3.
Anomizm amili, yəni cəmiyyətdə mənəvi sərvətlərin və
normaların dərin böhranı ilə bağlı olaraq.
Göründüyü kimi, Dyürkheym bu üç amilin şəxsiyyətə
göstərdiyi mənəvi-psixoloji təzyiq nəticəsində onun intihar et-
diyini elmi cəhətdən əsaslandırır.
İtaliyada XIX yüzilliyin sonundan etibarən sosiologiyanın
inkişafı Vilfredo Paretonun (1848-1923) və Qaetano Moskanın
(1858-1914) adları ilə bağlıdır. V.Pareto sosial hadisələrə qiymət
verərkən, həm sosioloq və həm də iqtisadçı kimi təbii - elmi
baxışlara əsaslanırdı. Onu cəmiyyət həyatında daim təkrarlanan
və ayrı-ayrı mənəvi sərvətlərdən asılı olmayaraq təhlil edilə bilən
sosial faktlar maraqlandırırdı. O, hər cür nəzəri tarixi yalana və
ya özünü aldatmağa əsaslanan ideologiya kimi rədd edirdi.
Paretonun fikrincə, tarix siyasi elitaların hakimiyyət uğrunda
mübarizə meydanıdır. İnsanlar yalnız şərti olaraq sosial
mövcudat kimi nəzərdən keçirilə bilərlər, əslində isə onlar
təbiətin ümumi qanunları əsasında inkişaf edirlər. 2600
paraqrafdan ibarət olan “Ümumi sosiologiyaya dair traktat”
əsərində Pareto müəyyən mənada sosial mexanikanı inkişaf
etdirir. O, insan fəallığını iki əsas tipə: məntiqi və qeyri-məntiqi
fəaliyyətə bölür. Real həyatda isə bu iki tip qarışıq şəkildə çıxış
edir. Paretonun fikrincə, insanların əksəriyyətinin gündəlik
fəaliyyətini məhz hisslər müəyyən edir. Pareto həm burjua
demokratiyasının ideallarına, həm də marksizm nəzəriyyəsinin
müddəalarına etinasızlıqla yanaşırdı.
Qaetano Moska “elita tsikli” konsepsiyasını yaratmaqla,
sosiologiyaya spesifik siyasi məna vermişdir. Demokratiyanı
“genişləndirilmiş aristokratiya” hesab edən Moska “siyasi, yaxud
idarə edən sinif” haqqında konsepsiyasını yaratmaqla. Tarixdə
şəxsiyyətin roluna öz münasibətini bildirmişdir.
Almaniyada sosiologiya elminin inkişafında Ferdinand
Tyonnisin (1855-1936), Georq Zimmelin (1858-1918) və Maks
Veberin (1864-1920) əvəzsiz xidmətləri olmuşdur.
Ferdinand Tyonnisin “Cəmiyyət və insan birlikləri” adlı
əsəri hələ 1887-ci ildə nəşr olunsa da, yalnız 1912-ci ildə “Təmiz
18
sosiologiyanın əsas anlayışları” adı altında çap olunduqdan sonra
öz müəllifinə geniş şöhrət gətirdi. Tyonnis bu əsərində və
həmçinin 1931-ci ildə nəşr etdirdiyi “Sosiologiyaya giriş” adlı
kitabında ilk dəfə olaraq sosioloji anlayışların məntiqi sistemini
yaratmağa cəhd göstərmişdir. Onun “Təmiz sosiologiyası” daim
cəmiyyətdə müşahidə etdiyi münaqişəli vəziyyətlərlə şərtlənir.
Cəmiyyətdə mövcud olan insanlararası qarşılıqlı düşmən
münasibətləri o, ümumi mənada sosiologiyaya daxil etdiyi sosial
psixologiya ilə izah edirdi.
Öz siyasi baxışlarında ardıcıl demokrat kimi çıxış edən
Tyonnis faşizmə qarşı mübarizə apararaq, onu “müasir vəhşilik”
adlandırırdı. Bununla yanaşı inqilabi ideyalara da rəğbət
bəsləməyən Tyonnis eyni zamanda Marksın əsərlərinə yüksək
qiymət verir və Engelslə məktublaşırdı.
Ferdinand Tyonnis M.Veber, G. Zimmel və V.Zombartla
birlikdə 1909-cu ildə “Almaniya sosioloji cəmiyyəti” ni
yaradaraq, 1933-cü ilədək – faşistlər bu cəmiyyəti qadağan edə-
nədək - onun sədri olmuşdur.
