Böyük Azərbaycan yolçusu
81
Cəbhəsi həm çox güclü idi, həm də orada etibarlı dostlar çox
idi. Heç vaxt yadımdan çıxmaz, cəbhəçi dostlarım məni gizli
surətdə yük təyyarəsində Bakıdan Naxçıvana yola saldılar. Yük
təyyarəsində bir çox şeylər vardı,- kitablar, qəzetlər və s.. Mən
də kitablara, qəzetlərə baxa-baxa çatdım Naxçıvana. Sağ
olsunlar, məni Naxçıvandakı cəbhəçi dostlarımız qarşiladı.
Oradan birbaşa getdik Naxçıvan AXC - nin qərargahına.
Oradakı İdarə Heyyətinin üzvləri ilə görüşdük. İlk dəfə
Bünyamini orada görüb tanış oldum. Orada vəziyyəti müzakirə
elədik və cəbhəçi dostlarım belə qərara gəldilər ki, mənim
təhlükəsizliyim üçün bir müddət yarımgizli formada Nehrəmdə
qalım. Nehrəm kənd olmağına baxmayaraq həm cəbhə burada
çox
güclü idi, həm də deyilənə görə Nehrəm kəndinin insanları
çox mərd, etibarlı və cəsur insanlardı. Mən ilk gündən gördüm
ki, Nehrəm kəndi haqqında deyilənlər doğrudur. Həqiqətən də
nehrəmlilərin və o cümlədən Bünyaminin ailəsinin necə
səmimi, qonaqpərvər, açıqürəkli olmaqla yanaşı, necə mərd,
cəsarətli və etibarlı olduğunu gördüm. Bünyaminin qoca anası
məni doğma övladı kimi qəbul elədi və mən orada yaşadığım
müddətdə onu öz anam kimi sevdim. Hətta bəzən başımı
dizinə qoyurdum və o da məni doğma balası kimi oxşayırdı.
Bünyaminlə bir çox siyasi məsələdə tez-tez dartışmağımıza,
hətta bəzən çox sərt mübahisələr etməyimizə baxmayaraq mən
orada yaşadığım müddət Bünyamingilin ailəsinə elə alışdım ki,
ailənin hər bir üzvünü özümə doğma bacı – qardaş hesab
edirdim.
Naxçıvanda olarkən mənə çox tez müddətdə aydın
olduki, Azərbaycan Xalq Hərəkatının əsas hərəkətverici
qüvvəsi və sükanı Naxcıvan xalqı və o
cümlədən Nehrəm
camaatıdır. Heç yadımdan çıxmaz ki, dəfələrlə Naxçıvanda
hökumət məsulları tələblərə soyuq yanaşıb, istəklərə məhəl
qoymayıb, amma Bünyamin və ya nehrəmlilər gələndən sonra
məmurlar ehtiyatlı davranıb, təşvişlə məsələləri həll etməyə
Böyük Azərbaycan yolçusu
82
çalışıblar. Həqiqət naminə deyə bilərəm ki, Nehrəm camaatı
olduqca cəsarətli və prinsipial insanlardı. O dövrdə bütün ov
tüfənglərini camaatdan yığmaqlarına baxmayaraq, ermənilər
Sədərəyə və başqa kəndlərə hücum edəndə camaat
da dədə-
babalarından qalma köhnə paslı qılıncı, qəməsi, bir sözlə nəyi
vardısa onunla silahlanıb, təpədən dırnağa silahlanmiş
ermənilərlə döyüşə gedirdilər. Bünyaminin də o dövürdə
‘’əldəqayırma’’ bir tapancasi vardı ki, 25 – 30 metr məsafəni
ancaq vururdu. Bununla belə Bünyamin cox sevinirdi ki,
ermənilərlə döyüşməyə onun silahi var. Ümumiyyətlə Nehrəm
camaatında orta və ikiüzlü adam yoxdu. Ya lap yaxşı və
səmimidir, ya da pis adamdı. O pislərin sayi çox azdı və adətən
onların adlarının əvvəlində ya sonunda ləqəbi olur.
Mən Nehrəmdə olarkən, Sədərəyə ermənilərin hücumu
xəbəri Nehrəmə çatdı. Bir saat içində mindən yuxarı qocalı-
cavanlı əllərində “əldəqayirma’’ silahlarla,
köhnə qilinclarla
cəbhə qərargahının qarşısına yığışdılar və mən orada
Bünyaminin çox yaxşı bir sərkərdə olduğunu və camaatın ona
necə sədaqətlə inandığının şahidi oldum. Hətta yaşli bir kişinin
camaatın icindən ALLAHU ƏKBƏR, BÜNYAMİN
RƏHBƏR—sədaları ile irəliyə keçdiyini gördüm. O kişinin bu
şüarı mənə İran-İraq müharibəsinin şüarlarından birini xatırlat-
dı: -ALLAHU ƏKBƏR-XUMEYNI RƏHBƏR. Tarixçilərdən
eşitdiyim 1918-ci ildəki, Nehrəm camaatının erməni
Andranikin qoşunlarının qarşısında necə mərdliklə, cəsarətlə və
qətiyyətlə müqavimət göstərməkləri bir daha mənə sübut oldu.
