nauyğunluqlarını açıb göstərməklə sosiologiya istər bütövlükdə
cəmiyyətin, isətərsə də onun ayrı-ayrı tərəflərinin və sahələrinin
gələcək inkişafı perspektivlərini başa düşməyə imkan verir.
Üçünçüsü, sosial qanunlar qanun-meyl kimi həyata keçirilir.
Konkret sosioloji tədqiqatların vəzifəsi adamların ictimai
fəaliyyətində sosial qrupların, şəxsiyyətin, peşə qrupunun və
cəmiyyətin mənafelərinin maksimum uzlaşmasına imkan verən
konkret formanı müəyyən etməkdir.
Dördüncüsü, sosiologiya sosioloji və digər sosial tədqi-
qatlarda idrakı fəaliyyətin nəzəri təhlilini verməli, sosial idrakın
nəzəriyyəsini və metodologiyasını işləyib hazırlamalıdır.
Sosiologiya elminin idrakı funksiyası imkan verir ki, sosial
proseslərin təhlili əsasında cəmiyyətin maddi, mənəvi yaxud
siyasi həyat sferalarının inkişafına xidmət edən proqnozlar irəli
sürmək mümkün olsun.
Praktiki funksiya. Sosiologiya elminin bu funksiyası onun
idrakı funksiyası ilə sıx əlaqədardır. O, qabaqcadan görmə
momentini özündə birləşdirən elmi idrakın təbiətindən doğur.
Cəmiyyətin və onun ayrı-ayrı tərəflərinin hazırkı vəziyyətinin
təhlilinə əsaslanaraq sosiologiya cəmiyyətin yaxın və uzaq
gələcək inkişaf perspektivlərini aşkara çıxarmalıdır.
İctimai münasibətlərin hazırkı vəziyyətini tədqiq etməklə
sosiologiya buna nail olur ki, insanlar öz ictimai münasibətlərini
nəzarət altına ala və ictimai tərəqqinin obyektiv tələbatına
müvafiq olaraq onları tənzimləyə bilsinlər.
İctimai inkişafın qanunauyğunluqları və meyllərinin dərindən
dərk edilməsinə əsaslanan proqnozlaşdırma cəmiyyətin elmi idarə
olunmasının başlıca şərtini təşkil edir. Proqnozlaşdırmanı praktika
ilə uzlaşdırdıqda uzun müddətli sosial proqnozlaşdırma proqram,
qısamüddətli isə plan kimi təfsir edilə bilər. Cari sosial
proqnozlaşdırma isə plana düzəlişlər verilməsini, yəni onda vaxtında
dəyişikliklər aparılmasını nəzərdə tutur.
İdeoloji funksiya. Elmi-idrakı və praktiki funksiyalarla
yanaşı sosiologiya elmi eyni zamanda mühüm ideoloji funksiyanı
da yerinə yetirir. 1974 – cü ildə Toronto şəhərində keçirilən VIII
8
Ümumdünya Sosiologiya konqresində məşhur Qərbi Almaniya
sosioloqu Renata Maynts “Sosiologiya: mənəvi sərvətlərdən
azadlıq və siyasi təkliflər problemi” adlı məruzəsində qeyd edirdi
ki, “sosiologiyanın ən aktual vəzifələrindən biri siyasətə öz
münasibətini müəyyən etməkdir. Axı sosiologiya çox vaxt siyasi
qərarlar qəbul edilməsi üçün baza rolunu oynayır və buna görə də o
da bu mənada siyasətdir”
3
. Məşhur amerikan alimi Rayt Millz isə
“Sosioloji təxəyyül” adlı kitabında ürək ağrısı ilə yazır ki, ABŞ-da
sosiologiya generalların, həbsxana rəislərinin, biznesmenlərin
xidmətçisinə çevrilmişdir.
4
Sosiologiya zəhmətkeşlərin siyasi şüur
səviyyəsinin yüksəldilməsində, onlarda fəal həyat mövqeyi tərbiyə
edilməsində, onların sosial fəallıqlarının gücləndirilməsində mühüm
rol oynayır. Sadəcə olaraq sosioloji sorğuda iştirakın özü belə
adamlarda ictimai məsələlərə marağın yüksəlməsinə, onların sosial
fəallıqlarının artmasına səbəb olur. İdeoloji funksiya, hər şeydən
əvvəl təbii-tarixi prosesin dərk olunmasına və cəmiyytəin inkişafının
məqsədlərinin müəyyən edilməisnə xidmət göstərir, ikincisi, digər
konsepsiyalara qarşı elmi və ideoloji mübarizəni nəzərdə tutur;
üçüncüsü əhali arasında düzgün elmi ideologiyanın yayılması işinə
xidmət edir; nəhayət, dördüncüsü yüksək səviyyəli mütəxəssislərin
hazırlanması və onların elmi ideologiyanı mənimsəməsi işini həyata
keçirir.
