Abid Tahirli
~
124
~
Zamanımızın məsələləri
Yalnız Rusiya yox, bütün dünya müsəlmanlarının ümumi
problemlərini araşdırmaq, üzə çıxarmaq, onların həlli yollarını
müəyyənləşdirmək
İ.Qaspiralını
hələ
gənc
yaşlarından
düşündürmüş və bu istiqamətdə müəyyən addımlar atmışdır
«Tərcüman»ın 1906-cı il may nömrələrində (№ 50, 51, 52)
«Zamanımızın məsələləri» adlı məqaləsində o, bu işi «canımıza
minnət, bütün ömrümüzə bədəl və bərəkət» kimi qəbul etdiyini
yazır və Makaryada keçirilmiş (Nijni-Novqorod) ümumrusiya
müsəlmanlarının ilk məclisinin tarixi əhəmiyyətindən bəhs edir. O,
bu tədbiri Rusiya müsəlmanlarının yeni tarixinin baş səhifəsi
adlandırır və qeyd edir ki, bu qurultay elektrikgücü kimi millətin
bütün vücudunu başdan-ayağa gətirib hərəkətləndirib onun
düşüncələrində bir neçə ay ərzində beş-on illik dövrə bərabər
tərəqqi əmələ gətirdi. Bu tədbirin keçirilməsinə hazırlıq xəbəri və
onun təbliği «Tərcüman» vasitəsi ilə həyata keçirilmişdi. Bu işi
İ.Qaspiralı millətə «fəxri xidmət adlandırır» və ona bu işdə yardımçı
olan Əli Mərdan bəy Topçubaşovun (1865-1893) və Əbussuud
Mirzə Əhmədovun adını qədirbilənliklə çəkir.
Tədbirin keçirilməsi üçün rəsmi icazə ala bilməyən qurultay
iştirakçıları böyük paroxod icarəyə götürür və «Ufa suyu üzərində»
300 nəfərin iştirakı ilə Rusiya müsəlmanlarının birinci qurultayı öz
işinə başlayır. İ.Qaspiralının fikrincə, bu qurultay müsəlmanları
ayıltdı, millətin birləşməsinə və birgə iş görülməsinə səfərbər etdi,
millətin maddi və mənəvi tərəqqisi yollarını müəyyənləşdirdi və
onlar öz fəaliyyətlərində rusların tərəqqipərvər xadimləri, partiyaları
ilə əməkdaşlığın faydalı olacağı qənaətinə gəldilər.
Bütün türklərin tərcümanı
~
125
~
Rusiya müsəlmanlarının II qurultayı irəliyə doğru daha bir
addım atdı: milli partiya qurulması məsələsi gündəliyə gətirildi.
«Bu millətə ən əvvəl lazım olan üç şeydir: milli düşüncə, milli dil,
milli təhsil. Bunlar bizdə yoxdur, lakin gərək olduğu hər kəsə
aydındır. Bu hissin, bu duyğunun səmərəsidir ki, millət məclislərə
can atır, toplanır» - yazan İ.Qaspiralı növbəti III qurultayın
gündəliyini də bəyan edir. Dumadakı vəkillərə birliyimizlə mənəvi
güc vermək, milli partiyamızın proqramını, nizamnaməsini və
idarəsini vücuda gətirməkdən növbəti seçkilərdə daha fəal olmaq, az
müsəlman olan vilayətlərdən də deputat seçilməsinə, elmin və
dünyəvi təhsilin geniş yayılmasına çalışmaqdan və islam əhlinin
düçar olduğu geriliyin çarəsini və dərmanını tapmaqdan, köhnə
adət-ənənələri islah etmək və indiki tələblərə uyğunlaşdırmaqdan
ibarətdir.
Müsəlmanların üçüncü qurultayı
Birinci Rus inqilabından sonra çar hökumətinin müəyyən
islahatlarından və imtiyazlarından millətin nəfinə bacardıqca daha
çox yararlanmaq üçün İ.Qaspiralının xüsusi fədakarlıq etdiyi,
əvvəllər üstüörtülü və ehtiyatla irəli sürdüyü fikirləri açıq və geniş
bəyan etməsi Rusiya müsəlmanlarının qurultayları ilə bağlı
yazılarında daha qabarıq görünür. Bu baxımdan 1906-cı il avqustun
28-dən 31-dək Nijni-Novqorodda keçirilmiş III qurultaya həsr
olunmuş irihəcmli məqalə də («Tərcüman», 28 avqust, № 96, 30
avqust, № 97, 1 sentyabr, № 98) xarakterikdir, diqqəti çəkir.
Müəllif göstərir ki, əslində müsəlmanların qurultayını keçirmək
ideyası 15 il əvvəl ortaya çıxmışdı, lakin bir sıra bəzilərinin hədsiz
ehtiyatlığı, qorxaqlığı, eyni zamanda hökumətin mövcud qanunları
Abid Tahirli
~
126
~
həmin dövrdə bu fikrin reallaşdırılmasına mane olmuşdur.
İ.Qaspiralı sonra I və II qurultayın keçirilməsi, iştirakçıları və
gündəliyi, eləcə də əks-sədası və ictimai fikrə təsiri barədə söz açır,
III qurultayın qəbul etdiyi qərarların xüsusi ilə əhəmiyyətli olanları
sadalayır ki, bunların da içərisində təhsil islahatları aparmaq
(tədrisin ilk pilləsindən sonra ortaq türk dilində aparılması, müvafiq
dərs vəsaitlərinin türk dilində nəşri və s.), müsəlmanların siyasi
partiyasını təsis etmək, Peterburqda rusca müsəlman qəzeti
buraxmaq, islam əhli arasına hökumət tərəfindən missionerlərin
göndərilməsinə son qoymaq və s. kimi çox ciddi problemlərin
həllini nəzərdə tutan qərarlar da vardı.
İ.Qaspiralı adı çəkilən məqalənin sonrakı hissəsində
qurultaya hazırlıq və onun gedişi dövründə «Tan», «Vaxt», eləcə də
«Novoye vremya», «Vulqar» qəzetlərinin tədbirlə bağlı dərc etdiyi
məqalələri təhlil edir, dəyərləndirir, münasibətini bildirir. O, xüsusi
ilə «pisi yaxşı, yaxşını pis» kimi təqdim edən «Novoye vremya»
qəzetinin mövqeyini kəskin tənqid atəşinə tutur və «biz
müsəlmanlar ministrə deyil, hətta kiçik bir rəsisə də ədəblə müraciət
edərik, lakin ayaqlarına yıxılmarıq. Qarşısında diz çökdüyümüz
Allahın ayaqları yoxdur» - yazaraq qurultayın keçirilməsinə hazırlıq
dövründəki problemlər və məclis zamanı baş verən intriqalar,
onların həlli üçün göstərilən səylər, fədakarlıqlar barədə oxucuda
geniş təsəvvür yaradır və sonra gur səslə bildirir: «Tərcüman» 24
ildən bəri meydandadır, nədir, necədir – bu hər kəsə məlumdur.
İlminskilərin
nəzarətindən,
missionerlərin
iftirasından,
Pobedonostsev (çarın yaxın adamı – T.A.) cənablarının iqtidarından
və əzəmətindən qorxmayıb, addım-addım, iynə ilə daş deşər kimi
xidmət göstərmişdir, qorxduğu isə iki şey vardı: biri başı şapkalı
molladır, digəri çalmalı mirzədir!
Dostları ilə paylaş: |