140
XƏLİL RZA ULUTÜRK
SEÇİLMİŞ ƏSƏRLƏRİ
Məqribə,
məşriqə,
cahana göstər
Adında gizlənmiş istedadını!
Bir səhər, bir günəş var mənzilimdə,
Qoy dünyalar bilsin nəçisən, kimsən:
Kiçik mənzilimdə, dar mənzilimdə
Sən ucsuzbucaqsız məmləkətimsən!
Ey bala Təbrizim, gün o gün olsun,
Ana Təbrizimə mən azad deyim.
Baban Şəhriyara kürəkən ol sən,
Qovuşsun Təbrizə Şəhrizad deyim.
Arzular könlümdə çeşməçeşmədir,
Arzular qoynunda boy atmışam mən.
Səni arzum üçün, amalım üçün,
Səni döyüş üçün yaratmışam mən!
Atanın ömrünə oğul yaraşıq!
Qoy bir nəfəs alım daha dərindən.
Mən öz Təbrizimlə bu gün yanaşı
Keçirəm Bakımın küçələrindən!
Bu gün yağış yağır... qorxma yağışdan
Tufanda, şimşəkdə bərkisin canın.
Sən mənim balamsan, mən sənin atan
Biz bir cüt oğluyuq Azərbaycanın!
1964
VURULMUŞAM MƏN SƏNƏ!
Vurulmuşam mən sənə,
Mənim bir yaşlı balam.
Asiman evimizdə
Səhər baxışlı balam.
141
Mən sənin yerişinə,
Hər işinə vurğunam.
Baxışına, boyuna,
Gülüşünə vurğunam!
Qollarımın üstündə
Quzu kimi yatan sən.
Oyananda hər şeyi
Birbirinə qatan sən.
Ananın çox sevdiyi
Güldanları qıran sən.
Gözəl büllur qabları,
Fincanları qıran sən.
Bəzən insafa gəlib,
Qırdığını “quran” sən!
Mənim kiçik memarım,
Mənim körpə dəcəlim!
Qoy başını dizimə,
Sən uyu, mən dincəlim.
Hələ sənin əlinlə
Sular durulmalıdır.
Nələr uçurulmalı,
Nələr qurulmalıdır.
Mən sənin gözlərində
Yanan oda vurğunam.
Bu qırmaq həvəsinə,
Bu qurmaq həvəsinə,
Bu inada vurğunam.
Sığışmırsan beşiyə,
Sığışmırsan qəfəsə.
Mən vurğunam qəfəsi
Dağıdan bu həvəsə.
142
XƏLİL RZA ULUTÜRK
SEÇİLMİŞ ƏSƏRLƏRİ
Körpə dodağındakı
Südlü, odlu nəfəsə.
Ay mənim səadətim,
Mənim bir yaşlı balam.
Körpə şir balası tək
Pəncəli, döşlü balam.
Arzum budur: həyata
Məsləkinlə gələsən.
Nəyi uçurduğunu,
Nələri qurduğunu
Qabaqcadan biləsən.
1965
SƏN MƏNİM VÜQARIMSAN
Əbubəkr oğlu Əcəminin yaratdığı
Möminə xatun məqbərəsi önündə düşüncələr
Gözümə nur gəlir, baxdıqca sənə.
Qəlbim qüvvət alır hər naxışından.
Yerə yox,
sən bütün yer kürəsinə
İstinad etmisən yaranışından!
Zərif kitabələr sözlüsöhbətli,
Hər kiçik nəqşədə bir aləm mənim!
Məhsəti şöhrətli, Həcər qüdrətli,
Nigar ləyaqətli məqbərəm mənim!
Zümrüd kaşıların zəri sönməyib,
Dünənin bugünlə söhbətidir o.
Yox!
143
Memar Əcəmi hələ ölməyib,
Sabahkı ömrünün şöhrətidir o!
Başında xalqımın sənət çələngi,
Sənətin susmayan dili səndədir.
Səhəndin vüqarı, Göygölün rəngi,
Muğanın çiçəyi, gülü səndədir.