Sosioloji biliklərin ideoloji və siyasi xarakter daşıması bir
sıra səbəblərlə bağlıdır. Sosioloq öz tədqiqatlarında maksimum
obyektivliyə və dəqiqliyə cəhd göstərsə də tədqiqatın nə-
ticələrinin qiymətləndirilməsi sosial-siyasi mövqe ilə bağlıdır.
Onun gəldiyi nəticələr və irəli sürdüyü təkliflər istər-istəməz
müxtəlif sosial qrupların və təbəqələrin siyasi mənafelərinə
toxunur. Buna görə də sosioloq sosial hadisələrin qiymətlən-
dirilməisndə vətəndaş mövqeyi nümayiş etdirmək məcburiyyə-
tindən yan keçə bilmir.
Lakin qeyd etmək lazımdır ki, sosiologiyanın real pro-
seslərə təsiri öz-özünə, avtomatik surətdə baş vermir. Sosiologiya
3
«Социологические исследования» журналы. 1974, №2, с.180.
4
Рабочая книга социолога. М., 1977, с. 39.
9
yalnız öz nəticələrini təklif edir. Onun siyasətə tətbiqi isə
sosiologiyadan asılı deyildir. Sosiologiyanın vəzifəsi alman alimi
Lepsiusun fikrincə “uzun müddət cəmiyyəti müşahidə etməklə
böhranlar barədə xəbərdarlıq edən sosioloji sistem yaratmaqdan
ibarətdir”
5
. Sosiologiyanın ən mühüm funksiyalarından biri də
tənqidi funksiyadır. Söhbət şəxsiyyətin mənafeləri prizmasından
gerçəkliyə qiymət verilməisndən gedir. Sosiologiya cəmiyyətdə
vaxtını keçirmiş, inkişafa mane olan nə varsa aşkara çıxararaq
cəmiyytəin yeniləşməsi işinə xidmət edir. Bu işdə empirik
tədqiqatların, yəni konkret sosiologiyanın rolu əvəzedilməzdir.
Sosiologiya yuxarıda göstərilən 3 əsas funksiyadan əlavə bir
sıra funksiyaları da yerinə yetirir. Bunlara misal olaraq, tərbiyəvi,
proqnozlaşdırıcı və s. funksiyaları da göstərmək olar. Sosiologiya
elminin bütün funksiyaları qarşılıqlı surətdə sıx əlaqədar olub bir-
birini tamamlayır.
3.Sosioloji biliklərin strukturu və tədqiqat obyekti
Sosioloji biliklər sistemi mürəkkəb struktura malik olub
ictimai gərçəkliyin tədqiqinin müxtəlif tiplərini və səviyyələrini
əks etdirir. İctimai həyatın öyrənilməsinin nəzəri və tətbiqi
(praktiki, əməli) aspektləri burada sıx vəhdətdə çıxış edir. Buna
görə də ictimai həyatın müəyyən sahələrinin tədqiqi ilə məşğul
olan ixtisaslaşmış sahələri və müxtəlif sosioloji nəzəriyyələri
qeyd etmək zəruridir. Deməli sosiologiya sosial idrakın aşağıdakı
səviyyələrini özündə birləşdirir: ümumi nəzəriyyə, xüsusi
nəzəriyyələr və konkret (empirik) tədqiqatlar. İkinci və
üçüncü səviyyələri çox vaxt “tətbiqi sosiologiya” anlayışı ilə
qeyd edirlər. Bu səviyyələrdən hər biri ictimai həyatın
öyrənilməsində özünəməxsus yanaşma üsuluna və metodlarına
malikdirlər. Ümumi sosioloji nəzəriyyənin əsas vəzifəsi
cəmiyyətin mövcudluğu və inkişafının ümumi qanunlarını tədqiq
etməkdən ibarət olduğu halda, tətbiqi sosiologiyanın vəzifəsi
həmin qanunların cəmiyyət həyatının müxtəlif sahələrində
5
Рабочая книга социолога. М., 1983, с.29.
10
Dostları ilə paylaş: |