vurğulamışlar. Onlar sosial mühitin humanizm dəyərlərinin,
mədəniyyətin, ayrılıqda hər bir insanın formalaşmasında rolunu
göstərmişlər.
Müasir Qərb sosioloqu Uayt sivilizasiyanı xarakterizə
edərək, ona daxil olan üç tərkib komponentinin əlaqəsi əsasında
təhlilini vermişdir. Bu komponentlər sırasında o, texnikanı,
cəmiyyətin sosial təşkilini və fəlsəfəni göstərir. Onlardan ən
əsaslı göstərici – texnikadır. İngiltərə sosioloqu Toynbi si-
vilizasiyanı müxtəlif elita ilə fərqlənən “müddət ölçüsu” ad-
landırır. Beləliklə, sivilizasiya cəmiyyətin maddi və mənəvi
mədəniyyətinin müəyyən inkişaf səviyyəsi olaraq ictimai inki-
şafın məcmusu deməkdir. Hal-hazırda Qərb və Şərq siviliza-
siyaları bir-birinə qarşı qoyulur, lakin onlar bu və ya digər
cəmiyyətin tarixi tipi qalaraq ona məxsus olan mədəniyyət, din,
sosial norma və dəyərləri ilə fərqlənirlər.
Cəmiyyətin inkişafında sadə və mürəkkəb xüsusiyyətləri ilə
yanaşı biz sosial-siyasi münasibətlərin demokratikləşməsi və
xarici dünyaya münasibətini göstərən – bağlı və açıq; hakim dinin
növünə görə – islam, pravoslav, katolik və s. cəmiyyətləri göstərə
bilərik.
Lakin, sosioloqların diqqətini sosial-iqtisadi əlamətlərinə
görə fərqlənən cəmiyyətlər cəlb edir. Burada ikili münasibətlər
mövcuddur: ictimai-iqtisadi formasiya yanaşma (marksist) ya da
müasir qərb sosiologiyasında “üç mərhələ” nəzəriyyəsini
(sivilizasiyalı yanaşma) göstərmək olar.
Cəmiyyət təbii əsaslar üzərində yarandığı üçün o, bilavasitə
təbiətlə əlaqədədır. Cəmiyyət və təbiətin qarşılıqlı təsiri
prosesində insanlar təbiətdən özləri üçün zəruri olan yaşayış
vasitələrini əldə edirlər.
Sosial həyatın iqtisadi əsası maddi istehsaldır, istehsal
vasitələri üzərində mülkiyyətin forması isə cəmiyyətin sinfi
strukturunu müəyyən edir. Maddi istehsal ictimai həyatın elə bir
sahəsidir ki, burada maddi məhsul yaradılır və sonra bu məhsul
ictimai istehlaka, istehsal istehlakına və ya şəxsi istehlaka sərf
edilir. İstehsal prosesində insanlar təbiətlə və bir-biri ilə qarşılıqlı
36
ünsiyyətdə olurlar. Bu da istehsal üsulunun əlaqədar tərəfi olan
məhsuldar qüvvələri və istehsal münasibətlərini təşkil edir.
Məhsuldar qüvvələr onun dinamik, daim inkişafda olan
hissəsidir.
Marksizm nəzəriyyəsinə görə cəmiyyətin tarixi ictimai-
iqtisadi formasiyaların inkişafı tarixidir. Cəmiyyəti tədqiq edərkən
biz ona ictimai-iqtisadi formasiya baxımından vahid, bütöv bir
“sosial orqanizm” kimi yanaşmalıyıq. Bu baxımdan hakim
mülkiyyət formalarına görə ictimai-iqtisadi formasiyalar biri-
birindən fərqlənirlər. Tarix boyu beş ictimai-iqtisadi formasiya
mövcud olmuşdur. Bu da cəmiyyətin müxtəlif tipləri deməkdir.
Onlardan quldarlıq, feodalizm və kapitalizm - sinfi-antoqonist,
istismarçı və iflasa uğrayan, xarakter daşımışlar. İbtidai - icma və
kommunizm isə ədalətli və ahəngdar, ümumi əmək və bölgü,
zəhmətkeşlərin həqiqi azadlığı, demokratiya və yüksək rifah
səviyyəsinə əsaslanan cəmiyyətlər kimi qəbul olunurdular. Lakin
XX əsrdə cəmiyyətin inkişafının real təcrübəsi sosializmin və
kapitalizmin rəqabətində sosializmin üstün olması fikrini
təsdiqləmədi. Amerika sosioloqu U.Rostou 70-ci illərin əvvələrində
yazırdı ki, “yaxın onillikdə SSRİ-dəki sosializm kapitalizmə tərəf
təkamül edəcəkdir”
9
. Beləliklə ictimai-iqtisadi formasiya müəyyən
bir cəmiyyətin tipidir, o özünəməxsus istehsal üsulu əsasında və
spesifik qanunlar üzrə fəaliyyət göstərib, inkişaf edən bütöv sosial
sistemdir.