Alman idealist filosofu və sosioloqu Georq Zimmel öz
baxışlarına görə əvvəlcə H.Spenserin və Ç.Darvinin, daha sonra
İ.Kantın təsiri altında olmuşdur. Yaradıcılığının ilk mərhələsində
o,
əsas diqqəti mədəniyyətin fəlsəfi problemlərinin
araşdırılmasına yönəltmişdir.
Zimmelin fikrincə, sosiologiyanın predmetini bütün tarixi
dəyişikliklərə baxmayaraq öz məzmununu dəyişməyən
insanlararası sosial qarşılıqlı təsir təşkil edir. O, 1900-cü ildə nəşr
olunmuş “Pulun fəlsəfəsi” adlı əsərində şəxsiyyətin və fərdi
azadlığın inkişafında, habelə insanlar arasında müxtəlif
münasibətlərin təşəkkülündə pulun oynadığı rolun sosial-psi-
xoloji təhlilini vermişdir. Zimmel şüurlu surətdə sosiologiyanı
tarixdən və iqtisadiyyatdan ayrılıqda tədqiq edirdi. Onun fikrincə,
iqtisadiyyat mənəvi mədəniyyəti müəyyən edən ilkin
şərtlərdəndir. Lakin, iqtisadi amillərin özü daha dərin sərvət-
lərdən və cərəyanlardan doğur. O, demək olar ki, psixoloji və
hətta metafizik ilkin səbəbdir.
19
Alman sosiologiyasının və bütövlükdə sosiologiya elminin
ən görkəmli nümayəndələrindən biri Maks Veberdir. Onun əsas,
lakin başa catmamış sosioloji əsəri 1925-ci ildə, vəfatından sonra
nəşr olunmuş “İqtisadiyyat və cəmiyyət” adlı traktatdır. Bu əsərin
birinci fəsli “Sosiologiyanın əsas anlayışları” adlanır. M.Veber digər
alman sosioloqları Rikkert və Dilteylə birlikdə “ideal tiplər”
konsepsiyasını işləyib hazırlamışdır. Bu konsepsiyanın məqsədi elə
obrazlar və sxemlər yaratmaqdan ibarətdir ki, onların köməyi ilə
konkret sosioloji tədqiqatların verdiyi materialları və tədqiqatçının
həyati müşahidələrini qaydaya salmaq mümkün olsun. Məsələn, an-
tik dövr, feodalizm, kapitalizm anlayışları Veber üçün obyektiv
mövcud olan münasibətlər deyil, ideal tipologiya üsullarıdır.
Veber “Sosial - elmi və sosial - siyasi idrakın obyektivliyi”,
“Mədəniyyət haqqında məntiqi elmlər sahəsində tənqidi
tədqiqatlar” əsərlərində və xüsusən də “Dərk edən sosiologiyanın
bəzi kateqoriyaları haqqında” adlı kitabında bu qənaətə gəlir ki,
sosiologiyanın əsas məqsədi insanın və insanlar qrupunun
davranışını və sosial fəaliyyətini öyrənmək olmalıdır.
M.Veber sosial fəaliyyətin aşağıdakı tiplərini fərqləndirirdi:
Məqsədyönlü rasional fəaliyyət. İnsan öz fəaliyyəti
-
nin məqsədi və ona çatmağın yolları haqqında aydın
təsəvvürə malik olur və həmçinin öz fəaliyyətinə
digər insanların mümkün olan reaksiyasını nəzərə
alır. Müvəffəqiyyət rasionallığın meyarı olur;
Sərvətyönümlü rasional
fəaliyyət. Müəyyən
davranışın etik, estetik yaxud dini əhəmiyyətinə
şüurlu inamla bağlı olan fəaliyyətdir;
Affektiv fəaliyyət. Şüursuz psixoloji impulsların və
hisslərin təsiri altında baş verən fəaliyyət.
Ənənəvi fəaliyyət. Vərdişlər və adətlər əsasında baş
verən fəaliyyət.
Sosial fəaliyyətin bu tiplərindən hər biri öz motivinə,
məzmununa və həyata keçmə mexanizminə malik olub, özlərini
insanların gündəlik davranışında biruzə verirlər. Veberin fikrincə,
20
Dostları ilə paylaş: |