49
orqanların fəaliyyətində özbaşınalıq, səlahiyyət həddini aşma,
qərəzlilik, korrupsiya, süründürməçilik kimi neqativ təzahürlər
dövlətə və onun mexanizminə ictimai etimadın sarsılmasına
səbəb olan ən mühüm meyarlar kimi çıxış edir.
İnzibati məhkəmə icraatı ilə bağlı bir cəhəti qeyd etmək
lazımdır ki, yalnız onun formalaşdırılması deyil, cəmiyyət
tərəfindən qəbul olunması da önəmlidir. Ölkənin hüquq sistemi,
dövlətin idarəçilik forması, siyasi rejim, inzibati icraat üsulları,
hüquqi ideologiya inzibati məhkəmə icraatının cəmiyyət
tərəfindən qəbul olunmasını və səmərəli fəaliyyətini şərtləndirən
mühüm təminatlarıdır. Təsadüfi deyil ki, ilk dəfə Fransada
inqilablar və Birinci imperiya dövründə yaradılan bu institutun
ən qatı əleyhdarları məhz hakimlərin özləri idilər. Buna səbəb
onların köhnə rejimdə yiyələndikləri və administrasiyanın
fəaliyyətinə məhkəmələrin nəzarətinə yol verməyən hüquq
düşüncəsini onlarda formalaşdıran
hüquq təhsili idi
65
.
İnzibati məhkəmə icraatının kompleks inzibati hüquq
institutu kimi formalaşdırılması və inzibati icraat qaydalarının
tənzimlənməsi inzibati hüquq sahəsində islahatının əsas
istiqamətlərindən olub müasir hüquqi dövlətin ideologiya və
prinsiplərinin inzibati hüquq münasibətlərinə tətbiqi prosesini
tənzimləyir. Hüquqi dövlətin fəaliyyətinin təminat forması kimi
inzibati məhkəmə icraatı inzibati orqanların fəaliyyətinə
məhkəmə nəzarəti institutu və inzibati aktların, hərəkətlərin
(hərəkətsizliyin) qanuniliyinin yoxlanmasını, pozulan hüquqla-
rın və qanuni maraqların bərpasını nəzərdə tutan normayaradıcı
və hüquqtətbiqedici fəaliyyət kimi çıxış edir.
65
Шарвен Р. Юстиция во Франции. Судебный аппарат и классовая борьба.
М.:Прогресс,1978,с.72-73
50
Mübahisələrin inzibati qaydada həll edilməsi ilə bağlı
məsələlərin məhkəmədə baxılmasının böyük üstünlüklərə malik
olması fikri hüquq ədəbiyyatında belə əsaslandırılır: “vətəndaş
üçün vəzifəli şəxsin qərarından yuxarı idarəetmə orqanına
şikayət vermək imkanı zahirən necə əlverişli təşkil edilsə də,
şikayət nəticəsində əmələ gələn münasibətlər həmişə inzibati
hüquqi münasibət olaraq qalacaq, yəni onların bir tərəfində
zavallı və kədərli vətəndaş, digər tərəfində isə inzibati idarə, çox
vaxt dövlət hakimiyyəti orqanları olacaq”
66
.
Azərbaycan dilində nəşr olunmuş “Hüquq ensiklopedi-
yası”nda prosesə mühakimə icraatı kimi yanaşılır
67
. Türk hüquq
lüğətində göstərilir ki, proses bir məhkəmənin və ya qurumun
mübahisəli məsələləri araşdıraraq həll etmək
üçün bir dəfədə və
fasiləsiz olaraq keçirtdiyi toplantıdır
68
. Ə.T.Yılmazın fikrincə,
proses – əvvəlcədən müəyyən olunmuş yerdə və vaxtda həyata
keçirilir, prosesdə həyata keçirilən araşdırma işləmləri isə
məhkəmə baxışı hesab olunur
69
. İnzibati hüquq dərsliyində isə
prosesə müəyyən nəticələrə nail olmaq üçün ardıcıllıqla həyata
keçirilən hərəkətlərin məcmusu kimi anlayış verirlir
70
.
İnzibati məhkəmə icraatının inzibati prosesdəki yeri və
xüsusiyyətləri elmi cəhətdən kompleks şəkildə araşdırılmasa da,
bu mövzunun ayrı-ayrı problemlər: müxtəlif səviyyələrdə tədqiq
olunmuşdur. Müəlliflərdən A.O.Abdullayev, F.S.Mehdiyev,
F.F.Nağıyev, N.Ş.Hüseynova, Ə.T.Yılmaz, A.M.Bandurka,
A.Y.Yakimov,
N.M.Tişenko, Y.N.Starilov, D.M.Çeçot,
66
İnsan hüquqları /E.A.Lukaşevanın redaktəsi ilə. Bakı: Şirvannəşr, 2005, s. 378
67
Quliyev A.İ. Hüquq ensiklopediyası. Bakı: Qanun, 2007, s. 867
68
Ayverdi İ. Misalli Büyük Türkçe Sözlük. İstanbul: Kubbealtı Neşriyatı, 2010, s. 467
69
Yılmaz E. Hukuk Sözlüğü. Ankara: Yetkin Yayınları, 2011, s. 126
70
Abdullayev A., Nağıyev F. İnzibati hüquq: Dərslik. Bakı: Qanun, 2008, s. 761