8
Bakы
HUQUQ
Jurnalы
həmin öhdəliklər şərti olduğu halda, balansdankənar
saxlamalıdırlar. Balansda saxlanılan aktivlərdən fərqli
olaraq, balansdankənar saxlanılan öhdəliklərə qarşı
bankın mülkiyyət hüququ tanınmır və banklar onlar
üzərində birbaşa hüquqi iddiaya malik deyil. ARMB-
ın “Azərbaycan Respublikasının bank sistemində
balansdankənar əməliyyatların uçot Qaydaları”na
əsasən balansdankənar əməliyyatlar bank riskinin
mövcudluğuna görə aşağıdakı qaydada təsnif edilir:
iii. təəhhüdlər və şərti balansdankənar əməliyyatlar;
iv. memorandum balansdankənar əməliyyatlar.
Təəhhüdlər və şərti balansdankənar əməliyyatlar
gələcəkdə qeyri-müəyyən hadisələrin və müqavilə
(şərti) öhdəliklərinin yaranmasına gətirib çıxaran,
müştərinin adından aparılan və yaxud bankın özünün
ticarət fəaliyyəti ilə bağlı olan və bank üçün risk təşkil
edən əməliyyatlardır.
Memorandum
balansdankənar
əməliyyatlar
təəhhüdlər və şərti balansdankənar əməliyyatlardan
fərqli olaraq, bank üçün risk təşkil etməyən
əməliyyatlardır.
Balansdankənar öhdəliklər banklar üçün potensial
olaraq əhəmiyyətli olan leverec (həddən artıq çox olan
yüklülük) mənbəyidir. Bunun üçün də banklar ARMB-
ın “Kapital adekvatlığı” Qaydaları altında müəyyən
olunduğu kimi kreditə konversiyası əmsalı tətbiq
etməklə kapitalın adekvatlığı əmsalları məqsədləri
üçün balansdankənar öhdəlikləri özündə əks etdirən
risklərin müqabilində ölçülməlidirlər.
Bu
məqalənin
məqsədləri
üçün
bankın
balansdankənar fəaliyyəti risklər üzrə hecinq vasitəsi
və əsasən də bankların borclarının ödəniş icra etməmə
risklərinin çevrilməsi üsulu kimi təhlil olunur.
QıymЯTl
İ kaЬıZlarla ЯmЯlİyyaTlar
Banklar daxilində müvafiq risklərin müəyyən
edilməsi, ölçülməsi və idarəetmə sistemlərinin mövcud
olmasına əmin olmaq üçün bankın treydinq fəaliyyəti
təhlil olunmalıdlr. Banklarda təşkil olunan risklərin
idarə edilməsi üzrə sistemlər bankın risklərin qəbul
etmə mədəniyyəti ilə uyğun olmalı və risklərə məruz
qalma bankın risk profilinə nisbətən artıq olmamalıdır.
Banklarda öz mülkiyyəti ilə treydinq fəaliyyətinin
həyata keçirilməsi cəmiyyətin banklarda uğursuzluq
hallarında olan zərərləri daşıyacağından, daha dəqiqi isə
banka uğursuzluğa uğramağa imkan vermək məqsədilə
vergi ödəyicilərinin pulundan istifadə olunduğu yerdə
iqtisadi çətinliklərdən çıxış kimi istifadə olunması
nəzərə alınmalıdır.
Azərbaycanda qiymətli kağızlar bazarı, əsasən,
Azərbaycan Respublikasının Mülki Məcəlləsi, Dövlət
Qiymətli Kağızlar Komitəsinin buraxdığı norma və qay-
dalar və Azərbaycan Respublikasının digər qanunları
və qaydaları ilə tənzimlənir.
Qiymətli kağızlar səhm və istiqrazlar kimi inves-
tisiya qiymətli kağızları formasında və törəmə (op-
sionlar və fyuçerslər), çeklər, orderlər, veksellər, girov
depozitləri və digərləri kimi qeyri-investisiya qiymətli
kağızlar formasında ola bilər.
