133
morfoloji əlamətlər sırasında aşağıdakıları qeyd etmək olar:
1. Qeyri-qəti gələcək zamanın inkarında zaman
şəkilçisin
dəki
(-ar, -ər) r samitinin z samiti ilə əvəzlənməsi
ikinci və üçüncü şəxslərdə olduğu kimi birinci şəxsin təkində
də özünü göstərir: «Bən hərgiz Yezidə bey'ət etməzəm və
Vəlid hüzurinə dəxi getməzəm» (33b). «İstəməzəm, bənimlə
onın arasında küdurət vaqe ola» (39a). «Səni şəhid
edərəm, heç kimsədən pərva qılmazam» (65a). Xurşidbanu
Natəvanın dilində bu faktı qeyd edən professor T.Hacıyev onu
«Füzuli dövrünün dil ənənəsini sadəcə saxlamaq» kimi
dəyərləndirir (32, 38).
2. Nəqli keçmiş zaman şəkilçisi -ıb, -ib, -ub, -üb birinci şəxsdə
-əm şəxs sonluğu qəbul etmişdir: «Bən eşidübəm kim,hala
səhhətpəzir olmuşdur» (39a). «Ol cənabdən filan mövzedə
müfariqət qılubəm» (43a). Kişvərinin dilində və «Şühədanamə»də
qeydə alınmış bu morfoloji əlamətə (bax: 45, 145) XIX əsr ədəbi
dilinə aid araşdırmalarda rast gəlmirik.
3. Felin əmr şəklinin ikinci şəxs cəminin inkarı bir
sıra feillərdə -m+ın, -m+in şəklində özünü göstərir: «Xilafi-
mə'hud etməklə xiclətzədeyi-ruzi-qiyam olmın» (36b). «Fitnə
və iftiraq canibinə müsarəət qılmın»
.
(37b)
«Demin ki, tijli-cigərtəşnə munca cəng etməz,
Əgərçi tifl idi, ol yadigari-Heydər idi». (57b)
X
I
V-XVII əsrlərə aid yazılı abidələrin dilində yuxarıdakı
morfoloji formanın işləndiyini qeyd edən professor
Mirzə
Rəhimovun
fikrincə, bu morfoloji əlamət iki sait arasında gələn y
samitinin ixtisara düşməsinin nəticəsi olaraq meydana çıxmışdır,
yəni əslində «deəməyin» şəklində olan fel «demin» şəklində
deformasiyaya uğramışdır (64, 26-27). Maraqlıdır ki, dilimizin
Naxçıvan şivəsində «gəlmək» felinin əmr şəklində ikinci şəxsdə
inkarı məhz bu şəkildə işlənir: «gəlmin» (7
2
, 200).
4. Felin əmr şəklinin birinci şəxsin cəminin -alım, -əlim
134
şəkilçisi əsərdə nisbətən geniş təmsil olunmuşdur:
«Dedilər: -Hökmi-əmir yetübdür kim, sizə ərz edəlim:
bey'ət etsəniz, alub hüzurinə
gedəlim
və əgər
rəbqeyi-
inqiyaddən
rüqəbeyi-təslim çəkər olsanız, sizünlə müqatilə
qılalım
» (47b). Bu şəkilçi istər
XIII-XVI
yüzilliklərə, istərsə
də XVIII-XIX əsrlərə aid mətnlərdə işlənmişdir (bax: 45, 140;
64, 47-50).
5.
Felin əmr şəkli -gilən şəkilçisi ilə də təmsil
olunmuşdur.
Bu şəkilçi, məlum olduğu kimi, ikinci şəxsin
təki ilə işlənir: «izhari-cəzə' ilə mövcibi-şəmatət və əhli-qürur
olmagilən» (47b). «Validimin səri-mütəhhərinə müvəkkil
olan bihəyayə degilən Əhli-beyt arasından dişrə getsün» (73b).
Bu şəkilçi də yazılı abidələrin dilində geniş yayılmışdır (bax:
45, 138).
