60
cinayətlərin açılması sahəsində real vəziyyəti ciddi təhrif etmiş, cinayətkarlığa qarşı mübarizə
tədbirlərinin hazırlanmasını çətinləşdirmişdi.
Cinayətkarlığa qarşı mübarizənin lazımi hüquqi bazasının yaradılması sahəsində heç bir iş
görülmür və o vaxtlar qüvvədə olan cinayət qanunvericiliyi müasir tələblərə cavab vermədiyindən təcrübi
işin zəruri tələbatını ödəmirdi. Bu illərdə ciddi sosial əsaslandırma, elmi təhlil aparılmadan, ictimaiyyətin,
o cümlədən alim və mütəxəssislərin rəyi öyrənilmədən Cinayət Məcəlləsinə dəfələrlə əlavələr və
dəyişikliklər edilmişdi. Bu da onun daxili-hüquqi əlaqələrində uyğunsuzluğa və cinayət-hüquq
sanksiyalarında tarazlığın pozulmasına gətirib çıxarmışdı.
İnsan hüquq və azadlıqlarının kütləvi surətdə pozulduğuna baxmayaraq, vətəndaşların hüquqlarının
məhkəmə müdafiəsi təmin olunmurdu.
Ölkədə yaranmış böhranlı vəziyyətin əsası xalqdan uzaq düşmüş olan Əbdürrəhman Vəzirov
tərəfindən qoyulmuşdu. SSRİ rəhbərliyi tərəfindən vəzifəyə təyin edilmiş Vəzirov öz fəaliyyətinə
Azərbaycan iqtisadiyyatının əsaslarının dağıdılmasından başlamış və bu məqsədlə Moskvadan böyük
yoxlayıcılar briqadası gətirmişdi. Bu dəstə tərəfindən aparılan yoxlamalar zamanı yüzlərlə kolxoz və
sovxozun, istehsalat və ticarət müəssisəsinin fəaliyyəti iflic vəziyyətinə salınmış, respublikaya böyük
iqtisadi ziyan
vurulmuş, günahsız insanlar cinayət məsuliyyətinə cəlb olunmuşdular.
Azərbaycan vətəndaşlarının, sadə zəhmət adamlarının qondarma "pambıq işi" adı altında kütləvi
surətdə əsassız həbs olunmalarının arxasında ermənipərəst Qorbaçovun düşünülmüş siyasəti və onun
icraçıları dururdu. Azərbaycanlıların kütləvi təqibi 1990-cı il 20 yanvar faciəsinin başlanğıcı idi.
1990-cı illərin əvvəlində Azərbaycanda yaranmış vəziyyət, Moskvanın vassalı Ə.Vəzirovun, 20
yanvar faciəsinin əsas səbəbkarlarından biri olan A.Mütəllibovun, sonradan Əbülfəz Əliyev, İsa
Qəmbərov, Pənah Hüseynov kimi qondarma meydan siyasətbazları, yalançı demokratların hakimiyyəti
tərəfindən davam etdirilən mahiyyətcə antiazərbaycan, antidövlətçilik siyasətinin məntiqi nəticəsi idi.
Yalnız cənab Heydər Əliyevin xalqın tələbi ilə hakimiyyətə gəlməsi sayəsində ciddi intizam,
tələbkarlıq və dövlət mənafeyi kimi amillər ön plana çəkildi, müstəqilliyimizin və dövlətçiliyimizin
möhkəmləndirilməsi sahəsində uğurlu addımlar atıldı, cəmiyyətdə hökm sürən hərc-mərcliklərə və
özbaşınalıqlara qarşı mübarizənin təməli qoyuldu, ictimai-siyasi sabitliyin bərqərar olunması məqsədi ilə
ciddi tədbirlərin həyata keçirilməsinə başlanıldı.
1994-cü il oktyabr və 1995-ci il mart dövlət çevrilişləri cəhdlərinin qarşısının alınması, Surət
Hüseynovun, Cavadov qardaşlarının kölgəsi altında, onların başçılıq etdikləri cinayətkar dəstələrin,
XTPD kimi dövlət strukturlarına daxil olan bir qurumun qanunsuz hərəkətləri fonunda əl-qol açan digər
cinayətkar qrupların və ünsürlərin ifşa olunması və zərərsizləşdirilməsi respublikada bütövlükdə
cinayətkarlıqla mübarizənin yeni vüsətdə güclənməsinə təkan verdi.
Azərbaycan Respublikasının Prezidenti 1994-cü il avqustun 9-da "Cınayətkarlığa qarşı
mübarizənin gücləndirilməsi, qanunçuluğun və hüquq qaydalarının möhkəmləndirilməsi tədbirləri
haqqında" fərman imzaladı. Bu fərman ölkədə konstitusiyalı dövlət quruluşunun mühafizəsinə, insan
hüquq və azadlıqlarının cinayətkar qəsdlərdən qorunmasına yönəlmiş və cinayətkarlığa qarşı mübarizədə
əsaslı dönüş yaratmışdır.
