113
A a
yazılan, 1996-cı ildə nəşr edilən “Pedaqogika” ölkəmizdə ilk
original pedaqogika dərsliyidir (119). Bəs həmin dərslikdə dahi
şair-pedaqoq N.Gəncəvi irsinə münasibət və müraciət necədir? Bu
suala cavab axtarmaq məqsədilə həmin dərsliyin diqqətlə və nəzər-
dən keçirilməsi nəticəsində məlum oldu ki, müəlliflər təlim-tərbiyə
məsələlərinin şərhini əsaslandırmaq məqsədilə bir sıra Qərbi Av-
ropa və rus mütəfəkkirlərinin, şair və yazıçılarının müvafiq fikirlə-
rinə tez-tez istinad etdikləri halda, dahi Nizaminin irsinə müraciət
bir yana, heç onun adını belə çəkməmişlər.
Həmin dərslik əsasında prof.N.Kazımovun yenidən yazdığı
“Məktəb pedaqogikası” (120) dərsliyində bu acınacaqlı vəziyyət bir
qədər yaxşılığa doğru dəyişmişdir. Belə ki, burada dünyanın tanın-
mış mütəfəkkir, şair və yazıçıları ilə yanaşı, Azərbaycanın görkəmli
şəxsiyyətlərinin də adı çəkilmiş, onların təhsil, təlim, tərbiyə və
şəxsiyyətin inkişafı ilə bağlı dəyərli fikirlərinə istinad olunmuşdur.
Lakin qəribədir ki, müəllif bu dərslikdə dahi Nizaminin hikmətli
kəlamlarına yalız bir mövzunun (“Ağıl tərbiyəsinin ümumi məsə-
lələri”) şərhi zamanı kifayət qədər (altı dəfə) müraciət etdiyi halda,
digər mövzularda onun adı çəkilmir. Halbuki, N.Gəncəvinin tər-
biyənin bütün başlıca sahələri (tərkib hissələri) ilə bağlı hikmət dolu
kəlamları, öz zamanını doqquz yüz ilə yaxın bir zaman müddətində
qabaqlayan mütərəqqi pedaqoji ideyaları kifayət qədərdir və həmin
söz inciləri müəllifin tez-tez müraciət etdiyi Sədi Şirazinin, Ə.Cami-
nin poetik ifadələrindən öz dəyərinə ,tərbiyəvi təsir gücünə görə
daha üstündür.
Dahi Nizaminin pedaqoji görüşlərinə münasibət və müraciət,
onun klassik pedaqoq kimi dəyərləndirilməsi pedaqogika tarixinə
aid tədris vəsaitlərində arzu olunan səviyyədə deyil. Hətta, F.Rüstə-
movun “Pedaqogika tarixi” adlı 750 səhifəlik kitabında dahi N.Gən-
cəvinin adı belə çəkilmir. (121) Akademik H. Əhmədovun “Azər-
baycan məktəb və pedaqoji fikir tarixi” (122) adlı dərs vəsaitində ilk
dəfə olaraq, N.Gəncəviyə klassik pedaqoq kimi xüsusi yer ayrılmış,
onun əxlaq tərbiyəsi və müəllim haqqındakı fikirlərinin qısa səciy-
yəsi verilmiş, o, dahi şair olmaqla bahəm, görkəmli pedaqoq kimi
114
A a
də dəyərləndirilmişdir: “Nizami təlim-tərbiyəyə dair orijinal fikirləri
ilə orta əsr pedaqogikasına böyük töhfə vermişdir” (122, 60)
Pedaqogika elminə böyük töhfə vermiş N.Gəncəviyə çox
haqlı olaraq yüksək qiymət verən müəllifin bu dərs vəsaitində onun
pedaqoji görüşlərini cəmi bir neçə məsələ (yaş dövrləri; təlim; əxlaq
tərbiyəsi; müəllim haqqında) ilə məhdudlaşdırılması təəssüf doğurur.
Professorlar Y.Talıbov, F.Sadıqov və S.Quliyevin birgə yaz-
dıqları “Azərbaycanda məktəb və pedaqoji fikir tarixi” adlı tədris
vəsaitində şairin görüşlərinin əhatə dairəsi xeyli genişləndirilmişdir.
(bax: 123, səh. 51 – 101). Belə ki, həmin vəsaitdə dahi şairin insan
şəxsiyyətinin təşəkkülü, elm və təlim, yaş dövrləri, əxlaq tərbiyəsi,
fiziki kamillik və sağlamlıq, müəllim, ailə tərbiyəsi, musiqi və s.
haqqındakı fikirləri elmi-pedaqoji aspektdə təhlil edilmiş və ümu-
miləşdirilmişdir. Bütün bunlarla yanaşı, burada da dahi Nizaminin
pedaqoji görüşləri, xüsusilə, əxlaq tərbiyəsi istisna olmaqla, tərbiyə-
nin digər sahələri ilə bağlı fikirləri tam əksini tapmamışdır.