6. Felin əmr şəklinin -ayım, -əyim şəkilçisi əsərdə yalnız
bir nümunədə işlənmişdir: «Gördim əmmeyi-mehribanım başım
üstə əgləşüb derdi: - Ayağa dur, xeymələrə varub görəyim,
bəradəri-bimarun və sayir Əhli-beyti-ətharun başına nə
bəlalər gəlmiş» (66b). Nümunədən göründüyü kimi, burada -
əyim şəkilçisi birinci şəxsin təkini deyil, cəmini bildirir. Digər
mənbələrdə isə bu şəkilçi yalnız birinci şəxsin təkinin morfoloji
göstəricisidir (bax: 45, 140; 64, 44). Bunu nəzərə alaraq, güman
etmək olar ki, «görəyim» felindəki -əyim şəkilçisi bu morfemin
daha qədim forması olan və I şəxsin həm təki, həm də cəmini
bildirən -ayın, -ayin şəkilçisinin (64, 37-38) funksiyasını daşıyır.
7. Felin vacib şəkli məsdərlə «gərək» ədatının birləşməsi
yolu ilə düzəlmiş formada işlənmişdir: «Labüd onunla müqatilə
etmək gərək» (47a). «Səbr qılmaq gərəksiz kim, bu gecə səlahi-
kari mülahizə edəlim» (34b). «Hala Məkkə şəhrinə varub ol
məkani-feyzbünyandə təvəqqüf etmək gərəksən» (35b). Felin
vacib şəklinin bu forması orta yüzilliklərə aid yazılı
abidələrimizdə geniş yayılmışdır (bax: 45, 163-165; 64, 198-
204). Maraqlıdır ki,əsərdə «gərək» ədatı feil rolunda
müstəqil söz kimi də işlənmişdir: «Bu sözlər bana
135
gərəkməz» (47a). Aydındır ki, burada «gərəkməz» leksemi gərək
deyil mənasındadır.
8. Əsasən «etmək» köməkçi felinin nümunəsində -übən
feli bağlama şəkilçisi işlənmişdir: «Üç nəfər atlu və on səkkiz
nəfər piyadə əlaməti-mövt ilə isabəti-həvn edübən Abdullah
ibn Bətt əlində cami-şəhadət içdi» (57b). «Mənabiri-əhli-
islamı xarab edübən [minbər] üzrə çıxub bu növ əqvali-batilə
bəyan edərsüz» (71a). Orta əsrlərə aid yazılı abidələrdə geniş
şəkildə təmsil olunan -ibən, -übən feli bağlama şəkilçisi (bax:
45, 171; 20, l09) XIX əsr müəlliflərindən Natəvanın və Heyran
xanımın dilində də işlənmişdir (45, 171). Dilimizin Quba,
Zaqatala şivəsində bu qədim şəkilçi öz varlığını qoruyub
saxlamışdır.
9. Yenə də, əsasən, «olmaq», «qılmaq» köməkçi feillərinin
nümunəsində -madın, -mədin feli bağlama şəkilçisi işlənmişdir:
«Xəbəri-mövti-Müaviyə xəlq içində şaye' olmadın onları daireyi
bey'ətə gətür və əba qılan kimsəni qətlə yetür» (33b). «Hərbə
yetmədin yer üzrə düşüb mürği-ruhi-məqbahi aşiyani-əzabə
pərvaz edərdi»
.
(80a)
«Büsati-gülşəni-ali-rəsul güllərini
Şükuftə qılmadın əfsürdə qıldı badi-xəzan». (64b)
Nümunələrdən göründüyü kimi, bu feli bağlama şəkilçisi
həm nəsrdə, həm də nəzm parçasında işlənmişdir. Professor
H.Mirzəzadə
-madın, -mədin şəkilçisinin «Kitabi-Dədə
Qorqud»da və Nəsiminin dilində işləndiyini qeydə almışdır (45,
75). Maraqlıdır ki, Füzulinin dilində bu şəkilçi çağdaş ədəbi
dilimizdə olduğu kimi, -madan, -mədən formasında işlənmişdir
(45, 175).
10. Daha çox XV-XVI əsrlər üçün səciyyəvi olan -durur, -
dürür xəbərlik şəkilçisi işlənmişdir:
«Kimdürür aləmdə ol qəmdidə kim yandırmadı,
Dostları ilə paylaş: |