Həmin fərmana əsasən Azərbaycan dövlətinin inkişafına mane olan amillərə qarşı mübarizə
metodları və üsulları genişləndirilmiş, cinayətkarlığa şərait yaradan halların aradan qaldırılmasına
yönəldilmiş əməli tədbirlər gücləndirilmiş, müvafiq təşkilati və praktiki tədbirlər planlaşdırılmış
və uğurla
həyata keçirilmişdi.
Bu tədbirlər nəticəsində hüquq-mühafizə orqanları sistemində və digər sahələrdə cinayətkarlarla
əlbir olan, təxribatlar törədən, vəzifədən sui-istifadə edən, rüşvətxorluq və bir çox başqa qanunsuz
əməllərlə məşğul olan, pozuntulara və əyintilərə yol verən şəxslər müəyyən olunub tutduğu vəzifələrdən
kənarlaşdırılaraq məsuliyyətə cəlb olundular.
Azərbaycan Respublikası Prezidentinin bu və digər fərman və sərəncamlarında qarşıya qoyulan
vəzifələrin hüquq-mühafizə orqanları tərəfindən müvəffəqiyyətlə həyata keçirilməsi, görülmüş kompleks
və çevik əməliyyat tədbirləri 1994-cü ilin oktyabrı və 1995-ci ilin martında dövlət çevrilişi cəhdlərinin
aradan qaldırılması, ölkə Prezidentinin fiziki məhvinə yönəldilmiş sui-qəsdlərin qarşısının alınmasını,
onların təşkilatçılarının ifşa olunmasını təmin etmiş, respublikada siyasi qarşıdurma yaratmaq cəhdlərinə
qətiyyətlə son qoymuşdu.
Məhz bu illərdə Azərbaycan xalqına, onun Ə.Xanbabayev, A.Cəlilov, Ş.Rəhimov, Z.Bünyadov
kimi görkəmli nümayəndələrinə qarşı törədilən cinayətlərin üstü açılmış, onların sifarişçiləri və icraçıları
müəyyən edilmiş və cinayət məsuliyyətinə cəlb edilmişlər.
61
Hakimiyyətsizlik və hərc-mərclik illərində formalaşmış cinayətkar dəstələr, mütəşəkkil silahlı
quldur bandaları dağıdılmış, törədilmiş cinayətə görə cəzanın labüdlüyü prinsipi təmin olunmuş,
cinayətlərdə iştirak etmiş hər bir şəxs ədalət mühakiməsinə verilmişdir.
Narkotiklərin yayılması və narkomanlıqla mübarizə tədbirləri Azərbaycan Respublikası
Prezidentinin bir neçə fərman və sərəncamı ilə ümumdövlət səviyyəsinə qaldırılmış, bu cinayətin
qarşısının alınması üçün dövlət proqramları, Milli Məclis tərəfindən müvafiq qanun qəbul edilmiş,
təşkilati və digər əsaslı tədbirlər həyata keçirilmişdir.
Cinayətkarlıqla mübarizədə görülmüş işlər nəticəsində cinayətlərin azalması meyli son illərdə
ardıcıl və dönməz xarakter almışdır. 1992-ci illə müqayisədə 2000-ci ildə qeydə alınmış cinayətlərin sayı
37,8 faiz, o cümlədən cinayət axtarış xətti ilə 39,0 faiz, onların ağır növləri, o cümlədən qəsdən
adamöldürmələr 2,5 dəfə, quldurluq və soyğunçuluqlar 3,8 dəfə, oğurluqlar 3,3 dəfə, nəqliyyat
vasitələrinin oğurlanması və qaçırılması 10,6 dəfə azalmışdır.
Həyata keçirilən məqsədyönlü tədbirlər nəticəsində cinayətlərin açılması ildən-ilə yaxşılaşaraq
1992-ci illə müqayisədə 67 faizdən 2000-ci ildə 92,4 faizədək yüksəlmişdir.
Axtarışda olan cinayətkarların tutulması 4,6 dəfə artmışdır. Belə ki, son illər ərzində cinayət
məsuliyyətindən yayındığına görə axtarışda olan 20 mindən artıq cinayətkar tutularaq məsuliyyətə cəlb
olunmuşdur. Onların arasında Azərbaycan xalqına və dövlətinə qarşı qatı cinayətlər törətmiş Surət
Hüseynov, Rəhim Qazıyev, Əlikram Hümbətov, Elçin Əmiraslanov, İlqar Səfixanov, Kəramət Kərimov,
Vahid Musayev,
Faiq Baxşəliyev, Natiq Əfəndiyev və digərləri vardır.
