tyabrın 27-də uzatdı. I925-ci ildə isə Millətlər Cəmiyyəti Mosul
rayonunu İraqa verdikdə Türkiyə buna eliraz etdi. Lakin 1926-cı il 5
iyun tarixli Ankara müqaviləsi ilə bununla razılaşmağa razı oldu.
Yaranmış belə ağır vəziyyətdə təminat sənədlərinin hazırlanması və
imzalanması zəruri idi.
Təminat paktı məsələsində İtaliya aparılan müzakirələrdən
sonra İngiltərənin təklifini qəbul etdi. Reyn paktında İtaliya ikinci
təminatçı dövlət olmalı idi.
Təminat məsələsinə həsr edilmiş Lokarno (İsveçrə) konfransı
1925-
ci il oktyabrın 5-16-da keçirildi. Konfransda Böyük Britaniya.
Fransa, Almaniya, İtaliya, Belçika, Polşa və Çexoslovakiya
nümayəndə heyətləri iştirak edirdilər. Konfransın sədri Ostin Çem-
berlen idi.
Lokarno konfransının yekununda aşağıdakı sənədlər imzalandı:
yekun aktı; Almaniya, Belçika, Fransa, Böyük Britaniya və İtaliya
arasında təminat müqaviləsi və ya Reyn paktı; Almaniya ilə Belçika
arasında arbitraj sazişi; Almaniya ilə Fransa arasında arbitraj sazişi;
Almaniya ilə Polşa arasında arbitraj sazişi; Almaniya ilə
Çexoslovakiya arasında arbitraj müqaviləsi; Fransa ilə Polşa arasında
saziş; Fransa ilə Çexoslovakiya arasında saziş.
Reyn təminat paktım imzalayan dövlətlər Versal sülh
müqaviləsi ilə müəyyən edilmiş ərazilərdə status-kvoya hörmət
edəcəklərinə, bir-birilərinə qarşı müharibələrdən imtina etməyə və
sərhədlərinin toxunulmazlığına dair öhdəlik götürürdülər. Sənədləri
imzalayan Almaniya da bütün ərazi məsələlərinin Fransa, Belçika,
Polşa və Çexoslovakiyanın iştirakı ilə beynəlxalq arbitraj sistemində
həllinə dair öhdəlik götürürdü. İngiltərə və İtaliya paktın təminatçı
dövlətləri oldular. Bununla da Fransanın Avropada rolu zəiflədilirdi.
Lokarno sazişləri 1925-ci il dekabrın 1- də Londonda son olaraq
imzalandı. İştirakçı dövlətlərin parlamentləri paktı təsdiq etdi.
Lokarno sazişləri ilə Almaniya Millətlər Cəmiyyətinə üzv qəbul
olunmağa dəvət edildi. 1926-cı il sentyabrın 1 O-dan etibarən
Almaniya nümayəndə heyəti Millətlər Cəmiyyəti
43
nin işində iştirak etməyə başladı. Almaniya digər dövlətlərlə yanaşı
bərabər siyasi hüquqlar aldı.
Lokarnodan sonra da böyük dövlətlər arasında mövcud olan
ziddiyyətlər zəifləmədi. Avropada Fransanın hegemonluğunun
qarşısını almaqdan ötrü İngiltərə hökuməti Almaniya və İtaliya ilə
əməkdaşlıq etmək xətti götürdü. Belə şəraitdə İtaliya da İngiltərə ilə
əlaqələr qurulmasına xüsusi diqqət yetirirdi. 1925-ci ilin dekabr
ayında Rapalloda Çemberlenlə Mussolininin görüşündə sənədlərin
imzalanması ilə iki ölkə arasında qarşılıqlı etimad bərqərar oldu.
1926-
cı il yanvarın 27-də İngiltərə ilə İtaliya hökumətləri hərbi
borclar məsələsinə dair saziş imzaladılar. İtaliya birinci dünya
müharibəsi illərində yaranmış borclarını ödəməkdə güzəşt əldə etdi.
Bu saziş İtaliyanın maliyyə vəziyyətini yaxşılaşdırdı. İtaliya-İngiltərə
münasibətlərinin yaxşılaşdığını görən Fransa Rumıniya ilə
müqavilələr imzaladı. Balkanlarda və Aralıq dənizində nüfuz dairəsi
uğmnda mübarizə 1926-cı il mayın 30-da Fransa-Türkiyə, iyunun
5-də isə İngiltərə-Türkiyə dostluq konvensiyalarının imzalanması ilə
müşayiət olundu. Türkiyənin Qərb dövlətləri ilə yaxınlaşması SSRİ
hökumətini narahat edirdi.