Natəvan söyləsəm sənə,
yaraşar,
O da sənin qədər incə olubdur.
Torpağa hopmayıb tökdüyü yaşlar,
Şeir olub, mirvari, inci olubdur.
Qılınclar toqquşub töküləndə qan,
Dağıldı nə qədər sərvətimzərim.
Sən ey səkkiz əsrin fırtınasından
Gəlib bu günlərə çatan gövhərim!
Səndən işıq aldı Təbriz, Marağa.
Səninlə fəxr etdi Ərdəbil, Salmas.
Sənət dünyasında döndün mayağa,
Min tufan qopsa da bir gülün solmaz!
Yanından sovuşan adicə rüzgar
Sənin nəfəsinlə ətirlənibdir.
Gün səni görəndə parlayıb parpar,
Ay səni görəndə bədirlənibdir.
Alqış!
Əcdadımın ruhuna alqış.
Elimə, obama kömək yarandı.
Sən özün dünyada heç yaranmamış,
Səni qorumağa Babək yarandı.
Yağlı tikə üçün gələn yağılar
Diş qıcıb,
dövrənə çox dolanıbdır.
144
XƏLİL RZA ULUTÜRK
SEÇİLMİŞ ƏSƏRLƏRİ
Burda yüz fatehin havalı başı
Misri qılınc ilə ağıllanıbdır.
Gəlsin bir də baxsın Yakobstal, Zarre,
Sənə əbədiyyət bəxş eləmişəm.
Gözümün nurunu mən zərrəzərrə
Sənin hər daşına nəqş eləmişəm.
Qoy yağış çiləsin... göstər göyləri.
Sən bir daş deyilsən.
Sən bir güzgüsən.
Vüqarlı çiynində qızıl dan yeri.
Mənim özümünsən!
Özümünküsən!
Qoy gəlib yanından ötsün dumançən.
Sən yar buludları nur seli kimi.
Dayan Şah dağıyla, Savalanla tən,
Şərqin qocalmayan gözəli kimi!
Gözümə nur gəlir,
baxdıqca sənə,
Qəlbim qüvvət alır hər naxışından.
Yerə yox,
sən bütün yer kürəsinə
İstinad etmisən yaranışından!
1965
QƏSBKARLAR
Roma imperiyasının ildırım sürətli XII legionu
eramızın I əsrində zərbaycandan gəlib
keçmişdir. Qobustan qayalarından birində onların
yazılı nişanəsi qalmışdır.
Düşüncəmdə bir sual yenə haray qoparmış:
Daşlar nədən yaranmış, dağlar nədən yaranmış?
145
Dağlar bəlkə yaranmış xalqın sinə dağından,
Torpağın zülm əlində naçar sıxılmağından!
Görən neçin ucalmış bu bahadır qayalar?
Bəlkə əcdadımızın qalxanıdır qayalar!
Sinəsi şırımşırım, ayağında göy mamır...
Nə qədər tufanların dilsiz yadigarıdır.
Mən heykəl qoymamışam Cavanşirə, Babəkə,
Bəlkə mənim bu səhvim təbiətə bəllidir.
Qobustan qayaları, Savalan dağı bəlkə
Babək mücəssəməsi, Cavanşir heykəlidir!
Görən qayaların da dostudüşməni varmı?
Olmasa belə tutqun, belə sərt dayanarmı?
Bu fikirlər içində gedirəm yavaşyavaş.
Birdən çıxır rastıma görmək istədiyim daş.
Budur o fatehdən qalan nişanə,
Yağışdan, yağmurdan solan nişanə:
İmperator Domisian Sezar Avqust Germanskinin dövrü.
Lutsi Yuli Maksim. “İldırım sürətli” XII legion senturionu.
Həkk edib adını böyük bir daşa.
Fikirlər içində baxıram daşa,
Xəzinə üstündə yatan ilan tək
Adlayıb illəri mənimlə qoşa.
Baxıram, gözümdə canlanır şəkli
Zirehli paltarı polad bəzəkli.
Dəmir dəbilqəsi bəyaz lələkli,
Köksündə nur saçan günəşin əksi
Dostları ilə paylaş: |