Ölkədə sabitliyin və vətəndaş sülhünün qorunması üçün ayrı-ayrı cinayətkar qurumların
nəzarətində olan külli miqdarda silah-sursat aşkar edilmişdir. Qanunsuz saxlanılan 21 mindən artıq
müxtəlif növ odlu silah, milyonlarla hərbi sursat aparılmış əməliyyat-axtarış və profilaktiki tədbirlər
nəticəsində müsadirə olunmuşdur və bütün bunlar odlu silahla törədilən cinayətlərin sayını 7 dəfə
azaltmağa imkan vermişdir.
90-cı illərdə mütəşəkkil silahlı dəstələrə qarşı aparılan qətiyyətli mübarizənin ən mühüm
nəticələrindən
biri də o oldu ki, əvvəlki illərin xofu insanların canından çıxmağa başladı,
onlarda qanunun
gücünə,
hakimiyyətə, dövlətçiliyə inam yarandı. Əvvəllər qorxu və təzyiqlər altında
susmağa məcbur olan
yüzlərlə vətəndaş törədilmiş cinayətlər barədə dövlət orqanlarına məlumatlarla müraciət etməyə
başladılar. Əməliyyat- axtarış və istintaq tədbirləri nəticəsində keçmiş illərdə törədilən və açılmamış
qalan sifarişli qətllər, adam oğurluqları, işgəncələr və şəxsiyyət əleyhinə olan digər cinayətlər, oğurluq,
soyğunçuluq, quldurluq, hədə- qorxu ilə tələb etmə (reket) və mülkiyyət əleyhinə olan digər bu kimi
cinayətlər açılmış, təqsirkar şəxslər ədalət mühakiməsinə verilmişlər.
Azərbaycan iqtisadiyyatının düşdüyü çətin vəziyyətdən çıxarılması, bu sahədə yeni iqtisadi
münasibətlərin formalaşdırılması üçün Azərbaycan Respublikasının Prezidenti Heydər Əliyevin yeritdiyi
siyasət və onun nəticələri göz qabağındadır. Bu gün ölkə iqtisadiyyatı əvvəlki illərin böhranından
qurtulmuş və tədricən, dönmədən inkişaf yolu ilə irəliləməkdədir. Bu yöndə həyata keçirilən siyasətin
əsas istiqamətlərindən biri - iqtisadiyyatın inkişafına mane olan, xalqın əmlakına göz dikən, korrupsiya və
rüşvətxorluğa qurşanan ünsürlərə qarşı barışmaz, qətiyyətli və amansız mübarizə aparmaqdır.
İqtisadi sahələrdə törədilən cinayətlərin aşkar edilməsi nəticəsində hərc-mərclik illərində dövlət
əmlakının talan olunması, mənimsənilməsi və israf edilməsi ilə bağlı ciddi faktlar aşkar olunmuş, cinayət
işləri başlanmış, cinayətkarların əksəriyyətinin yüksək vəzifə sahibləri olmasına baxmayaraq, məsuliyyətə
cəlb olunmuşlar. Belə şəxslərdən biri qulluq mövqeyindən istifadə edərək xalqın külli miqdarda əmlakını
mənimsəmiş və törətdiyi cinayətlərə görə məsuliyyətdən yayınmaq məqsədi ilə qaçıb hazırda xaricdə
gizlənərək özünü "demokratiya carçısı" adlandıran Rəsul Quliyevdir.
Respublikada sabitliyin bərqərar olunması xalqın iqtidara və hüquq- mühafizə orqanlarına inamının
artmasına, cəmiyyətdə mövcud olmuş qorxu və cinayətkarlar arasında hökm sürmüş cəzasızlıq əhval-
ruhiyyəsinin aradan götürülməsinə səbəb olmuşdur. Ayrı-ayrı siyasətbazların milli taleyimizlə
pərdəarxası oyunlarına, siyasi anarxiya və eksperimentlərinə son qoyulmuşdur.
Prezident Heydər Əliyevin rəhbərliyi altında aparılmış son dərəcə gərgin fəaliyyət nəticəsində
ölkədə cinayətkarlıq cilovlanmış və kriminogen durum tam nəzarət altına alınmışdır.
Bunun nəticəsidir ki, MDB ölkələri arasında Azərbaycan krımınogen durumun vəziyyətinə görə ən
sabit olan ölkədir. 2000-ci ildə əhalinin hər 100 min nəfərinə düşən cinayətlərin sayına görə
Azərbaycanda Rusiyadan 11,4, Belarusdan 7,5, Ukraynadan 6,2, Qazaxıstandan 5,4, Moldovadan 5,1 dəfə
az cinayət törədilmişdir.
Azərbaycan Respublikasında ictimai-siyasi sabitliyə nail olunması vətəndaşların hüquq və
mənafelərinin müdafiəsinə, bazar münasibətlərinə əsaslanan iqtisadiyyatın və sahibkarlığın inkişafına,