1990-cı ildə ermənilər Qarabağın işğalından çox Naxçıvanın
işğalını düşünürdülər və mütəmadi olaraq Naxçıvan kəndlərinə
hücum edirdilər. Görünür
onlara da sübut oldu ki, belə bir
xalqın torpağını əlindən almaq heç də asan deyil ve sonradan
ermənilər hücumu Qarabağdan etməyi planlaşdırdılar.
O zaman Azərbaycan Ali Məclisinə deputat seçkiləri
idi. Nehrəmdən Bünyaminin namizədliyi irəli sürülmüşdü.
Böyük Azərbaycan yolçusu
83
Lakin sonradan rəhmətlik Heydər Əliyevin də namizədliyinin
verilməsi məsələsi ortaya çıxdı. O vaxt Xalq Cəbhəsində həm
Bakıda və həm də Naxçıvanda H.Əliyevin seçilməsinin vacib
olduğu fikri vardı. Uzun müzakirələr gedirdi. Heydər Əliyevi
elə yerdən namizəd vermək lazım idi ki, onun seçilməsinə heç
kim mane ola bilməsin. Cəbhənin ən
güclü olduğu yer Nehrəm
idi. Burdan da Bünyaminin namizədliyi vardı. O zaman Bünya-
min öz namizədliyini geri götürüb Heydər Əliyevin namizəd-
liyinin verilməsini dedi və Heydər Əliyevin namizədliyi Neh-
rəmdən verildi. Azərbaycan hakimiyyəti Heydər Əliyevə qarşı
olduğundan seçkilər zamanı rəhmətlik Heydər Əliyev camaatla
görüşə gələndə Bünyamin şəxsən özü H.Əliyevin mühavizəsini
təşkil edərək, onu xoşagəlməz hadisələrdən qorumağa çalışdı.
Beləliklə Heydər Əliyev Azərbaycana, Bünyamin isə Nax-
çıvana Nehrəmdən deputat seçildilər.
Sonradan Azərbaycanın müstəqilliyi, azadlığı və bütöv-
lüyü uğrunda mübarizə aparanların əksəriyyəti,
xüsusi ilə
Naxçıvan cəbhəçiləri çox ciddi basqı və sıxıntılar yaşadı. Onla-
rın əksəriyyəti Elçibəy hakimiyyətdən gedəndən sonra həbsxa-
nalara atıldı. Düzdür məni də Nehrəm keçid məntəqəsində
tutub İrana təhvil verdilər və çox ciddi acılar yaşadım. Amma
Bünyaminin 1996-cı ildə həbs olunması mənə daha çox pis
təsir elədi. Çünki Bünyaminin Heydər Əliyevin deputat
seçilməsində bir elə əməyi olduğu halda saxta ittihamla həbs
olunması çox ağır gəldi mənə. Bir müddət sonra mən yenidən
Bakıya qayıtdım, Bünyamin isə həbsdən çıxdı və bizim
dostluğumuz yenə davam edir. Bu gün biz hər görüşəndə
1990-cı illərdəki kimi keçmişdən,
hərəkat dövründən,
dostarımızdan tutmuş bugünkü hadisələrə qədər çox məsələləri
müzakirə edir, bəzən isə əvvəllər olduğu kimi çox sərt
mübahisələr edir və hətta savaşırıq. Yeri gəlmişkən qeyd edim
ki, Bünyamin çox küsəyəndi. Adi şeydən o dəqiqə inciyib
küsür. Hər il azı 4-5 dəfə məndən küsür və hər dəfə də mən onu
Böyük Azərbaycan yolçusu
84
danışdırıb barışıram. Amma burdaca deyirəm ki, 50 yaşından
sonra bir də küssə bu dəfə daha mən barışan deyiləm, zəhmət
çəkər özü gələr barışarıq. Bütün bunlara baxmayaraq biz
həqiqətən çox yaxın dostuq.
Ancaq mən qətiyyətlə deyə
bilərəm ki, Bünyamin çox məsələlərdə geri çəkilsə də, güzəştə
getsə də heç güzəştə getmədiyi məsələ milli məsələ və
dövlətçilik məsələsidir.
Bu yazını yazmağımın, xatirələri yenidən yaşamağımın
əsas səbəbi Bünyaminin 50 yaşı ilə bağlı kitab hazırlanmasıdır.
Mən 50-ci doğum günündə əziz və yaxın dostum Bünyaminə
ən xoş arzularımı bildirir və ona tezliklə ən böyük arzusu olan
Bütöv Azərbaycanı görməyi arzulayıram.