Yunq planı
20-ci illərin sonlarından beynəlxalq münasibətlərdə dünyanı
nüfuz dairələrinə bölmək, yeni əlverişli bazarlara və ucuz xammal
mənbələrinə yiyələnmək uğrunda mübarizə gücləndi. Almaniya,
İtaliya və Yaponiya Versal sülh müqaviləsinin şərtlərinə uyğun olaraq
dünyanın bölüşdürülməsinin əleyhinə çıxırdı. Daues planı ilə
Almaniyaya istiqrazların verilməsi, ölkəyə xarici kapital axını,
markanın sabitləşməsi, əlverişli ticarət müqavilələrinin imzalanması
və sənayenin texniki cəhətdən yenidən qurulması alman maliyyə
kapitalının mövqelərini xeyli gücləndirdi. Artıq
1927-
ci ildə Almaniya məhsullarının ixracı müharibədən əvvəlki
səviyyəni ötüb keçdi. Bu isə Almaniyanın xarici siyasətinə əlavə
44
güc verirdi. Belə şəraitdə Almaniya açıq şəkildə yeni iddialar irəli
sürməyə başladı. 1928-ci ildən Almaniyanın Reyn vilayətindən
müttəfiq ordularının çıxarılmasını və ödədiyi təzminatın məbləğinin
aşağı salınmasını tələb etməsi Fransada narazılıq yaradırdı.
Mübahisəni həll etmək üçün böyük dövlətlər təzminat məsələsinin
müzakirəsini keçirməyə hazır olduqlarını bəyan etdilər.
1928-
ci il dekabrın 22-də Böyük Britaniya, İtaliya, Belçika,
Fransa və Yaponiya təzminat məsələsinə dair ekspertlər komitəsini
təsis etdiklərini rəsmi şəkildə bildirdilər. Komitənin ilk iclası 1929- cu
il fevralın 11-də keçirildi. Onun tərkibinə Böyük Britaniya, Fransa,
İtaliya, Yaponiya, Belçika, ABŞ və Almaniyanın hər birindən iki
nəfər olmaqla 14 nümayəndə daxil oldu. Komitənin sədri Dau- es
planının müəlliflərindən biri olan ABŞ eksperti Ouen Yunq idi.
Müzakirələr nəticəsində Yunq planı ekspertlər tərəfindən qəbul
olundu. Son razılaşma iyunun 7-də əldə edildi. 37 il müddətində
Almaniyanın ödəyəcəyi təzminatın orta məbləği l mlrd. 988 mln.
marka olmalı idi. Bu məbləğə Almaniyanın Daues planına əsasən
aldığı istiqrazların ödənilməsi də əlavə edildi. Yunq planı 1929-cu
ildə Haaqada 12 dövlətin - Fransa, Böyük Britaniya, Almaniya,
Belçika, İtaliya, Yaponiya, Çexoslovakiya, Yuqoslaviya, Polşa,
Rumıniya, Yunanıstan və Portuqaliya nümayəndə heyətinin iştirak
etdiyi konfransda müzakirə olundu. Konfransda maliyyə və siyasi
komissiyalar yaradıldı. Reyn vilayətinin azad edilməsi məsələsində
konfrans iştirakçıları ilkin razılığa gəldilər. Məlum olduğu kimi,
Versal müqaviləsinin şərtlərinə görə üçüncü zona yalnız 1935-ci ildə
azad edilməli idi. Lakin müzakirələr nəticəsində üçüncü zonanı
1930-cu ilin ortalarınadək azad etmək qərara alındı. Müttəfiqlərin
sonuncu ordu hissələri yalnız həmin ilin iyun ayında Reyn
vilayətindən çıxarıldı. Yunq planı prinsipcə 1929-cu il avqustun 31-də
müvafiq protokolun imzalanması ilə bəyənildi. Qəti olaraq bu plan
1930-cu il yanvarın 20-də keçirilən ikinci Haaqa konfransında qəbul
edildi. Yunq planı təzminatın ödənilməsi qaydasını dəyişdirdi. Daues
planının müəyyənləşdirdiyi istiqraz vərəqələri sistemi
45
Dostları ilə paylaş: |