Azərbaycanın böyük şairi Xəlil Rzanın bizim xalqın mədəniyyətinin inkişafında böyük
Yüklə 2,49 Mb. Pdf görüntüsü
|
- Bu səhifədəki naviqasiya:
- XƏLİL RZA ULUTÜRK
- Türkan, 1962 106 XƏLİL RZA ULUTÜRK
104 XƏLİL RZA ULUTÜRK SEÇİLMİŞ ƏSƏRLƏRİ Kim mənə yaxarsa lap azca ləkə, Üzü bəzəksə də içi təzəkdir. Filin qarşısında özünü çəkən Kor çəyirtkə kimi görünəcəkdir. Mənim poeziyam, şax tut başını! Bütün əfiləri tapdalayıb keç. Əsrdən uzundur şeirin arşını, Deşikdən baxanı saya salma heç. Bütün əfiləri tapdalayıb keç! Nildən Kamçatkaya, Oderə qədər Kök atmış ulusun övladıyam mən. Məni sıxa bilər de, hansı kədər? Bütün qartalların qanadıyam mən. Elbrus, Savalan övladıyam mən! Qoy bütün gürzələr çıxsın yuvadan, Vətən gürzələri, milli gürzələr! Üzdə alimfason, əslində nadan, Möhürlü, stollu, qollu gürzələr, Vətən gürzələri, milli gürzələr! Sizə minnətdaram, sürünənlərim, Bircə medal üçün sinov gedənlər! Qab dibi yalayıb sülənənlərim, Pusquda dayanıb rütbə güdənlər, Bircə medal üçün sinov gedənlər! Əkinə gübrə tək yarasaydınız, Sizi kürüyərdim, tökərdim şuma. Deyirlər, bir zaman yarasaydınız, Uçardınız nura göz yumayuma. Sizi kürüyərdim, tökərdim şuma. Sizə minnətdaram, bağrımda yaram, Hiddətim, göynəyim, sızıltılarım. Ölməyin, hələ ki meydanda varam, Soyumaq bilməyən dərdim, qubarım, Hiddətim, göynəyim, sızıltılarım! 1986 105 SAĞLIQ, YAXUD VƏSİYYƏT Məst olmaqla ölümün Bəlkə bircə santidi məsafəsi, arası. Ancaq mən ölsəm belə Ölməz ürəyimdəki həsrət, hicran yarası. Məst olmaqla ölümün Xırdaca tük qədərdi, inanın ki, arası. Məst olanlar bəlkə də yeri, göyü unudar, Mənsə unuda bilməm doğma Azərbaycanı, bir də qanlı Arazı. Qaldırın badələri! İçək Azərbaycanın, bu müqəddəs məkanın, torpağın sağlığına! Hardasa Araz boyu Saralıb düşən bircə yarpağın sağlığına! İçək... Araza doğru uzanıb... orda itən Cığırın sağlığına! ...Azdır bir sağlıq ona. O qoşa cığır, qafil, bəlkə heç cığır deyil, Öz vüsal yollarımdır. Bəlkə o taya doğru uzanan qollarımdır. Ölsəm... məzarıma gülab, ətir tökməyin Vəslə yetmiş vətəndə Arazdan bircə ovuc Alın, tökün üstümə, ayrı heç nə istəməm. O vaxtacan Arazın suları durulmasa, Heç olmasa onda siz Azərbaycan dilində mənə rəhmət deyiniz! Əgər bu da olmasa, rədd olun, yansın qəbrim. Bu Odlar torpağı tək daim odlansın qəbrim! Türkan, 1962 106 XƏLİL RZA ULUTÜRK SEÇİLMİŞ ƏSƏRLƏRİ Balalara hədiyyə QAVALDAŞ Sən gördüyün bu sal daş Bəlkə yüz əsrə yoldaş! Bir yaxınlaş, bir yanaş, Qavaldaşdı, qavaldaş. Bəli, qavala oxşar: Girdə, sığallı, hamar. Qaval kimi çalıblar Onu bizim babalar. Daş qavala daş dəyib Gözəl bir ahəng ilə. Üzlər, gözlər gülübdür Səs düşəndə sahilə. Daş qaval çalınanda Toy olmuş, bayram olmuş. Bəzən ceyran, cüyür də Bu ahəngə ram olmuş. Ürəklər susan zaman Küləklər çalıb onu. Şırım salıb köksünə, Şimşəklər çalıb onu. Gör nə deyir o şırım, O ildırım zolağı: Musiqiyə beşikdir Azərbaycan torpağı!
107 YALLI RƏQSİ Qayada bir şəkil var: Yallı gedir adamlar. Nələr düşür gör yada: Ən çətin zamanda da İnsan gülüboynamış. Canda musiqi eşqi Qayırqayır qaynamış! Nə gözəldir silsilə, Hamı verib ələlə. Oğlan necə yaraşır Yanındakı gözələ! Onlar çaxan şimşəyi, Yağan qarı dinləyib. Səmada qaqqıldaşan Durnaları dinləyib. Duyublar, hay salanda Ağ köpüklü dalğalar: Təbiətin özündə Musiqi var, şərqi var! Onlar zövqü, sevinci Birbirinə bəxş edib. İlk rəssam ilk yallını İlk qayaya nəqş edib. 1965 108 XƏLİL RZA ULUTÜRK SEÇİLMİŞ ƏSƏRLƏRİ SEVİMLİ NAXÇIVANIM Azərbaycan bahardır, Sən baharın gözüsən. Bu torpaq laləzardır, Laləzarın gözüsən. Qucağında birləşib Həm dağım, həm aranım, Gəzim Araz boyunca Qoy başına dolanım. Sevimli Naxçıvanım, Günəşli Naxçıvanım! Bu torpağı bəzəyir Min illik abidələr. Dünyaya işıq səpər Ayla, günlə bərabər. Gülüstanlar gül açar Ordubad bağlarında. Ürəyim dağa dönər Salvartı dağlarında!
Ana dili əzizdir Doğma anamız kimi. Dili gözəl bilənlər Olur nitqin hakimi! Mən bilirəm sözlərin Nə cür doğulduğunu.
109 Ağacda “qolbudağ”ın “Qol” və “bud” olduğunu. “Yum” sözündən törənmiş “Yumşaq”, “yumaq”, “yumurta”, Yumurlanır yumruğum, “Yum” sözünü umur da! “Yaşar”, “yaşıd”, “yaşıllıq” Bircə “yaş”dan yaranmış. “Qaşıq” yonub ağacı Qaşımaqdan yaranmış. Bağa baxan bağbana Ad verib elin ağlı. Bağban bağa bağlıdır, Bağ da bahara bağlı. Al yanaqlı almanı Becəriblər, yeyiblər. Qızarıb, allanıb ki, Ona alma deyiblər. Mən sevirəm Sabirin, Fuzulinin dilini. Dilim görən gözlərim, Çarpan qəlbim deyilmi?!
Yüklə 2,49 Mb. Dostları ilə paylaş:
|