Tarixi təcrübə sübut etdi ki, kapitalist istehsal üsulu iqtisadi
cəhətdən daha faydalıdır, çünki xüsusi mülkiyyət, azad işgüzarlıq
və bazar iqtisadiyyatı iş adamlarını daha səmərəli və rasional
fəaliyyətə vadar edirlər. Alfred Marşalın fikrincə onun da
“böyümə xəstəlikləri” vardır. Bunun qarşısını almaq üçün
cəmiyyətdə inkişaf edən yüksək səviyyəli savadla, etibarlı işlə,
nisbətən yüksək gəliri olan və azad həyat tərzi ilə fərqlənən orta
sinif yaranmalıdır. Bu demokratik kapitalizmin
10
elementləridir.
9
Bax. Философский энциклопедический словарь. М., 1989., с. 563.
10
Onu bəzən sivilizasiyalı, ya da “xalq kapitalizmi” adlandırırlar.
37
Qərb sosioloqları XX əsrin 70-80-ci illərində dünya tari-
xində bir-birini əvəz edən üç texnoloji dövr (sivilizasiya) haq-
qında nəzəriyyəni yaratmışlar. Amerikalı D.Bell və U.Rostou,
fransalı R.Aron və b. sosioloqlar öz nəzəriyyələrini iqtisadiyyatın
xarakteri və səviyyəsi ilə müəyyən etmişlər. Onların
nəzəriyyəsinə görə bəşəriyyətin qlobal inkişafında cəmiyyətin
aşağıdakı üç tipini müəyyən etmək olar:
1.
Sənayeləşdirilmədən əvvəlki dövr – bu ənənəvi cə-
miyyətdir, burada hasiledici iqtisadiyyat mövcud idi.
2.
İndustrial – burada üstünlük emaledici sənayeyə verilir.
3.
Postindustrial ( post – latınca “sonra” deməkdir) iqtisa-
diyyatı, onun əsasını intellektual, informasiya- kompüter tex-
nologiyaları təşkil edir (XXəsrin 80-ci illərində yaranır).
XX əsrin ikinci yarısında bir nəslin yaşayış müddətində
texnika və tenologiya bir neçə dəfə yeniləşdirildi. Keçmiş sovet
sosioloqu B.Porşnevin fikrincə “tarixin ritmləri sürətləndirilir”
11
. Bu
prosesin səbəblərini sosioloqlar dünya əhalisinin sayının artmasında,
onun savadlılığında və fəallılığında, bəşəriyyət tərəfindən elmi
biliklərin yığımı, onların mübadiləsi, beynəlxalq əməkdaşlığın
inkişafı, elmi-texniki tərəqqi və s. görürlər.
Hər bir cəmiyyət ictimai münasibətlərin müəyyən tipi ilə
səciyyələnir. İctimai münasibətlər yalnız cəmiyyətdə mövcud olan
insanların sosial fəaliyyəti, yəni istehsalat, siyasət, mənəvi həyat və
digər sahələrdəki fəaliyyəti prosesində meydana gələn xüsusi növ
əlaqələr və qarşılıqlı təsirlərdir. Bu münasibətlər ictimai
münasibətlər adlandırılır. Onlar böyük insan kütlələri, sosial
qrupları və siniflərin qarşılıqlı təsirindən meydana gəlir.
İctimai münasibətlər maddi və ideoloji münasibətlərə
bölünür. Cəmiyyətin iqtisadi əsası – bazisdır, ideoloji əsası isə –
üstqurumdur. Sosial həyatın təşkilinin tarixi tipləri bir-birinin
bazis və üstqurumunun birgə dəyişməsindən asılı olaraq dəyişir
və bu zaman bir cəmiyyət digəri ilə əvəz edilir. Bu baxımdan
cəmiyyət təbii – tarixi sistem kimi məhsuldar qüvvələrin və
11
Bax: Введение в философию. М., 1989. ч.2., с., 611.
38
Dostları ilə paylaş: |