Törəmə qiymətli kağızlar hər hansı aktivi (qiymətli
kağız, valyuta, əmtəə, birja indeksi və s.) almaq və ya
satmaq hüququnu təsbit edən qiymətli kağızlardır.
Bankların treydinq fəaliyyəti çərçivəsində ən çox
istifadə olunan törəmə qiymətli kağızlarıdır. Mülki
Məcəllənin müddəaları çərçivəsində törəmələr fyuçers
və opsionları və qanunla müəyyən edilə biləcək digər
törəmələri əhatə edir.
Törəmə qiymətli kağızların məqsədi bəzi risk və ya
dəyişkənliyi köçürəcək müqavilə yaratmaqdır. Risk və
ya dəyişkənlik istinad üçün olan aktivlər, hadisə, bazar
qiyməti və ya digər iqtisadi və təbii hadisələrin icrası və
ya qiyməti ilə əlaqəli ola bilər.
Risk profilinə müvafiq olaraq, aşağıdakıların biri
vasitəsilə törəmə qiymətli kağızları ilə ticarət aparılır:
i. Standartlaşdırılmış razılaşmalar ilə birja və ya klir-
inq təşkilatları vasitəsilə;
ii. Birjadan kənar olan ikitərəfli müqavilələr vasitəsilə
(BK törəmələr).
Mülki Məcəllədə fyuçerslər, opsionlar və qanun
tərəfindən törəmə kimi müəyyən oluna bilən digər
qiymətli kağızlar sadalanır.
Fyuçerslər və forvard müqavilələri aktivlər və
öhdəliklərin idarə olunmasında istifadə etmək üçün
olan vasitələridir və portfellərinin faiz norması riskinə
qarşı olan hissələrini sığortalamaq üçün banklar
tərəfindən istifadə oluna bilər.
Fyuçers müəyyən edilmiş tarixdə müəyyən baza
aktivinin əvvəlcədən razılaşdırılmış qiymətlərlə
alınması və ya satılması haqqında öhdəliyini təsbit
edən standartlaşdırılmış birja müqaviləsini ifadə edən
qiymətli kağızdır. Müvafiq olaraq, kredit riskinə məruz
qalma birjaya ötürülür və ümumilikdə, əhəmiyyətsiz
hesab edilir. Lakin bu, daha az inkişaf etmiş ölkələrin
birjalarına şamil olunmaya da bilər.
Fyuçerslərin dövriyyəsinə dair qaydalar çərçivəsində
fyuçerslər üzrə sövdələşmələr yalnız Dövlət Qiymətli
Kağızlar Komitəsinin verdiyi müvafiq lisenziyaya malik
olan klirinq təşkilatının iştirakı ilə icra olunmalıdır. Klir-
inq təşkilatları belə müqavilələrin icrasının zəmanətçisi
kimi fyuçers müqavilələri üzrə xidmət göstərir. Xarici
valyutalar, qiymətli kağızlar və mübadilə indeksləri
məhdudiyyət olmadan gələcək müqavilələr üçün baza
aktivi ola bilər. Digər baza aktivləri Dövlət Qiymətli
Kağızlar Komitəsi tərəfindən təsdiq olunmalıdır.
Fyuçerslərdən fərqli olaraq, opsionlar sahibinə
müəyyən edilmiş tarixdə müəyyən baza aktivinin
əvvəlcədən razılaşdırılmış qiymətlərlə almaq və ya sat-
maq hüququnu ifadə edən qiymətli kağızdır.
Məcəllədə xarici valyuta, qiymətli kağızlar, mübadilə
indeksləri, kommersiya məqsədli əmtəə və törəmələr
üçün potensial baza aktivi kimi digərləri sadalanır.
Qeyd etmək lazımdır ki, məcəllədə birbaşa olaraq,
törəmə maliyyə məhsullarının siyahısı daxilində forvard