82
XƏLİL RZA ULUTÜRK
SEÇİLMİŞ ƏSƏRLƏRİ
Təzə dil soxursan boğazımıza.
Apar sərvətimi, apar zərimi,
Apar gövhərimi, gülşənlərimi,
Dilimi yadlara vermərəm! – dedi.
Sağında bir nəfər ayaqyalın, tək
Solunda ağ köhlən pərişan, kövrək.
Alıb qolu üstə ölmüş əsgəri
Ağlayaağlaya qayıdır Babək.
1977
DÖRDLÜKLƏR
***
Mənim qanadlarım – nifrət, məhəbbət
Bu iki qaynaqdan könlüm güc alır.
Ucalıq görəndə əyilən başım
Alçaqlıq görəndə kinlə ucalır.
***
Sənin sarmaşıqdan xoşunmu gəlir?
Batini zülmətdir, zahiri işıq.
Yaxşı ki, həmişə sərv olmuşuq biz,
Heç kimin boynuna sarılmamışıq.
***
Dolu ürəyini boş adamlara
Açma! Öz yolunu bağlamaq asan.
Bəzən dişlərini qılınc eləyib
Dilini kəsməyi bacarmalısan.
***
Yaxşı ki, sən asan yolla getmədin,
Uymadın şöhrətə, dövlətə, vara.
83
Ürək atəşini təslim etmədin
Dağları dağıdan qasırğalara!
***
Qarşımda külqabı – ilbiz yuvası,
Ey doğma dünyanın ögey övladı!
Sən bir iblis kimi yaşadığından
Heç ilbiz qədər də izin qalmadı.
***
Ağrı da çəkirəm, əzab da, dərd də,
Dərdlərə zərbələr endirirəm mən.
Başqa dəmirçiyəm –
döyüb kədəri
Sənət sevincinə döndərirəm mən.
***
Meyvə yetişibmi? Bunu bilirsən
Rəngindən, dadından, ya qoxusundan.
İnsan yetişibmi? Bunu bilirsən
İliklərindəki yurd duyğusundan.
***
Bəli, qatılaşsa, zülmət nə qədər,
İşıq bir o qədər aydın görünər.
Tufandan yeni bir güc alar dəniz.
Dar gündə bir az da mərdləşirik biz.
***
Ömründə bircə yol sən də kişi ol,
Əzrayıl! Xeyri yox, qəbrə qoy şəri:
Gəl, vaxtında qopar boş stolundan
Möhürlü, hökmlü cənazələri.
84
XƏLİL RZA ULUTÜRK
SEÇİLMİŞ ƏSƏRLƏRİ
***
Haqqın yox hərifi duyuq salmağa,
Hazırlaş, zirehlən, bərki polad tək.
Düşmənin bağrını parçalamağa
Qurd ürəyi yemiş bir oğul gərək.
***
Kimləri dünyada kamil sanırsan?
Kimin ki, daxili tarazlığı var.
Vulkanda yıxılmaz dağlara bənzər
Rütbədən ensə də sarsılmayanlar.
***
28 Mayıs... iki erada
Ən azad, ən xoşbəxt, ən gözəl günüm!
Heçdim... bir dağ oldum o gün dünyada,
Haqqım var, o günü anıb öyünüm!
***
Qurdun sinəsində qurd ürəyi var.
Gözləri zülmətdə sanki cüt fanar.
Xeyri yox, ardınca yüz köpək hürə,
Gerimi qanrılar, dalamı baxar?
***
Qardaş süfrəsi aç mənim qarşımda,
Yağ ilə bal dadar lap yavan çörək.
Adi bir cümləni, yarım cümləni
Gül kimi iyləyək, mey kimi içək.
***
Özbək nəğməkarı – Abdulla Arif,
Neçin vurğununam, aç bu əsrarı.
85
Dilmi birləşdirir, ya qan birliyi
İkiüç qitəyə sığmayanları?
***
Qəbir daşındakı ayulduza bax,
Kişi əlləri tək açıq aypara...
Beş çərək torpağa sığan insanın
Muradı sığışmır asimanlara.
***
Mənim inamım var, sənin sərvətin,
Sən bu sərvət üstə zağzağ əsirsən.
Mən öz inamımın hökmdarıyam,
Sən öz sərvətinə qulsan, əsirsən.
***
Bir cüt qafiyə var meydan sinəndə,
Aç qızıl düyməni, ay canı yanmış.
Bədənin ağlığı, üzün ağlığı
Qaranlıq gecəyə işıq salarmış.
***
Sənin nadanlığın mənim üçün dərd,
Heyif, anlamırsan başkəsən qoçaq.
Mərdlərin boynunu vurursa namərd,
Bayquşlar qalacaq yurdunda ancaq.
***
Bir az ipəsapa yatan olsaydın,
Bəlkə qoyulmuşdu hardasa büstün.
Xalqıma xarakter bəxş edirəm mən
Hər şeydən gərəkli, hər şeydən üstün.
86
XƏLİL RZA ULUTÜRK
SEÇİLMİŞ ƏSƏRLƏRİ
***
Babək! Sən dağ idin atın belində,
Buluddan başına şeh damcılardı.
Dünyaya ildırım atan əlində
Tanrının intiqam qılıncı vardı.
***
Nəbzimdə neçə min vurğunu saydı
Hiddətim, nifrətim, qəzəbim, dərdim.
Beynimdə al səhər açılmasaydı
Bəlkə dağlar kimi od püskürərdim.
***
Müşfiq! Sən kim idin? Böyük pərvanə,
Sənətin başına dönən, dolanan.
Pərvanə çıraqdan od tutdu, yandı,
Sən öz varlığının alovlarından.
***
Sən öz varlığını tamam mənə ver,
Dağ dağa söykənsin, qəlbin qəlbimə.
Təklərin nəsibi basılmaq, manevr,
Birliyin nəsibi yalnız Qələbə!
***
Şeir gecəsindən qoşa çıxdılar,
Fikirlər, duyğular ayrıdı lakin.
Birinin gözündə sevinc yaşları,
Biri özü boyda gürzəvari kin.
***
Ərəblər kəndində toptop oynayan
Qaragöz balalar ürəyim, canım.
87
Bir zaman yad kimi gələnləri də
Doğmalaşdırıbdır Azərbaycanım.
***
Ruzusu boz torpaq, beşüç damla şeh,
Ancaq qanındakı ruh mərdanədir.
Ayaq verməsə də ilana tale,
Yenə də özünə yol açıb gedir.
***
Ömrümə, günümə dayaq bilirdim,
Hələ fəxr edirdim dəyanətilə.
Onun mərdliyini mən dağ bilirdim,
Ölçdüm mərdliyini santimetr ilə.
***
Deyirsən “yatıbdı qaraçuxam”, yox,
Elə bu cümləndir birinci zədə.
Sən itmiş bəxtini harda taparsan?
Dağları yırtacaq mübarizədə.
***
Ağız qapısında yatan şirdi söz,
Ram eləmək çətin, buraxmaq asan.
Düşməni parçalar, sərrast danışsan
Özünü parçalar sərməst danışsan.
***
Alimi kim duyar? Alim olan kəs.
Sən ürək sirrini nakəsə demə.
Kişi süfrəsində duz dad, çörək kəs,
Nakəs süfrəsində yağla bal yemə.
Dostları ilə paylaş: |