248
Şəkil 61. Mitoz bölünmə
1. Sxematik quruluşu. İnterfraza. A-erkən profaza, B-profaza,
C-metafaza, D-anafaza, E-erkən telofaza, F-
telofaza
2. Elektron mikroskopu ilə görünüşü
Profaza.
Bu
mərhələyə
interfazanın
G
2
məhələsində olan hüceyrələr daxil olurlar. Odur ki,
həmin hüceyrələrdə başlanğıc hüceyrəyə nisbətən DNT
iki dəfə çox olur. Profazanın əvvəlində nüvədə nazik
xromosom sapları-profaz xromosomları müşahidə
olunur. Bu xromosomların kondensasiyası nəticəsi
olaraq yaranır. Profaza inkişaf etdikcə xromosomlar
spirallaşır və qısalır. Odur ki, profazanın ortalarında hər
249
profaz xromosomunun iki bir-birinə qarşılıqlı sarılmır
və spirallaşmış xromatiddən ibarət olmasını görmək
mümkündür. Xromosomların kondensasiyası ilə yanaşı
nüvəciyin itməsi müşahidə olunur. Enyi zamanda nüvə
membranı nazikləşir və dağılmağa başlayır, nüvə
membranının məsamələri itir, membrana kiçik
fraqmentlərə parçalanır. Profazada baş verən ikinci əsas
məsələ iy tellərinin yaranmasıdır. İy tellərinin
yaranması profazada sentriolların iştirakı ilə və
sentriollarsız da baş verə bilər. Sentriollarsız iy telləri
ali bitkilərdə və bəzi ibtidailərdə yaranır. Heyvanlarda
isə iy telləri sentiolların iştirakı ilə yaranır.
Göbələklərdə və ibtidailərdə iy telləri nüvə daxilində də
yarana bilər. Bu halda mitozda nüvə membranı
dağılmır.
İy telləri iki cür olur: onlardan bir qrupu
hüceyrənin bir qütbündən digər qütbünə qədər uzanır və
fasiləsiz iy telləri adlanır. İkinci qrupu isə ikiləşmiş
xromosomlara birləşir və onların qütblərə çəkilməsini
təmin edir. Bunlar dartıcı, xromosomları qütblərə çəkən
iy tellər adlanır. Profaza mitozun bütün sonrakı
mərhələlərinin taleyini həll edir.
Metafaza – nüvə membranı əridikdən sonra
xromosomlar sitoplazmada xaotik yerləşirlər. Sonralar
onlar maksimum spirallaşır və xromosomun ikiləşmiş
xromatidlərindən hər birinin sentromerinə multizülal
kompleksi - kinetoxorlar birləşirlər. Hər bir qız
xromosomun sentromerinə birləşmiş kinetoxor əks
qütblərdən gələn mikroborucuqlardan ibarət olan iy
tellərinə birləşirlər və xromosomlar ekvatorda
250
qanunauyğun düzülmüş olurlar. Qız xromosomları
sentromer zonada bir yerdə saxlayan sekurin zülalı,
sonra , APC kinaza ilə fəallaşan xüsusi fosfataza
separaza fermenti vasitəsi ilə defosforlaşaraq kəsilir və
ikiləşmiş xromosomdan hər biri hüceyrənin bir qütbünə
istiqamətlənmiş olur. Bu zaman ekvatordakı hər bir
xromosom qütblərdən eyni məsafədə yerləşmiş olur.
Nəticədə ikiləşmiş xromosomlardakı sentromerlərdən
hər biri özünü müxtəlif qütblərə yönəlmiş eyni vahid
kimi aparır. Metafazada xromosomların çiyinləri
ekvatordan kənara da çıxa bilərlər. Lakin onların
sentromerləri mütləq ekvatorda qanunauyğun düzülmüş
olurlar. Ekvatorda bu cür qanunauyğun düzülən
xromosomlar qütblərə çəkilmək üçün başlanğıc
vəziyyətində dururlar. Xromosomların morfologiyasını,
sayını, ölçüsünü öyrənmək üçün metafaza ən əlverişli
mərhələ hesab olunur. Mitoza lazım olan vaxtın 1/3
hissəsi metafazaya sərf olunur.
Anafaza
–
qəflətən
başlayır.
İkiləşmiş
xromosomların hamısında eyni zamanda sentromerlərlə
olan əlaqə itir, sekurin zülalın dağılması ilə
xromosomlar sinxron olaraq bir-birindən aralanırlar.
Xromosomlar dəqiqədə 0,2-5 mkm sürətlə hərəkət
edirlər. Xromosomların iy telləri ilə qütblərə çəkilməsi
iy
tellərinin
tubulin
monomerlərinin
sürətlə
defosforlaşması və mikroborulardan çıxması ilə baş
verir. Anafazada sentromerlərin istiqaməti qütblərə,
xromosom çiyinləri isə ekvatora doğru yönəlmiş olur.
Odur ki, anafazada xromosomlar U formasını alır.
Beləliklə anafaza mərhələsində hər ikiləşmiş qız
251
xromosomdan biri hüceyrənin müvafiq bir qütbünə
çəkilir,
xromosomların
qütblərdə
tam
bərabər
paylanmasını təmin edir.
Telofaza – xromosomlar qütblərə çəkildikdən
sonra onlarda dekondensasiya və desprilzasiya
prosesləri gedir. Belə ki, xromosomu təşkil edən
xromatidlərin spiralları açılır, onlar bir-birinə sarılaraq
yumaq əmələ gətirirlər, nəticədə hüceyrənin hər
qütbündə bir yumaq əmələ gəlir. Xromosomlar
üzərindən qabarcıqlar çıxır, onlar birləşərək nüvənin
daxili
membranını
əmələ
gətirirlər.
Sonra
endoplazmatik şəbəkənin çənləri və vakuollarının
birləşməsindən nüvənin xarici membranı əmələ gəlir.
Bu zaman hüceyrənin hər qütbündə bir nüvə müşahidə
olunur. Bütün bunlardan sonra sitokinez-sitoplazmanın
nüvələr ətrafında paylanması prosesi başlayır. Nüvə
ətrafında sitoplazmanın formalaşması bitkilərdə hüceyrə
arası arakəsmənin yaranması ilə əlaqədardır.
Sitoplazmadakı endoplazmatik şəbəkənin və Holci
kompleksinin
kanalları
birləşərək
hüceyrəarası
arakəsmə əmələ gətirir və hər hüceyrədə bir nüvə, hər
nüvədə bölünməyə başlayan ana hüceyrədəki miqdarda
yəni
diploid sayda
xromosom
olur, heyvan
hüceyrələrində isə yəni nüvələr əmələ gəldikdən sonra
sitoplazmalar nüvə ətrafında ortadan nazikləşərək
sitoplazma içərisinə qatlanmaqla hüceyrənin 2 yerə
bölünməsini təmin edir. Hüceyrədə sitokinezin hansı
proses hesabına getməsi dəqiq məlum deyil. Lakin belə
fikir irəli sürülür ki, hüceyrənin kortikal qatına, yəni
membranın alt hissəsində əzələ təbiətinə oxşar yığılma
Dostları ilə paylaş: |