Beləliklə, ali pedaqoji məktəbdə pedaqogikanın tədrisi ilə
bağlı elmi-pedaqoji ədəbiyyatın qısa təhlili göstərdi ki, sovet dövrü
ilə müqayisədə dahi Nizamiyə klassik pedaqoq kimi münasibət və
müraciət tələb olunan səviyyədə olmasa da, əhəmiyyətli dərəcədə
yaxşılaşmışdır ki, bu da həmin fənnin tədrisi prosesində onun peda-
qoji görüşlərinin daha dərindən öyrədilməsinə geniş imkanlar açır.
Həmin imkanların və onların həyata keçirilməsi yollarının bəzilərini
nümunə üçün nəzərdən keçirək.
Məlum olduğu kimi, Ümumi pedaqogika fənni hazırda res-
publikamızın ali pedaqoji məktəblərində prof. N.Kazımovun müəllif
olduğu “Məktəb pedaqogikası” dərsliyi (120) əsasında tədris olunur.
Yuxarıda qeyd etdiyimiz kimi bu dərslikdə dahi şair-pedaqoqun pe-
daqoji irsinə müraciət kifayət qədər olmasa da, az da deyil. Müəl-
limlərə kömək məqsədilə pedaqogikanın ayrı-ayrı bölmələri və kon-
kret mövzuları üzrə N.Gəncəvi irsinə müraciətin imkan və yollarını
burada daha ətraflı nəzərdən keçirməyi məqsədəuyğun hesab edirik.
Pedaqogikanın tədrisi prosesində N.Gəncəvi irsinə müraciət
baxımından ən geniş imkanlara malik mövzulardan biri “Milli peda-
115
A a
qogikada şəxsiyyətin formalaşması məsələlərinə dair” mövzusudur.
Qeyd olunan dərslikdə bu mövzunun şərhinə ayrıca fəsildə (V fəsil)
altı paraqrafdan ibarət geniş material həsr olunmuşdur (bax: 120,
səh. 62 – 80). Çox təəssüf ki, burada şəxsiyyətin formalaşması mə-
sələlərinə aid Azərbaycan mütəfəkkirlərindən N.Tusi, S.Urməvi,
M.F.Axundov, S.Ə.Şirvani və M.Ə.Sabirin fikirlərinə müraciət
olunduğu halda, N.Gəncəvinin adı çəkilmir. Halbuki, aparılan yeni
tədqiqatlar göstərir ki, dahi şair şəxsiyyətin formalaşmasına təsir
edən amillər haqqında çox dəyərli fikirlər irəli sürülmüşdür. Həmin
fikirlərin elmi təhlili bu sətirlərin müəllifinin adı yuxarıda çəkilən
monoqrafiyasında verilmişdir (4,8 – 25).
Nizami irsinin dərindən və sistemli tədqiqi göstərir ki, o, milli
pedaqogikanın müasir dövrdə müəyyənləşdirdiyi şəxsiyyətin forma-
laşmasına qarşılıqlı əlaqədə təsir edən amillərin hər biri (irsiyyət,
ictimai mühit, tərbiyə, əmək fəaliyyəti) haqqında bu gün də öz ak-
tuallığını saxlayan dəyərli fikirlər irəli sürmüşdür. Mövzunun öyrə-
dilməsinə həsr olunan mühazirədə bu ümumiləşdirməni tələbələrə
çatdıran müəllim, fikrini aşağıdakı konkret faktlarla əsaslandırır.
“Xosrov və Şirin” poemasında fərsiz, naxələf oğlu Şiruyənin
xasiyyətindən Xosrov şikayət edərkən vəziri ona ürək-dirək verir ki,
o, sənin oğlun olduğu üçün pis ola bilməz:
Sən yaxşısan, o da pis olmayacaq,
Öz tumuna bənzər bar verən budaq. (4,9)
Göstərilən nümunədə irsiyyətin rolunu açıq-aydın qeyd edən
şair-pedaqoq, elə buradaca bu amilin həlledici olmadığını, çox vaxt
“oddan kül, küldən od” yarandığını, “hər çiçəyin bal”, “hər qamışın
şəkər” vermədiyini yazır. (bax: 57, səh. 333). “Yeddi gözəl” poema-
sında bu məsələyə bir daha toxunan şair göstərir ki, irsi amillər heç
də həmişə həlledici rol oynamır. Belə ki, bəzən gövhər daş doğur”,
bəzən isə əksinə, daşdan gövhər yaranır:
Elə vaxt olar ki, gövhər daş doğar,
Dostları ilə paylaş: |