Marksizmə görə bəşəriyyətin inkişafı obyektiv və qanu-
nauyğun proses olub, bir ictimai-iqtisadi formasiyanın digəri,
daha mütərəqqisi ilə əvəz olunmasını əks etdirir. Bu formasiyalar
isə aşağıdakılardır: ibtidai icma quruluşu, quldarlıq, feodalizm,
kapitalizm, kommunizm.
Yuxarıda göstərilən ideyalar K.Marksın “Fəlsəfə yox-
sulluğu”, “Alman ideologiyası”, “Lui Bonapartın on səkkiz
brumeri”, “Fransada vətəndaş müharibəsi” və nəhayət “Kapital”
kimi əsərlərində, həmçinin F.Engelsin “Lüdviq Feyerbax və
klassik alman fəlsəfəsinin sonu”, “Ailənin, xüsusi mülkiyyətin və
dövlətin mənşəyi”, “Təbiətin dialektikası”, “Anti-Dyürinq” və s.
əsərlərində öz əksini tapmışdır.
Cəmiyyət haqqında marksist təlimi alman alimi Maks
Veber, amerikalı alimlər Rayt Mills və Con Helbreyt yüksək
qiymətləndirmişlər. Amerika alimləri Marksı sosiologiyanın
banilərindən biri hesab edirlər. Amerika alimi C.Dobb 1985-ci
ildə nəşr olunmuş “Sosiologiya” adlı dərslikdə yazır: “Əvvəla
Marksın əsərlərində sosial həyatı müəyyən edən iqtisadi amillərin
əhəmiyyəti xüsusi qeyd olunur, ikincisi, inamlar və ideallar
sistemi öz dövrünün məhsulu kimi cıxış edir, üçüncüsü, əsas
ideya əməyin özgələşməsi konsepsiyasıdır. Marks bu barədə
yazandan yüz il sonra da sosioloqlar onun konsepsiyasından
istifadə edirlər”.
Bəzi alimlərin fikrincə, Markssız nə Veber, nə Dyürkheym,
nə də onların ardıcılları mövcud ola bilməzdilər.
Eyni zamanda qeyd etmək lazımdır ki, marksist sosio-
logiyasının bəzi müddəaları real praktikada özünü tam
doğrultmadı. Məsələn, ictimai-iqtisadi formasiya anlayışı tam
formada yalnız bəzi Avropa ölkələrində özünü büruzə verdi.
Bəzi xalqlar quldarlıqdan (Rusiya), bəziləri isə kapitalizmdən
(Çin) yan keçməyə müvəffəq olmuşlar. Bundan əlavə, bəzi so-
sialist ölkələrinin sosializmdən geriyə – kapitalizmə qayıtması da
suallar doğurur. Bu təlim yalnız bəşər tarixinə ümumiyyətlə
tətbiq olunarkən doğru ola bilər. Marksizmin əsas xidməti
cəmiyyət həyatına dair doqmalardan tam imtina olunmasından,
24
ona dialektik inkişaf nöqteyi-nəzərindən qiymət verilməsindən
ibarətdir.
3. Müasir Qərb sosiologiyasının əsas inkişaf meylləri
XX əsrin əvvələrindən başlayaraq sosiologiyada milli
məktəblərin spesifikası özünü göstərməyə başlayır. Bu, onların
formalaşması xüsusiyyətləri ilə bağlı idi. Məsələn, Fransada
sosiologiya tarixi-fəlsəfi ənənələrdən, Almaniyada isə fəlsəfi-
iqtisadi köklərdən, İtaliyada siyasi elmlərdən, İngiltərədə
idarəetmədən ayrılaraq tam müstəqillik əldə edir. Bu dövr
həmçinin sosioloji tədqiqatlar mərkəzinin Avropadan ABŞ-a
keçməsi ilə səciyyələnir. 1905-ci ildə ABŞ-da Sosiologiya cə-
miyyəti təşkil olunduqdan sonra çox qısa müddət ərzində bu elm
geniş inkişaf yoluna qədəm qoydu. Hazırda ABŞ-ın bütün
universitetlərində və kolleclərində bu fənn geniş tədris olunur.
