nəhayət, ölkə - insanların yaşadığı, ümumi tarixi və mədəniyyəti
olan müəyyən ərazidir. Beləliklə, cəmiyyət, dövlət, ölkə bir-
birinə yaxın olan anlayışlardır, lakın onlar eyni deyildir.
Bəs cəmiyyət problemi dünya sosioloji nəzəriyyəsinin
baniləri tərəfindən necə təhlil olunur?
O.Kont hesab edirdi ki, cəmiyyət ümumiyyətlə insanları
özünə məxsus qayda və bənzərinə görə formalaşdırır. İnsanları
dəyişdirmək üçün, onların daha kamil və ahəngdar inkişafı üçün
cəmiyyətin özünün, xüsusilə də onun sosial və siyasi
institutlarının, təhsil və tərbiyə sistemlərinin dəyişdirilməsi tələb
olunur. İnsan cəmiyyətin qayda və normaları əsasında fəaliyyət
göstərir. Kontun baxışlarına görə cəmiyyət onun tərkibində olan
subyektləri, şəxsiyyət, təbəqə və siniflərin inkişafını və
fəaliyyətini müəyyən edir. O, “sosial dinamika” nəzəriyyəsi
əsasında cəmiyyətin funksional və inkişaf mexanizmlərini
açıqlamış, “sosial statika” vasitəsi ilə isə cəmiyyətin strukturunu
müəyyən etmişdir.
Cəmiyyət haqqında nəzəri problemlər H.Spenserin əsər-
lərində də öz əksini tapmışdır. Onun fikrincə cəmiyyət təbii
qanunlar əsasında inkişaf edir:
1.
Cəmiyyətin inkişafı prosesində kütlə öz mənasında
çoxalır;
2.
Onun tərkibi mürəkkəbləşir;
3.
Onun ayrı-ayrı hissələri bir-birindən asılı
olur;
4.
Onlar bütöv formada yaşayır, lakin onun tərkib
hissələri (cəmiyyətdə – insanlar, biologiyada isə hüceyrələr)
yaranır və yox olurlar.
Spenser belə bir nəticəyə gəlir ki, sosial təkamül cəmiyyətin
mütərəqqi inkişafı deməkdir, bu da onun sosial institutlarının
fəaliyyətinin mürəkkəbləşməsi və təkmilləşməsi yolu ilə baş verir.
Bu prosesdə cəmiyyətin funksiyalarının çoxu dəyişilir.
Cəmiyyət anlayışı E.Dürkheymin diqqətini də cəlb etmişdir,
yəni sosial reallıq və sosial hadisələrin izahını o, sosial faktların
vasitəsi ilə vermişdir. Bu baxımdan cəmiyyətin vahid sosial
33
orqanizm kimi başa düşülməsi nəzəriyyəsinin işlənməsinin
vacibliyi haqqında fikirlər onun elementlərinin, tərkib hissələrinin
saxlanılması probemini irəli sürmüşdür. O, bu nəticəyə gəlmişdir
ki, cəmiyyət fərdlərin qarşılıqlı əlaqə sistemidir.
M.Veber öz əsərlərində sosioloji nəzəriyyənin mürəkkəb və
vacib problemlərini inkişaf etdirərək K.Marksın iqtisadi
münasibətlərin cəmiyyətin həyatında rolu haqqında fikirlərini
yüksək qiymətləndirmişdir. O özünün “Sosial-elmi və sosial-
siyasi dərketmənin obyektivliyi” əsərində yazır: “Sosial hadi-
sələrin və mədəni proseslərin iqtisadi şərtləndirmə əsasında
təhlili və istifadəsi, onların araşdırma müddətində ardıcıl və
səmərəli prinsip kimi qalacaqdır”
8
.
