, pulun bir növdən (banknot) başqasına
(depozit) keçməsilə öz müştərilərindən nağd pullar qəbul edərək depozitlər
yaradırlar.
İkincisi, bank depozitləri müştərilərdən qiymətli kağız, xarici valyuta və
qızıl qəbul etməsi nəticəsində bank kreditləri verməklə yaradır. Bu halda pulun əks
hərəkəti baş verir, yəni nağdsız formadan nağd formaya keçir;
- pul ödəmələri və hesablaşma funksiyası – mülkiyyətin dövlətə məxsus
olduğu inzibati-amirlik sistemində müştərilər arasında hesablaşmalar vahid dövlət
bankı tərəfindən həyata keçirilirdi.
33
Uyğun olaraq hesablaşma formaları da, ödəmə ardıcıllığı da, tərəflərin
cavabdehlik tədbirləri də bütün hesabların vahid bankda cəmləşməsi istiqamətində
aparılırdı. Belə sistemdə ödəmələrin həyata keçirilməsinin təminatçısı dövlətin özü
idi, dövlət bütün mümkün olan riskləri öz üzərinə götürürdü.
Kommersiya banklarının sərbəst fəaliyyət göstərdiyi bazar iqtisadiyyatı
şəraitində müştərilər arasında hesablaşmalar ayrı-ayrı banklar tərəfindən həyata
keçirilir və bu sahədəki risklər də artmaqla bankların məsuliyyətini daha da artırır.
İnkişaf etmiş ölkələrdə hüquqi şəxslər arasındakı hesablaşmaların əsas
hissəsi nağdsız formada həyata keçirilir. Burada kommersiya bankları təşkilatçı və
vasitəçi kimi çıxış edir. Bu banklar müştərilərin tapşırığına əsasən ödəmələri
həyata keçirir, hesablara pul qəbul edir və müştərilərin bütün pul daxilolmalarının
və köçürmələrinin uçotunu aparırlar.
- qiymətli kağızları buraxılışı və yerləşdirilməsi funksiyası – kommersiya
banklarının ilkin və ikinci bazarda həyata keçirdiyi əməliyyatlarla əlaqələndirilir.
Sözsüz ki, bu banklar kredit sistemini tamamlayır və onunla birgə fəaliyyət
göstərir. Hələlik ölkədə qiymətli kağızlar bazarının zəif inkişafı ilə əlaqədar,
maliyyə resurslarının əsas cəlbedilmə üsulu əmanətlər hesab olunur.
- bankların məsləhət (konsultasiya) xidməti funksiyası – onların öz
müştərilərinin işlərini sabit, səmərəli və gəlirli aparılmasında maraqlı olmasından
irəli gəlir. Bununla əlaqədar banklar müştərilərinin kredit qabiliyyətinin
qaldırılması, onların hesablaşmalarının optimallaşması, vergi planlaşdırmaları,
hesablaşmaların təşkili və s. məsələlər üzrə məsləhətlər vermə ilə məşğul olurlar.
Yuxarıda qeyd olunan funksiyalardan başqa, kommersiya bankları
müştərilərə digər maliyyə xidmətləri də göstərirlər. Belə ki, banklar korporasiyalar
və ayrı-ayrı şəxslər üçün etibarnamə əsasında mülkiyyətin bankın idarəçiliyinə
keçməsi ilə bağlı, müştəri üçün qiymətli kağızların alınması, daşınmaz əmlakın
idarə olunması, istiqraz buraxılışı üzrə təminatlı funksiyalar və s. kimi müxtəlif
növ əməliyyatlar yerinə yetirirlər.
34
2.2. Bankların kapitallaşma səviyyəsi və sahibkarlığın inkişafına onun təsiri
Bank sektorunun inkişafında onların kapitallaşma səviyyəsi böyük rol
oynayır. Hesabat ilində bank sektorunun kapital bazasının möhkəmlənməsi davam
etmiş, sistemin kapital adekvatlığı göstəriciləri məqbul səviyyədə olmuşdur.
2013-cü ildə bankların məcmu kapitalı 32,7% və ya 844,3 mln.manat artaraq
3426,5 mln.manata çatmışdır. Birinci dərəcəli kapital il ərzində 33,2% yüksəlmiş,
onun məcmu kapitalda xüsusi çəkisi 79,3% təşkil etmişdir. Məcmu kapitalın
artımının əsas mənbəyini – 76%-ni nizamnamə kapitalı təşkil etmişdir. Belə ki,
nizamnamə kapitalı 639,2 mln.manat və ya 23,2% artmışdır. Bank sisteminin
məcmu kapital adekvatlığı yüksək səviyyədə olmuş (18,1%) və Mərkəzi Bankın
müəyyən etdiyi minimal normanı (12%) və beynəlxalq təcrübədə qəbul olunmuş
minimal səviyyəni (8%) xeyli üstələmişdir. Eyni zamanda 1- dərəcəli kapitalın
adekvatlığı da normadan çox olmuşdur (14,1%).
Bank sektorunun fəaliyyətinin maliyyə nəticələri ümumilikdə qənaətbəxş
olmuşdur. Bank sektorunun maliyyə dayanıqlığının daha da gücləndirilməsi
məqsədilə banklara «məsuliyyətli, borc vermə» prinsiplərinə müvafiq olaraq
kreditlərin verilməsi sahəsində işlərin intensivləşdirilməsi və bu sahədə nəzarətin
artırılması tapşırılmışdır.
Eyni zamanda bank xidməti istehlakçılarına rəqabətli seçim imkanının
yaradılması məqsədilə 2014-cü ilin əvvəlindən faktiki illik faiz dərəcələrinin
(FİFD) tətbiqinə başlanmışdır. Maliyyə vasitəçiliyinin səmərəliliyinin və maliyyə
dərinliyinin yüksəldilməsi məqsədilə məcmu kapitalın minimum məbləğinə dair
kapital tələbinə uyğunlaşmaq üçün verilən müddət 1 yanvar 2015-ci ilədək
uzadılmışdır. 2013-cü ilin sonunda sistemin aktivlərinin və əhalinin əmanətlərinin
95%-dən çoxuna malik bankların kapitalı 50 mln.manata çatdırılmışdır.
Banklarda risklərin idarə edilməsi sisteminin səmərəliliyinə qarşı tələblər
artırılmışdır. O cümlədən, beynəlxalq təşkilatlarla birlikdə əməliyyat riskinin
tənzimlənməsi çərçivəsinin yaradılması istiqamətində tədbirlər görülmüşdür. Bank
sektorunda idarəetmə və hesabatlıq sisteminin səmərəliliyinin artırılması məqsədilə
Dostları ilə paylaş: |