Amerikada sosiologiyaya dair 300-dən çox jurnal nəşr
olunur. Müasir sosiologiyanın ən görkəmli nümayəndələrinin
böyük əksəriyyəti ABŞ universitetlərində çalışır. XX əsr ame-
rikan sosiologiyasının aşağıdakı görkəmli nümayəndələri vardır:
A. İnkels, C.Devis, T.Milz, P.Braun, M.Trou, A.Koen, E.Şillz,
R.Mak-Ayver, R.K.Merton, T.Parsons və s.
Müasir Qərb sosiologiyasında diqqəti cəlb edən cərəyanlar
aşağıdakılardır: neopozitivizm, struktur-funksional təhlil,
münaqişələrin sosiologiyası, fenomenoloji sosiologiya, simvolik
interaksionizm, sosial fəaliyyət nəzəriyyəsi.
Neopozitivizmin təşəkkülü XX əsrin 20-ci illərindən
başlayır və “elmin standart konsepsiyasının” hazırlanması ilə
bağlıdır. O, aşağıdakı prinsiplərin həllini nəzərdə tutur:
1.
Sosial hadisələr bütün gerçəklik üçün ümumi olan
təbiət və mədəni-tarixi qanunlara tabedir;
2.
Sosial tədqiqatların metodları təbiətşünaslığın me-
todları kimi ciddi, dəqiq və obyektiv olmalıdır;
3.
İnsan davranışının subyektiv aspektlərini yalnız
onların açıq təzahürü zamanı tədqiq etmək olar;
25
4.
Elmi anlayışların və müddəaların həqiqiliyi empirik
proseduralar əsasında müəyyən edilir;
5.
Bütün sosial hallar və hadisələr kəmiyyətcə təsvir
olunmalıdır;
6.
Sosiologiya bir elm kimi ideologiyadan və mənəvi
sərvətlərə qiymətvermədən azad olmalıdır.
Bu cərəyanın davamçıları sırasında P.Lazersfildi, Q.
Beylonu, D.Koeni, D.Uilleri və başqalarını göstərmək olar.
Struktur-funksional təhlil anlayışı iki mənada işlənir:
1.
Sistemdə baş verən dəyişiklikləri onun elementlərində
baş verən dəyişikliklərlə əlaqədə götürən metod kimi;
2.
Əsası amerikan sosioloqu T.Parsons (1902-1979) tərə-
findən qoyulmuş sosioloji məktəbin adı kimi. T.Parsons tarazlıq
(müvazinət) kateqoriyasını ön plana çəkərək iddia edir ki,
cəmiyyət yalnız tarazlığa əsaslanmaqla özünü qoruyub saxlaya
bilər. Buna görə də sosiologiyanın vəzifəsi – cəmiyyətdə
sabitliyin (tarazlığın) qorunub saxlanılması üçün təkliflər ver-
məkdir. Parsonsun fikrincə, istər cəmiyyət, istər istehsal vahidi və
istərsə də ayrılıqda götürülmüş fərd aşağıdakı əsas problemləri
həll etmədən mövcud ola bilməz:
-
ətraf mühitə uyğunlaşma (adaptasiya);
-
məqsədlərin müəyyən edilməsi və onların əldə olunması
üçün bütün imkanların səfərbər edilməsi;
-
daxili vəhdətin və nizamın qorunması (inteqrasiya);
-
daxili sabitliyin, müvazinətin, sistemin özünəuyğunluğu-
nun təmin edilməsi (latentlik – nümunənin qorunub saxlanması).
Parsonsun fikrincə, cəmiyyətin inkişafı təkamül xarakteri
daşıyır. O, üç cəmiyyət tipi göstərir:
Primitiv, burada differensiasiya güclüdür, cəmiyyətin
ölkələr, dövlətlərə, xalqlara parçalanması baş verir;
Ara cəmiyyət tipi. Bu tip yazının, sosial təbəqələşmənin
meydana gəlməsi və mədəniyyətin müstəqil fəaliyyət
sahəsinə çevrilməsi ilə əlamətdardır;
26
Dostları ilə paylaş: |