Cəmiyyət anlayışı, əgər biz onun coğrafi sərhədlərini,
ümumi qanun sistemini və milli birliyi olmasını nəzərdə tuturuqsa
tamamilə başqa məzmunlu ola bilər. Sosioloq Marş ilk dəfə
olaraq sosial birliyi cəmiyyət adlandıraraq onun şərtlərini
müəyyən etməyə cəhd göstərmişdir:
Daimi ərazisi, məs., Fransa, Azərbaycan, Almaniya
özlərinin dövlət sərhədləri çərçivəsində mövcud olurlar;
Təbii əsasda cəmiyyət üzvlərinin sayının artması, hal-
buki immiqrasiya da burada müəyyən rol oynayır;
Mədəniyyətin inkişafı, lakın onun inkişaf modelləri və
formaları müxtəlif ola bilər;
Siyasi müstəqillik, yəni cəmiyyət bu və ya digər siste-
min elementi (subsistemi) ola bilməz. Məs., Kanada,
Meksika, Panama və s. özlərini ABŞ-dan müstəqil
sayırlar, lakın onların iqtisadiyyatının inkişafı üçün
xeyli sərmayə qoyuluşu tələb olunur. Həmin sərmayənin
mənbəyi ABŞ-dır və bu səbəbdən göstərilən dövlətlərin
həqiqi, tam müstəqilliyi şübhə doğurur.
Sosioloqlar Koen, Aberle, Satton, Parsons, Devis, Levin və
başqalarının fikrincə cəmiyyəti müəyyən edən əsas xarakterik
cəhət onun “özünütəmin etməsidir”, bu da anlayış kimi siyasi
müstəqilliyə yaxındır. Məsələn, Yaponiya, Böyük Britaniya,
8
М.Вебер. Избранные произведения. Москва, 1990. с. 345.
34
Norveç, İsveç əsasən xarici ticarətdən asılıdırlar, amma hər bir
hökumətin idxalının ödənilməsi üçün özünün valyutası olmalıdır.
Bu fakt cəmiyyətin ödəmə qabiliyyətini göstərir, onun tam
müstəqil olması deməkdir. Beləliklə, cəmiyyət anlayışı mütləq
aşağıdakı elementlərin olmasını tələb edir: formal hakimiyyət
aparatı, ümumi qanunvericilik sistemi, coğrafi sərhədləri və milli
birliyi.
Cəmiyyət sosioloji kateqoriya kimi - insanların birgə ya-
şamasını həyata keçirən bütöv təşkilatdır. O, müəyyən məkan və
zaman sərhədləri olan özünəməxsus orqanizm və sistemdir.
Cəmiyyət insanların birgə fəaliyyətinin tarixən yaranmış for-
malarının məcmusudur.
Cəmiyyətin bərqərar olması mürəkkəb və uzun sürən
prosesdir. O, bir neçə millyon il sürüb və bu proses bir neçə on
min il bundan əvvəl başa çatıb. Marksizm nəzəriyyəsinə görə
cəmiyyət iqtisadi, sosial, siyasi və ideoloji münasibətlərin vahid
sistemidir və burada əsas rolu səbəb və nəticə əlaqələri oynayır.
Hər bir cəmiyyətin özəyi (elementi) insandır. İnsanlar qohumluq,
təsərrüfat, etnik, dini, siyasi və digər əlaqələr əsasında birləşirlər.
K.Marksın fikrincə, cəmiyyət insanların birgə fəaliyyəti və
ünsiyyətinin məhsuludur, onun yaranmasının vacib ünsürü –
əmək olmuşdur. Cəmiyyətin maddi yaradıcıları insanlardır,
həmçinin onların birgə fəaliyyətidir, çünki insanlar çoxmüddətli
kollektivlər yaratmasalar yaşaya bilməzlər. Bu ünsüyyətin
zərurililiyi prosesi cəmiyyətin formalaşmasına təkan vermişdir.
İnkişafı əks etdirən proseslərin qanunauyğun nəticəsi olaraq
sivilizasiya yaranmışdır. Sivilizasiya cəmiyyətin maddi və
mədəni inkişafı nəticəsində yaranan ictimai inkişafın səviyyəsi
və pillələrinin göstəricisidir. O, latın sözü olub “civis” -
vətəndaş, “civitas” - cəmiyyət, “civilis” - mədəni, sivilizasiyalı
deməkdir.
Fransa maarifçiləri zəka və ədalətə əsaslanan cəmiyyəti
sivilizasiyalı cəmiyyət adlandıraraq, onun ictimai ahəngdarlığını
göstərirdirlər. XVIII əsrin Fransa maarifçiləri Holbax və Helvetsi
şəxsiyyətin formalaşmasında cəmiyyətin rolunu xüsusilə
35
Dostları ilə paylaş: |